Нийслэлийн Засаг дарга яагаад хөдөө ажиллав? | News.MN

Нийслэлийн Засаг дарга яагаад хөдөө ажиллав?

Нийслэлийн Засаг дарга яагаад хөдөө ажиллав?

Нийслэлийн Засаг дарга яагаад хөдөө ажиллав?

Нийслэлийн Засаг дарга бөгөөд Улаанбаатар хотын захирагч С.Батболд Төв, Дархан-Уул, Сэлэнгэ аймгуудад ажиллаад иржээ. Үүнийг сонссон зарим хүн  “Эвэртэй туулай” харсан мэт цочирдов. “Хотын дарга яагаад хөдөө ажилладаг юм”, “Урьд өмнө ийм сонин юм сонсоогүй”, “Тэгвэл хөдөөгийн дарга нар хотод ирж ажиллах уу”, “Хотын дарга хөдөөний хүн болохоор нутгаа санав уу” хэмээн мөнөөх мэдэмхийрдэг зангаараа ам уралдуулцгаав. Үнэндээ ч нийслэл хотын дарга хөдөө орон нутагт ажиллаж байсан түүх урьд өмнө сонсогдож, үзэгдэж байгаагүй л дээ. Хотын даргын ажил дөрвөн уулынхаа л дунд хэмээн хүн бүрийн ой тойнд буучихсан хэрэг.

Тэгвэл өнгөрсөн хавар Нийслэлийн Засаг дарга бөгөөд Улаанбаатар хотын захирагч С.Батболдын санаачилгаар Улаанбаатарын төвлөрлийг задалж, хүний нөөц, ажиллах хүчний ашиглалтыг сайжруулах, эдийн засгийн болон захиргааны арга хэрэгслийг ашиглан суурин газруудыг бүсчлэн хөгжүүлэх зорилгоор “Хөгжлийн алтан гурвалжин” бодлогыг хэрэгжүүлэхээр Төв, Сэлэнгэ, Дархан-Уул, Эрдэнэт, Булган аймгуудтай хамтран ажиллах Санамж бичиг байгуулсныг санах хүн олон бий. Эдгээр аймгуудтай байгуулсан Санамж бичгийн хэрэгжилт ямар байгаа, хэрхэн ажил хэрэг болж буйг газар дээр нь очиж үзэхээр Нийслэлийн Засаг дарга бөгөөд Улаанбаатар хотын захирагч С.Батболдоор ахлуулсан ажлын хэсэг Төв аймгийн Жаргалант сум, Дархан-Уул, Сэлэнгэ аймгуудад ажиллаад ирлээ.

Явсан ажил ч үр дүнтэй. Сэлэнгэ аймгийнхан нийслэлчүүдийг хэн нэг ченжийн гар дамжуулалгүйгээр ургацын талбайгаас нь шууд нийлүүлсэн төмс, хүнсний ногоогоор хангана гэдгээ илэрхийлжээ. Сэлэнгийн ургац ч энэ жил арвин байна. Нийслэлийн зүгээс төмс, хүнсний ногоо нь ариун цэврийн шаардлага хангасан өнгө үзэмжтэй сав, баглаа боодолтой байх ёстой гэж үзэж байгаа юм байна. Энэ нь хүнсний аюулгүй байдалд сайнаар нөлөөлөхөөс гадна сав, баглаа боодол үйлдвэрлэх ажлын байрууд ч гарч ирнэ.  Ингэснээр ногоочид, сав баглаа боодол үйлдвэрлэгчид, шууд борлуулалт хариуцсан цэгийнхэн, хэрэглэгчид гэсэн сүлжээ үүснэ. Энэхүү сүлжээнд зөгийчид ч нэгдэж цэвэр зөгийн бал нийлүүлэхээ илэрхийлсэн байна.

Их, дээд сургуулиудыг нийслэлээс гадагш гаргах төлөвлөгөөний дагуу Дархан-Уул аймаг руу ХААИС-ийг нүүлгэх ажлыг ярилцсан байна. Тус аймаг мөн арьс шир боловсруулах үйлдвэрүүдийг хүлээн авахад бэлэн гэжээ. Дарханы нэхий, нэхийн эдлэлийн үйлдвэрийг түүхий эдээр хангах боломж ч эндээс гарч ирж байгаа юм. Төв аймгийн хувьд дагуул хотуудыг байгуулж, нийслэлийн хүн амыг сийрэгжүүлэх боломжтой. Монгол Улсын Ерөнхийлөгч Х.Баттулгын санаачилсан Майдар сити, Хөшигтийн хөндийн шинэ нисэх буудлыг түшиглэсэн Аэро ситиг энд нэрлэж болно.

Үүнээс гадна Төв аймаг нийслэлчүүдийг дүүрэг бүрт байрлуулах шууд борлуулалтын цэгээр дамжуулан хүнсний ногоо, мах, сүүгээр хангахаа илэрхийлээд байна. Төв аймагт зуншлага сайн байгаа тул нийслэлийн зах зээлд 60 орчим мянган тонн сүү, сүүн бүтээгдэхүүн, 50 мянган тонн төмс, 5 мянган тонн хүнсний ногоо нийлүүлэх юм байна. Үүний зэрэгцээ хотын төвлөрлийг хэрхэн сааруулах вэ, хөдөөг хэрхэн хөгжүүлэх вэ, хөдөөгийн иргэд яагаад хот руу тэмүүлдэг, яавал хотоос хөдөө рүү шилжих хөдөлгөөнийг нэмэгдүүлж болох вэ зэрэг олон асуудлыг хотын дарга газар дээр нь үзэж судалж иржээ.

Уг нь бол нийслэл Улаанбаатар хотоос гадна Эрдэнэт, Дархан, бусад аймгийн төвүүд бүгд хот. Хуучин тийм л байсан. Хотуудыг хот гэдэг утгаар нь хөгжүүлбэл нийслэлд бөөгнөрдөг байдал ч арилах юм.  Эндээс харвал хотын даргын ажил дөрвөн уулын дунд, Туулын хөндийд хашигдах төдий цар хүрээтэй биш ажээ. Хөдөөтэйгээ хамтарч байж хөдөө орон нутаг ч хөгжинө, хотын иргэд ч ченжийн гар дамжаагүй бодит үнээр орон нутгаас хүнсээ авч хэрэглэнэ. Төвлөрөл ч саарна. Ийм зорилгоор нийслэл хот ойр орчмын таван аймагтайгаа  хамтарч ажиллах Санамж бичиг байгуулсан. Тэр ажил ч амжилттай хэрэгжиж эхэллээ. Ажлынхаа гарааг үзэж, цаашид улам эрчимжүүлэх зорилгоор нийслэл хотын дарга орон нутагт ийнхүү ажиллаад ирлээ.

Х.Дорж

"Болор дуран"-аар шалгав.
Энэ мэдээнд өгөх таны сэтгэгдэл?
1
ЗөвЗөв
1
ГайхмаарГайхмаар
0
ХахаХаха
0
ХөөрхөнХөөрхөн
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

33 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2018-08-23 211.36.143.253

Huduu ajildag aimaar sn darga bna shd xaxa uhsen nohoin ozgor gej

Avatar

зочин 2018-08-23 165.91.13.82

Зөв шүү дээ [Хориотой Үг] руу очиж юм гуйгаагүй л бол болоо ш дээ. Хот хөдөө хамтарч ажиллах юу нь буруу байна?

Avatar

нүдээ анигч 2018-08-23 122.201.21.95

хаая.ны урдах.талбайн урдах цагаан .туушин буудал гм авилагачид нийтийн зам довжоогоо роо хаагаад явах аргагүй бгааг харахгүй нүдээ аниж аниад авилага аваад яваа батболд аниатайгаараа сохорго

Avatar

Зочин 2018-08-23 203.91.117.8

НаЛАЙХЫН ЗАМАА ЭХЛҮҮЛЭЭЧЭЭ МАШИНУУДЫГ ЭВДЭЭД ДУУСЛАА,ОСОЛ АВААР ИХ ГАРЧ БАЙНА ЮУН ХӨДӨӨ ВЭ

Avatar

Зочин 2018-08-23 202.126.89.107

Америкийн нийт ажиллах хүчний 5% хөдөө аж ахуйн салбарт ажилдаг бөгөөд бас 15% нь хөдөө аж ахуйн бүтээгдхүүнийг хадгалах, түгээх, савлах боох зэрэг ажлуудыг хийдэг. Энэ 15% чинь нөгөө чэнжийн дамжлага шд ээ. Чэнжгүйгээр бүтэхгүй болоод Америкт хүртэл байж л б. Татвараа төлж байвал ямар хамаа б аа?!

Avatar

Зочин 2018-08-23 150.129.141.39

Маш зөв.

Avatar

Зочин 2018-08-23 66.181.161.103

Хотод ирж татваргүй ногооо зарж далд эдийн засгийг дэмжээчээ гэж яваад иржэ

Avatar

Зочин 2018-08-23 43.228.131.110

Хөдөөний хүн болохоороо нутгаа санаа биз дээ хөөрхий.

Avatar

Зочин 2018-08-23 146.185.178.178

Хотод хууль зөрчиж барилга бариулчихаад хөдөө зугтаачих юм даа.СБ дүүрэг 11р хороолол 12а байрны хажууд барилгын нормоор 15-40м зайтай байх ёстойг зөрчин 8-9 метр 5 давхар барилга өдөр шөнөгүй оршин суугчдыг унтуулахгүй ,32 айлын цонхыг нам хаагаад барьчихсан байхад хотын даргад хэлээд ч тоохгүй шүүх дээрээс гомдлоо татуулчихаад хөдөө зугтааж дээ .

Avatar

Зочин 2018-08-23 202.179.25.206

Угийн хөдөөний угшилтай юм чинь хотын асуудлыг яаж ч ойлгох билээ дээ. Хотын хогон дннр өссөн мань мэтээс долооннаад захын хотын зовлонг ойлгохгуй. Хөдөө мааркаар л үзээд байдаг. Нийслэл хүү хөдөө очиж манаргаж будилахтай адилхан.

Avatar

Monhyy 2018-08-23 79.194.68.117

Нутгийн зөвлөл нэртэй ченж нинжа оригархийн бүлэглэлийг АРД түмний төлөө ажиллуулах болсон шүү.....АВИЛГАА АВЧИРЖ ӨГӨӨД ОРОЛЦОХ УРИЛГАА АВААРАЙ....ГЭДЭГ ДЭЭРЭМЭЭ ЗОГСООХ ХЭРЭГТЭЙ....

Avatar

s*** s*** 2018-08-23 64.119.25.172

uhsenee yaridiin

Avatar

Зочин 2018-08-23 203.91.117.8

УТААНААС ЗУГАТАЖ ХӨДӨӨ ГАРЧЭЭ

Avatar

Зочин 2018-08-23 66.181.160.75

Ёооо ... Дарь эхийхнхээ замыг засаачээ !!!! ... элэнцэгий чинь хөдөө..........

Avatar

Зочин 2018-08-23 64.119.18.194

Чи өөрөө дуртай юм бол засахгүй юу. Танай дарь эх хэнд хамаа байнаа. Хөдөөний хүн хөдөөгөө хөгжүүлэх гэж байхад

Avatar

Зочин 2018-08-23 202.126.88.40

Өмнөх үе үеийн дарга нараа хөдөө ажиллаж байгаагүй одоогийн дарга сайн мэт дөвийлгөөд яахав.Хотоо л хөгжүүл барахгүй бол үнэнээ хэл ...

Avatar

Ченжүүд Сөнөтүгэй 2018-08-23

Балиар ченжүүдийн гар хөл оролцохгүй шууд иргэдийн гар дээр хямд үнээр хүрнэ гэж бодохоор сайхан байна шүү.Муусайн ченжүүд олон жил иргэдийг шуллаа одоо та нар [Хориотой Үг].Баярлалаа хотын даргаа

Avatar

Зочин 2018-08-23 66.181.176.245

Муу нэртэй ченжүүд биднийгногоогоор ногоочдыг мөнгөөр хангаж байгаа шүүдээ .ногоочид ногоо тарихаас дэлгүүрийн худалдагч биш шүүдээ

Avatar

зочин 2018-08-23 54.37.78.254

Энэ хүн муулуулаад урдах ажлаа сайн хийгээд явах юмаа.Өмнө нь нэг ч Хотын дарга ингэж иргэдийнхээ хүнсэнд анхаарч байгаагүй.химийн бодисоор бордсон хятад ногоо биш эх орны хөрсөнд ургасан Монгол ногоог хотын иргэдээ оруулж ирэх ажлыг хийсэнд баярлалаа.

Avatar

zochin 2018-08-23 66.181.164.214

dolignuur lalar be. urid ni namartaa bainga l shine nogoog nogoonii hudaldaanaas abdag l biz dee.

Avatar

Хятад ногоог хорь 2018-08-23 158.69.77.236

Нийслэлчүүдээ чэнжийн гар дамжаагүй эх орны хямд чанартай ногоогоор хангах гэж байгаа Хотын даргадаа баярлалаа.Одоо хятад ногоог хорих хэрэгтэй байна

Avatar

дэмжиж байна 2018-08-23 103.14.38.46

зөвөө зөв маш зөв ажил энэ шүүмжлээд байгаа хүмүүсийг ойлгохгүй юмаа.Эд нар лав хятад ногооны чэнжүүд байхаа\n

Avatar

зочин 2018-08-23 202.70.44.146

хөдөөний хүн чинь хөдөөнөө ажиллана шүү дээ хэхэхэхэ

Avatar

Зочин 2018-08-23 202.70.37.2

Санамж бичиг байгуулав гэдэг нь цаасан дээр ингэвэл зүгээр шүү гэсэн гарын үсэгтэй цаас шүү. Бүтэж магадгүй бүтэхгүй ч магадгүй гэсэнтэй ялгаагүй Энэ засагын ёозоор хоосон яриа болно Дараагийн засаг дарга бас өөр алтан гурвалжин дөрвөлжин ярина тэгээд 21р зуун дуусна. Батболдод бол тийм чадал ч толгой ч хүрэхгүй засаг даргын баг ч тааруухан өөр өөр юм ярьсан хувийн амбиц ихтэй хүмүүс нэг санаагаар хөдөлнө гэдэг лөөлөө.

Avatar

дэмжиж байна 2018-08-23 103.14.38.46

Нийслэлчүүд бид алийн болгон ченжийн гараар дамжсан мах ногоо хэрэглэж байх ёстой юмбэ?\nСэлэнгэд 300 гэж байгаа төмсийг ченжүүд 1200 бид нарт зарж байна.

Avatar

Зочин 2018-08-23 103.14.38.46

Ишшш энэ муу хотын дарга л ажлаа хийж байх шивдээ үлдсэн нь сандал ширээний хэрүүл хийгээд байж байх жишээтэй. Хотын дарга ч яван чангарч байна даа

Avatar

Зочин 2018-08-23 202.126.89.70

ХӨӨРХИЙ ХӨДӨӨ НУТГАА САНАСАН ЮМ БАЙГАА БИЗ !!!

Avatar

hi 2018-08-23 103.9.90.130

zow ajil harin ch batbold engiin daruu ajliin toloo yawj bgaa hunhudlaa popchid bidend gai l awchirsan shuu ajil hij bgaa humuusiig zugeer hiileg amjilt husey

Avatar

Зочин 2018-08-23 202.126.89.45

Manai muu batbold zvgeere ajila hiigeed l yawaj bn bi demjine

Avatar

Irgen 2018-08-23 66.181.161.11

Батболд ЗГ-н ажлыг өмнөөс нь хийж бггаа больчихвол яасийн. УБ хот руу бизнес хийх эрх бүх аймагт адилхан бх ёстой. Яагаад 3 аймгаар тайлбал, ядуурал үүсгээд байнаа.Ерөнхий сайдын ажлыг булааж хийгээд байна шүү. Хүрэлсүх юу хийгээд энийг давруулаад байнаа

Avatar

Зочин 2018-08-23 183.81.171.3

Mash zuv. Sanaachilgatai sain ajillaj bgaa shuu.

Avatar

Зочин 2018-08-23 202.179.25.25

Зайлуул хөдөөний хүүхэд байгаа юм, нутгаа санаал байлгүй

Avatar

Төв аймгийн алдарт уяач 2018-08-23 202.179.27.145

Төв аймгийн алдарт уяач Ми овогтын тавиул Су овогт уяач,худалч тангад хамба Чойжамцтайгаа адил Монголчуудыг хагалах ажлаа хийж байна

NewsMN Гар утасны хувилбар Татах
NEWS.mn

Мэдээллийн эх сурвалж