Хан-Уул дүүргийн 8 дугаар хороо, Жаргалантын амны орчимд бэлчээрлэж байсан Монгол Үндэсний морьт харвааны 18 хурдан морийг бойд өгөн төхөөрсөн ноцтой хэрэг бүртгэгдсэн. Тус хэргийг үйлдсэн бүлэг этгээдүүд морьт харвааны спортын гол түшиг болсон сургуультай морьдыг нэг дор нядалж, их хэмжээний хохирол учруулсан юм. Цагдаагийн байгууллагаас уг хэргийг шуурхай шалгаж, холбогдох этгээдүүдийг тогтоон саатуулсан байдаг. Тэгвэл тус хэргийг үйлдсэн этгээдүүдэд прокуророос яллах дүгнэлт үйлдэж, хэргийг шүүхэд шилжүүлсэн байна.

Тус хэрэгт холбогдуулан Э.Э нарын зургаан хүнд холбогдох Монгол Үндэсний морьт харвааны 18 хурдан морийг Хан-Уул дүүргийн 8 дугаар хорооны нутаг дэвсгэр, Жаргалантын аманд бэлчээрт байхад нь 2025 оны зургадугаар сарын 06-ны өдрөөс 07-нд шилжих шөнө тууж, хулгайлсан, улмаар мах нядлах газарт худалдан борлуулж, мөнгө угаасан хэрэгт Эрүүгийн хуулийн 17.12 дугаар зүйлийн 2 дахь хэсгийн 2.1, 2.2 дахь хэсэг (Олон тооны мал, бүлэглэж хулгайлах), 18.6 дугаар зүйлийн нэг дэх хэсэг (Мөнгө угаах)-т зааснаар яллах дүгнэлт үйлдэж, Баянгол, Хан-Уул, Сонгинохайрхан дүүргийн Эрүүгийн хэргийн анхан шатны тойргийн шүүхэд шилжүүлжээ.