Европын хөлбөмбөгийн клубуудын дундах хамгийн нэр хүндтэй тэмцээн болох УЕФА Аваргуудын лигийн энэ улирлын шөвгийн наймын хариу тоглолтууд өнөө шөнө/2026.04.15/ 03:00 цагаас эхэлнэ.

Атлетико Мадрид vs Барселона

Өнгөрсөн дөрөвдүгээр сарын 9-нд Барселона болон Атлетико Мадрид энэ улиралд тав дахь удаагаа учраа таарсан. Ялалтын тоогоор каталончууд 3:2-оор илүүрхэж байгаа ч Мадридын баг Испанийн цомоос тэднийг нийлбэр дүнгээр хасч, Аваргуудын лигийн шөвгийн наймын эхний тоглолтын дараа хоёр гоолын давуу байдалтай болоод байна.

Камп Ноуд болсон тоглолтын эхний хагасын төгсгөлд шүүгч Пау Кубарсиг алдаа гаргасны төлөө улаан хуудас хүртээн талбайгаас хөөсөн. Үүний дараахан Хулиан Альварес гайхалтай чөлөөт цохилтоор гоолдсон. Хоёрдугаар үед зочид хамгаалалтад анхаарлаа төвлөрүүлсэн ч дахин гоол оруулж чадсан. Тодруулбал, сэлгээгээр орж ирсэн Александр Сёрлот багийнхаа тэргүүллийг баталгаажуулсан.

Барселонад байгуулсан энэ ялалт тэнцвэрийг эрс өөрчилсөн. Одоо хоёр тоглолтын нийлбэр дүнгээр Атлетико илт фаворит болж байна. Ханси Фликийн баг эргэн ирэх боломжтой ч Диего Симеоне үр дүнгээ хадгалж чаддгаараа алдартай. Ялангуяа өөрсдийн талбай болох Метрополитано цэнгэлдэхэд.

Ливерпуль vs Парис Сен-Жермен

Ливерпуль Парис хотод тун хангалтгүй тоглосон. Зөвхөн 2:0-ээр хожигдсон төдийгүй бөмбөг эзэмшилт ердөө 26 хувь байсан бөгөөд нэг ч удаа хаалга руу оновчтой цохилт хийж чадаагүй. Парисын багийн үүсгэсэн боломжуудыг харвал гоолын зөрүү хол ч байж болох байлаа.

Францын аваргууд эхний тоглолт болон нийт тулаанд фаворит байсан. Харин одоо Энфилд дэх хариу тоглолтын өмнө тэдний хагас шигшээд шалгарах магадлал бараг 70 хувьд хүрсэн. Ливерпуль өмнөх шатанд эргэн ирж, чадсан ч Луис Энрикегийн баг бол Галатасарай биш. Тэд бол аваргаа хамгаалагч, мөн энэ улирлын гол фаворитуудын нэг.

Арсенал vs Спортинг

Энэ улирал Аваргуудын лигт түрүүлэх хамгийн өндөр магадлалтай болон хамгийн бага магадлалтай хоёр багийн тулаан сонирхолтой. Английн баг гол фаворит хэвээр байгаа бол Португалын багийг дутуу үнэлж болохгүй.

Гэсэн ч эхний тоглолтод Арсенал том давуу байдал үүсгэж, чадаагүй. Тэд Эстадиу Жозе Алваладе дээр Кай Хаверцийн нэмэлт цагийн гоолоор 1:0-ээр хожсон.

Хариу тоглолтын коэффициентоос харахад Эмирэйтс цэнгэлдэх Спортингийн хувьд энэ улирлын сүүлчийн зогсоол болох магадлал өндөр байна.

Байерн Мюнхен vs Реал Мадрид

Бернабеуд 2:1-ээр ялалт байгуулсны дараа Байерны түрүүлэх магадлал нэмэгдсэн. Харин Реал Мадридын боломж мэдэгдэхүйц буурсан.

Гэсэн ч эзэн хааны багийг дутуу үнэлж болохгүй. Нэгдүгээрт, нэг гоолын зөрүү бол шийдэгдсэн зүйл биш. Хоёрдугаарт, Альваро Арбелоагийн мэдэлд дэлхийн хэмжээний тоглогчид бий. Мөн багийн бүрэлдэхүүний асуудлууд ихэнх нь шийдэгдсэн, зөвхөн хаалгачийн байрлалд л асуудал байна. Тодруулбал, Тибо Куртуа гэмтэлтэй, Андрий Лунин формгүй байна.

Гэсэн хэдий ч айлын талбайд даалгавраа биелүүлсэн Германы баг гэртээ барьц алдахгүй л болов уу.