Хэнтий аймгийн цагдаагийн газарт 16.50 цагт "Хэнтий аймгийн Жаргалтхаан сумын 1 дүгээр багийн Дуутын даваа" гэх газарт "Hyuindai" маркийн автобус, "Тоёота" маркийн тээврийн хэрэгсэлтэй мөргөлдсөн зам тээврийн ноцтой осол бүртгэгдсэн. Хэргийн газарт тус цагдаагийн байгууллагаас шуурхай бүрэлдэхүүн очиж, үзлэг шалгалтын ажиллагааг шуурхай зохион байгуулж байна. Ослын улмаас зургаан хүн нас барсан байна. Мөргөлдсөн тээврийн хэрэгслүүдэд зорчиж явсан бусад иргэдэд эмнэлэгийн байгууллагын тусламж үзүүлэх, ослын шалтгаан нөхцлийг тогтоох ажиллагаа явуулж байгаа талаар албаныхан мэдээллээ.