Нийслэлийн ХҮН намын хороо өнөөдөр /2026.04.16/ хуралдаж, олонхын саналаар Т.Отгонбаатарыг даргаар сонгожээ. ХҮН намын дүрмийн дагуу Нийслэлийн намын хорооны даргад нэр дэвшигчдийг намын Ерөнхий нарийн бичгийн дарга хуралд оруулж ирж танилцуулдаг. Тус намын Ерөнхий нарийн бичгийн дарга Д.Гантулга даргад нэр дэвшигчдийг танилцуулж, асуулт, хариулт явсны дараа нууц санал хураалт явуулжээ.

Т.Отгонбаатар нь Монгол Улсын их сургуулийн Эдийн засгийн сургуулийг Хүн ам зүй мэргэжлээр суралцаж төгссөн. АПУ Трейдинг, АПУ ХК зэрэг бизнесийн байгууллагад 10 гаруй жил ажилласан туршлагатай төдийгүй ХҮН намын Гүйцэтгэх зөвлөлд Нарийн бичгийн даргын сонгуульт албан тушаалд 2022 оноос тасралтгүй ажиллаж ирсэн.