Хойд Кавказын Дагестаны бүгд найрамдах улсад сүүлийн 100 гаруй жилд тохиолдоогүй үерийн гамшиг нүүрлээд буй. Үер эхэлснээс хойш дор хаяж 15 суурин газар тусгаарлагдсан хэвээр байгааг орон нутгийн удирдлагууд Баасан гаригт /2026.04.17/ мэдэгдэв. Орон нутгийн тээврийн албаны мэдээлснээр 105 байршилд замын хөдөлгөөнийг сэргээсэн 15 суурин газар тээврийн хэрэгслээр хүрч чадахгүй хэвээр байгаа аж.

Автомашинаар хүрч очих боломжгүй хэд хэдэн байршилд Ми-8 нисдэг тэргээр хүнс, эм зэрэг зайлшгүй шаардлагатай зүйлсийг хүргэжээ.

Дагестанд гуравдугаар сарын сүүл, дөрөвдүгээр сарын эхээр хүчтэй бороо орсны улмаас үерийн аюул нүүрлэсэн. Үерээс болж долоон хүн амиа алдаж, 6200 хүнийг нүүлгэн шилжүүлээд байна.

ОХУ өнгөрсөн долоо хоногт үертэй холбоотойгоор Дагестан болон хөрш зэргэлдээ Чеченийн бүгд найрамдах улсад холбооны түвшний онц байдал зарласан. Чеченьд хүн амиа алдсан тохиолдол бүртгэгдээгүй байна.