“Малын удмын сангийн үндэсний цогцолбор”-ын үйл ажиллагаатай танилцлаа | News.MN

“Малын удмын сангийн үндэсний цогцолбор”-ын үйл ажиллагаатай танилцлаа

“Малын удмын сангийн үндэсний цогцолбор”-ын үйл ажиллагаатай танилцлаа

“Малын удмын сангийн үндэсний цогцолбор”-ын үйл ажиллагаатай танилцлаа

Нийслэлийн Засаг даргаар ахлуулсан ажлын хэсэг Дархан-Уул аймгийн Хонгор суманд байрлах “Малын удмын сангийн үндэсний цогцолбор” төвөөр зочилж, үйл ажиллагаатай нь танилцлаа. Тус төв “Монгол мал” хөтөлбөрийн хүрээнд 2013 оноос эхлэн бүтээн байгуулалтын ажил хийгдэж энэ оны долоодугаар сард ашиглалтад оржээ. Тус цогцолбор нь 22.3 га газартай, одоогоор гурван алба, 34 ажилтан ажиллаж байна. 2019 онд цогцолбор бүрэн хүчин чадлаараа ажиллавал нийт 80 хүн ажлын байраар хангагдана. Үүнээс 50-60 нь мал зүйч, биотехнологич байх юм.

Манай улс 1953 онд малын чанар сайжруулах үржлийн ажилд малын нөхөн үржихүйн биотехнологийн хамгийн хямд, оновчтой, хялбар аргийн нэг болсон зохиолмол хээлтүүлгийн үйлчилгээн анх нэвтрүүлж, 1958 онд “Малын зохиомол хээлтүүлгийн төв” станц байгуулж байсан юм.

Уг төв нь мал аж ахуйн салбарын тэргүлэх зорилтууд болох мал үржлийн ажил, үйлчилгээ эрхлэх, мал сүргийн генетик нөөцийг хамгаалах, хадгалах, баяжуулах, ашиг шимийг нэмэгдүүлэх удам гарал угсааг сайжруулах зэрэг үйл ажиллагаа явуулдаг.

Орчин үеийн биотехнологийн шинжлэх ухааны ололт, дэвшилтэт технологи, инновацийг нэвтрүүлэх чиглэлээр үр үйлдвэрлэл, азот цех үйлдвэрлэл, хөврөл үр шилжүүлэн суулгах зэрэг иж бүрэн лабораториуд, малын генийн санг хадгалах зориулалтын байр, сайн чанарын хээлтүүлэгч бойжуулах болон малыг тэжээж бордох байр талбай, тэжээл боловсруулах цех, сургалтын байр, мал эмнэлгийн үйлчилгээний цэг зэрэг 14 объектоос бүрдэж байна.

Малын удмын сангийн генийн санд 4 үүлдрийн ямааны 1793 тун, 16 үүлдрийн хонины 25878 тун, 8 үүлдрийн бухны 37086 тун гээд нийт 30 үүлдэг омгийн мал үр хадгалагдаж байна. Ингэснээр монгол малын удмын санг хамгаалах, эдгээр үүлдэр омгийн үрийг зохиомол хээлтүүлэгт ашиглаж, удамзүйн дэвшил гарч байгаа юм гэж нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.

"Болор дуран"-аар шалгав.

2 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2018-08-22 103.229.120.134

"Орчин үеийн биотехнологийн шинжлэх ухааны ололт, дэвшилтэт технологи, инновацийг нэвтрүүлэх чиглэлээр үр үйлдвэрлэл, азот цех үйлдвэрлэл, хөврөл үр шилжүүлэн суулгах зэрэг иж бүрэн лабораториуд, малын генийн санг хадгалах зориулалтын байр, сайн чанарын хээлтүүлэгч бойжуулах болон малыг тэжээж бордох байр талбай, тэжээл боловсруулах цех, сургалтын байр, мал эмнэлгийн үйлчилгээний цэг зэрэг 14 объект" ЁО ЁОЁО. ЮУ ВЭ. Мал хамгаалах сан, малын удмын сан, өөр юу юу ч гэнэв. Компьютер дээр өдөржин тоглоом эргүүлсэн этгээдүүд өрөө бүрт шахуу шигсэн ХХААХҮЯ, Өчнөөн том том салбарлаж салаалсан нүсэр эрд.шинжилгээний хүрээлэнгүүд, өчнөөн салбарласан их сургуулиудтай ичмээр том ХААҮИС гээд аймшгийн том нүсэр аппарат Улсын төсөв, гадны тусламж, төсөл хөтөлбөрүүдийг хуу хамж залгисан Хар мангас байх юм. Эцсийн үр дүн нь юу вэ гэхээр: Малынхаа өвчнийг дарж чадахгүй хэвтэж мах импортлоно гэж бүлт шааацгаасан ХХАА-н салбарынхан, Төр засагтай. Шилжүүлсэн тоогоор 100 сая давсан ч одой давжаа, ашиг шим нь татарсан, шүлхий мялзантай баахан малтай, сүү сүүн бүтээгдэхүүнийхээ 70-80%-ийг гаднаас импортлодог, дэлхийд ховор өндөр үнэээр ямар ч баталгаагүй мах авч иддэг, дөнгөж 3хан сая Монголчууд Азийн цээжинд бие биенээ хэмлэн бужигнах ажгуу. ШИВШИГ

Avatar

Зочин 2018-08-22 103.229.120.134

Дээр нь Тэнгэрээс бороо тосч горьдсон, тариа тарьсан нэрээр сохор азаа үзэхдээ Улсаар тэтгүүлж өөрсдийгөө Тариаланчид гэж нэрийдэх хэдэн даварсан гарууд байна. 1га-аас 10цн авбал тэрийгээ алдар гавьяа гээд ойлгочихсон. Гэтэл энүүхэн урд хилийн цаахна жирийн нэг муу ядуу явган Хятад шар шавар дээр гараараа тариад 1га-аас 40цн гараараа хурааж авчихаад байна, ШИВШИГ

NewsMN Гар утасны хувилбар Татах
NEWS.mn

Мэдээллийн эх сурвалж