НЭМЭЛТ: 

ХҮН намын зөвлөл УИХ дахь МАН-ын бүлгээс С.Бямбацогтыг УИХ-ын даргад нэр дэвшүүлснийг олонхийн саналаар дэмжжээ.

ХҮН намын зөвлөлд С.Бямбацогт мэдээлэл өгч байна

ХҮН намын зөвлөл энэ цаг мөчид Төрийн ордонд хуралдаж, УИХ-ын даргад нэр дэвшигч С.Бямбацогт мэдээлэл өгч байна. УИХ дахь МАН-ын бүлгээс С.Бямбацогт гишүүнийг УИХ-ын даргад нэр дэвшүүлсэн юм. Иймээс уг асуудлыг УИХ-ын чуулганы өнөөдрийн нэгдсэн хуралдаанаар хэлэлцэхээс урьтаж, тус зөвлөл мэдээлэл сонсч байгаа аж.

УИХ-ын даргад нэр дэвшсэн С.Бямбацогт нь 2008 оны УИХ-ын сонгуулиас эхлэн парламентад таван удаа дараалан баруун аймгаас сонгогдсон. Энэ хугацаанд УИХ дахь МАН-ын бүлгийн дарга, Хууль зүй, дотоод хэргийн сайд, Батлан хамгаалахын сайд, Зам тээврийн сайд, Засгийн газрын Хэрэг эрхлэх газрын даргаар тус тус ажилласан. Мөн УИХ-ын Төрийн байгуулалтын байнгын хороо, УИХ-ын Хууль зүйн байнгын хороог удирдаж байв.