Төрийн тусгай хамгаалалтын газрын тээврийн хэрэгслийн улсын дугаар нь төрийн өндөр албан тушаалтнууд болон тусгай зориулалтаар ашиглагддаг. Улсын бүртгэлд тусгайлан дугаарлагдсан байдаг. Гэвч зарим сайд, дарга нар албан тушаалаасаа буусныхаа дараа эдгээр дугаарыг өөрийн нэр дээр шилжүүлж, хувийн автомашиндаа ашиглаж байна. УИХ-ын гишүүн Ө.Шижир өөрийн цахим хуудсандаа УИХ-ын дарга асан М. Энхболдтой холбоотой мэдээллийг дэлгэв. Тэрбээр “Монгол Улсын Ерөнхий сайд, Монгол Ардын намын дарга байсан хүмүүс төрийн өндөр сэнтийгээс буухдаа Төрийн тусгай хамгаалалтын газарт харьяалагддаг тээврийн хэрэгслийн улсын дугаарыг хүртэл авч явдаг. Тухайлбал, ‘0008 УНҮ’ дугаар ‘Алтай …’ ХХК-ийн нэр дээр, ‘0012 УНҮ’ дугаар М.Энхболдын нэр дээр бүртгэлтэй байна. Бусад ийм төрлийн дугаарууд Төрийн тусгай хамгаалалтын газарт байдаг. Амралтын өдрөөр төрийн машинаар намынхаа хуралд ирдэг нь үүний дэргэд бол юу ч биш” гэж "жиргэв".

Тооны гоёд нь дурладаг юм уу, тохь ямбанд нь болдог юм уу. Олноос онцгой байх хүслээ ордноос явсан ч орхидоггүй бололтой.

Н.ХОНГОР