Улаанбаатар хотод скүүтер, мопед, цахилгаан дугуйтай иргэдийг замын хөдөлгөөнд оролцуулах шинэ зохицуулалт өнөөдрөөс /2026.4.10/ хэрэгжиж эхэллээ. Шинэ журамд 16 насанд хүрээгүй хүүхдийг скүүтер, мопед унахыг хориглосон бөгөөд эцэг эх, асран хамгаалагч нарт хяналт тавихыг анхааруулж байна. Хэрэв дээрх насны хүүхэд энэ төрлийн тээврийн хэрэгсэл унасан тохиолдолд Зөрчлийн тухай хуулийн дагуу эцэг эхийг нь 100 мянган төгрөгөөр торгох зохицуулалт үйлчилнэ. Сүүлийн жилүүдэд цахилгаан дугуй, скүүтерийн хэрэглээ огцом өссөнтэй холбоотойгоор зам тээврийн осол, гэмтлийн тоо нэмэгдсэн талаар албаныхан мэдээлэв.

Тодруулбал, 2024 онд энэ төрлийн тээврийн хэрэгсэлтэй холбоотой 300 гаруй осол бүртгэгдсэн байна. Ослын 40 гаруй хувийг хамгаалалтын хэрэгсэл хэрэглээгүй, тээврийн хэрэгслийн бүрэн бүтэн байдал хангагдаагүй, мөн замын хөдөлгөөний дүрмийн мэдлэггүй өсвөр насныхан байсан байна.