НЭМЭЛТ: 

УИХ дахь МАН-ын бүлгийн хуралдаанаар Засгийн газрын Хэрэг эрхлэх газрын даргын үүрэг гүйцэтгэгч С.Бямбацогтыг УИХ-ын даргад нэр дэвшүүлэх тухай Удирдах зөвлөлөөс ирүүлсэн саналыг олонхи гишүүн нь дэмжжээ. Иймээс энэ асуудлыг Төрийн байгуулалтын байнгын хороо, УИХ-ын чуулганы нэгдсэн хуралдаанаар тус, тус хэлэлцэх болж байна. УИХ-ын даргад нэр дэвшигч С.Бямбацогт нь 2008 оны УИХ-ын сонгуулиас эхлэн парламентад таван удаа улиран сонгогдсон. Энэ хугацаанд Хууль зүй, дотоод хэргийн сайд, Зам тээврийн сайд, Батлан хамгаалахын сайд, Засгийн газрын Хэрэг эрхлэх газрын дарга, УИХ-ын Хууль зүйн байнгын хорооны дарга, УИХ-ын Төрийн байгуулалтын байнгын хорооны дарга, УИХ дахь МАН-ын бүлгийн даргаар тус, тус ажиллаж байв.

МАН-ын бүлэг хуралдаж эхэллээ

УИХ дахь МАН-ын бүлэг өнөөдөр /2026.04.02/ ээлжит бусаар хуралдаж эхэллээ. Хуралдаанаар УИХ-ын даргад нэр дэвшигчийг томилох эсэх асуудлыг хэлэлцэнэ. МАН-ын Удирдах зөвлөл хуралдаж, УИХ-ын даргад Засгийн газрын Хэрэг эрхлэх газрын дарга С.Бямбацогтыг дэмжиж, бүлгийн хуралдаанаар хэлэлцэж байна.

УИХ-ын даргад УИХ-ын гишүүн С.Амарсайхан, ЗГХЭГ-ын дарга С.Бямбацогт нар хоёулаа өрсөлдсөн бөгөөд С.Амарсайхан нэрээ татсан бөгөөд УИХ-ын дахь МАН-ын бүлэг спикерээ томилоод явбал УИХ-ын Төрийн байгуулалтын байнгын хороо, чуулганы хуралдаанаар томилох юм.