Фото: "Coachella" бол загвар, урлагийн хослол

Цус булгилуулж, цөс хөөргөсөн хөгжмийн хамгийн том наадам болох "Coachella-2026"-ийн эхний хэсэг өнгөрсөн амралтын өдрүүдэд болж өнгөрлөө. Хөгжмийн ертөнцийг тэргүүлэгчид энэхүү наадамд оролцож, гайхалтай үзүүлбэрүүдээ үзүүлэхээс гадна нэгэн салбар өнгө төрхөө тодорхойлдог билээ. Тэгвэл энэ салбар нь "FASHION" бөгөөд оролцогч бүх хүн өөрсдийн хүссэн хувцсаа хэм хэмжээ, нийгмийн үнэлэмжид баригдалгүйгээр өмсөж, цагийг зугаатай өнгөрүүлэх боломж олддог.

"Coachella 2026"-г алдартнуудын гайхалтай хувцаслалт чимж байлаа. Сабрина Карпентер өмнөх удаагийн наадамд зөөлөн, хүүхэлдэй мэт цэнхэр даашинз, хүрэм өмсөж, нарны шил зүүж байсан бол энэ жил гялалзсан топ, юбкатай илүү тод хэв маягийг сонгосон. Мөн “Jesus Was a Carpenter” бичигтэй цамц нь онцгой анхаарал татсан бөгөөд хэд хэдэн удаа хувцаслалтаа сольсон байна.

KATSEYE охидын хамтлаг мөн оролцож, дебют, шинэ уран бүтээлдээ зориулан өөр өөр хэв маягийг харуулсан. Жастин Бибер энгийн, чөлөөт хэв маягтай, тренд болсон шортоо өмссөн байв. Хэйли Бибер ч мөн загварлаг хувцаслалтаараа олны анхаарлыг татсан. PinkPantheress "Y2K" хэв маягийг авчирсан бол Taemin нэг өнгийн монохром хувцаслалт сонгосон байв.

FKA Twigs ирээдүйг илэрхийлсэн "Y3K" загварыг мөн харуулсан. Laufey цагаан, үзэсгэлэнтэй даашинз өмссөн байв. flowerovlove шар өнгийн тренд хувцас өмсөж, BINI хамтлагийг тайзан дээр урьсан бөгөөд тэд барууны хэв маягийн фестивалийн хувцсаар гоёжээ. Мөн Серена Пэйж, Лиа Катеб зэрэг бусад алдартнууд фестиваль дээр дэгжин хувцасласан байсан нь гэрэл зургийн дуранд буужээ. Тэгвэл олны танил, алдартнууд хэрхэн хувцасласныг харцгаая.