Ерөнхийлөгчийн Тамгын газрын Хэвлэл мэдээллийн албаны дарга Ц.Ганзориг өнөөдөр /2026.04.10/ мэдээлэл өглөө. Тэрбээр "Монгол Улсын Ерөнхийлөгчөөс өргөн мэдүүлсэн УИХ-ын гишүүнийг эгүүлэн татахтай холбоотой хуулийн төслийг зарчмын хувьд УИХ болон нийгэм, хэвлэл мэдээллийн хэрэгслээр өргөн дэлгэр хэлэлцүүлэг өрнүүлж байна. УИХ дээр энэ хуулийн нэмэлт өөрчлөлтийг УИХ дээр дэмжиж байна. Хоёр зүйл дээр эргэлээ бүхий шүүмжлэл байна. Тухайлбал, парламентын засаглалтай Монгол Улсын улсын хувьд сайн хэрэг. Ямар нэгэн хуулийн төслийг төрийн тэргүүн шахаж тулгаагүй. Хэлэлцүүлэг өрнүүлж, засч сайжруулаад явах ёстой. Тэгэхээр хоёр зүйл дээр хариулт өгье. Эхний эргэлзээ бол энэ хуулийн төслийг УИХ-д өргөн барьснаар Монгол Улсын Ерөнхийлөгч өөртөө эрх мэдэл нэмэх гээд байгаа юм биш үү. Хэн нэгэн УИХ-ын гишүүнийг эгүүлэн татаад, тэр эрх мэдлээ өөртөө авах гээд байгаа юм биш үү гэдэг эргэлзээ байна. Хоёрт нь намын жагсаалтаар сонгогдсон УИХ-ын гишүүдийн асуудал байна. Энэ гишүүдээ нам нь эгүүлэн татдаг байдал үүсэх үү гэдэг дээр асуудал тавьж, шүүмжлэл өрнүүлж байна.

Үндсэн хуулиараа ч Монгол Улсын төрийн тэргүүнд ийм эрх олгоогүй. Тэгэхээр энэ болохоор Ерөнхийлөгч УИХ-ын гишүүдийг ажилдаа  хариуцлагатай байж, хуралдаа оролцож, хуулиа хэлэлцэж, ёс зүйтэй байх шаардлагыг тавьж байна. Нийт 126 гишүүнээс аль нэг нь тангаргаасаа няцаж, ёс зүйгүй үйлдэл гаргасан гэж үзэж байгаа гишүүндээ хариуцлага тооцох эрх нь УИХ-ын гишүүддээ хадгалагдаж үлдэнэ. Парламентын дархлаа нь энэ хуулиараа хадгалагдана. Нэр бүхий гишүүн өргөсөн тангаргаасаа няцсан байлаа гэж бодоход сонгогчоос өргөдөл өгч, УИХ-ын Ёс зүйн дэд хороо асуудлыг хэлэлцэж, шийдвэрээ гаргана. Тэгээд УИХ-ын чуулганаар нээлттэй ярилцаад явна. Нэг сарын өмнө ярихад шүүмж явж байсан бол нэр бүхий шүүгчид одоо энэ хуулийг санал дүгнэлтээ өгч байж, УИХ дээр хүлээж авсан. Одоо бол эрүүл мэтгэлцээн өрнөж байна. Ерөнхийлөгч дургүй гишүүдээ эгүүлэн татах асуудал огт байхгүй. Дөрвөн жилийн хугацаанд ард түмний төлөөлөгч асуудал гаргавал 126 гишүүн шийднэ. Үндсэн хуулийн Цэц УИХ-ын гишүүнийг эгүүлэн татах санал санаачлага гаргахгүй. Энэ хуулийн төсөлд ийм агуулга огт байхгүй. Хяналт иргэдэд байгаа" гэсэн юм.