"OpenAI"-ийн гүйцэтгэх захирал Сэм Альтманы Сан Франциско дахь гэр лүү молотовын коктейль цацсан хэрэг хоёр өдрийн өмнө гарсан. Тэгвэл Ням гаригийн /2026.04.12/ өглөө Сэм Альтманы гэр лүү дахин халдсан хэрэг гарлаа. Тодруулбал, машин дотроос байшин руу буудсан хоёр этгээдийг Сан Францискогийн цагдаагийн хэлтэс баривчилжээ.

Сэжигтнүүд нь 25 настай Аманда Том, 23 настай Мухамад Тарик Хуссейн нар байжээ. Тэд яг Альтманы гэр гэж зорьж онилсон эсэх нь тодорхойгүй байна.

Харин молотовын коктейль цацсан хэрэг нь өнгөрсөн Баасан гаригт /2026.04.10/ үүрийн 04:00 цагийн орчимд гарчээ. Байшин руу шатамхай төхөөрөмж шидсэний улмаас гадна хаалганд гал гарсан байна. Сэжигтэн этгээд үргэлжлээд үүрийн 05:00 цагийн орчимд "OpenAI"-ийн байрны гадаа оччихсон, шатаана гэж заналхийлж байхад нь цагдаа нар барьж авчээ. Өдгөө 20 настай сэжигтний яллах дүгнэлт хүлээгдэж байна.