АН-ын ЕНБД, дэд дарга нарыг сарын дотор томилно

Ардчилсан намын Үндэсний бодлогын хорооны хурал өнөөдөр /2026.04.10/ хоёр дахь өдрөө үргэлжилж байна. Хурлаар намын Ерөнхий нарийн бичгийн дарга болон таван дэд даргыг сонгох байсан боловч хойшлуулж, нэг сарын дотор дахин хуралдаж шийдвэрлэхээр болжээ. Яг одоо намын Улс төрийн зөвлөлийн 32 гишүүнийг сонгохоор хэлэлцэж байна.

Ардчилсан намын Үндэсний бодлогын хорооны 68 дугаар хуралдаан дахин үргэлжилж байна. Энэхүү хурлаар Д.Амарбаясгаланг АН-ын ЕНБД-д нэр дэвшүүлсэн ч 153 гишүүн дэмжээгүй учраас АН-ын бүлгийн зөвлөх А.Батпүрэвийг нэр дэвшүүлсэн ч санал хураалт явуулалгүйгээр өчигдөр хурал завсарласан юм. Үүнээс гадна ҮБХ-ны хурлаар Монгол Улсын Ерөнхийлөгчийн сонгуульд АН-аас нэр дэвшигчийг тодруулах журам танилцуулж, намын Үндсэн дүрэмд нэмэлт, өөрчлөлт оруулах тухай шийдвэрийн төсөл боловсруулах үүрэг бүхий ажлын хэсгийг байгуулж, бодлогын зөвлөлүүдийн бүтцийг батлах тогтоолын төслийг хэлэлцжээ.

Сонгуулийн үр дүнд сонгогдсон 378 гишүүний 59 хувь нь 39 хүртэл насны залуучууд байна. Ташрамд дурдахад, намын дунд шатны байгууллага болох аймаг, дүүргүүдийн намын хорооны гишүүдийн 4250 суудлын төлөө 7000 гаруй гишүүд нэрээ дэвшүүлэн өрсөлдөж 70 шахам хувь нь анх удаа сонгогджээ.

9 сэтгэгдэл

Хариулахаа болих

Нэргүй 2026-04-10 59.153.112.125

ХОЁР ТОМ НАМЫН ДОТООД ХАГАРАЛ ЗӨВХӨН ӨӨРИЙН НАМДАА БИШ, ТӨРД Ч ГАЙ БОЛОХ ЮМ БАЙНА ШҮҮ. ХУРЦЫН ХЭЛСНЭЭР АН ДОТОР ЖЕНКО БҮЛГЭЭС ГАДНА ТЕСО-ИЙН БҮЛЭГ ҮҮССЭН ГЭНЭ. МАНЬ ХҮН ЭБИ БҮЛЭГ БИЙ, БАЯРЦГТ БИД ХОЁР ТЭР БҮЛГИЙН ГИШҮҮН ГЭЭД ХЭЛСЭН БОЛ ОНОО АВАХ БАЙЛАА.

Хариулах

МАН, АН хоёрын дотоод хагарал ийм баыйгаа юм. ЕНБД -аа сонгож чадахгүй тарлаа. ТЭРИЙГЭЭ МУНДАГ АРДЧИЛАЛТАЙ НАМ ГЭЖ ИЧИХГҮЙ ЗӨВТГӨЖ БАЙНА. ХОЁР ТОМ НАМЫН ДОТОРХ ЗОДООН БОЛ ЭРХ АШГИЙН ЗОДООН. ТЭРИЙГЭЭ НУУЦГАДАГ. ҮҮНИЙ БАТАЛГАА НЬ АН ЕНБД-АА СОНГОЖ ЧАДСАНГҮЙ

Зочин 2026-04-10 192.82.92.42

Нам бол оюуны элитуудын байгууллага, улс терийн хал узсэн, хашир туршлагатай, ендер боловсрол ес зуйтэй хун байхаас, хеерсен, албан тушаал горьдсон, чадваргуй залуусын сурэг биш юм!