“Импортолсон хэмжээнээс илүү шатахуун борлуулж байна” | News.MN

“Импортолсон хэмжээнээс илүү шатахуун борлуулж байна”

“Импортолсон хэмжээнээс илүү шатахуун борлуулж байна”

“Импортолсон хэмжээнээс илүү шатахуун борлуулж байна”

Агаарын бохирдол үүсгэгчдийн нэг нь автомашин. Улаанбаатарын автомашины тоо, төрөл, насжилт болон хэрэглэж буй шатахуунд судалгаа хийжээ. Энэ талаар “Эко Ази” байгаль орчин, менежментийн сургуулийн багш, судлаач Ц.Мөнхбатаас тодрууллаа.  


-Судалгааны үр дүнгээс танилцуулахгүй юу?

-НҮБ-ын Байгаль орчны санхүүжилтээр 2017 оноос эхлэн олон улсын байгууллагуудын судалгаа шинжилгээний үндэслэлээр Улаанбаатар хотын агаарын бохирдолд тодорхой хувийг эзэлж буй автотээврийн хэрэгсэлд судалгаа хийсэн. Судалгааны дүнгээс дурдахад, дэлхийн өндөр хөгжилтэй орнууд тээврийн хэрэгсэлдээ Евро-5 стандартын бензин, түлш ашиглаж байхад Улаанбаатарт Евро-2 стандартын бензин, түлш ашиглаж байна.  Монгол Улс Евро-5 стандарт руу шилжихийн тулд ямар бодлого баримтлах шаардлагатай вэ гэдэгт тулгуурлан судалгааг хийсэн. Судалгааны дүнгээр Монгол Улсад 800 гаруй мянган автотээврийн хэрэгсэл бүртгэлтэй байна. Үүний 60 орчим хувь нь Улаанбаатар хотод байна. Улаанбаатарт байгаа нийт тээврийн хэрэгслийн 80 гаруй хувь нь хуучин, 10-аас дээш жилийн насжилттай байна. Мөн жилд 50 мянган автомашин хэрэглээнд нэмэгдэж байна. Автомашин нэмэгдэхийн хэрээр бензин, түлшний хэрэглээ нэмэгддэг. Хоёрт, бензин түлшний чанарын тухай асуудал яригдаж байгаа. Монгол Улс шатахууны хэрэглээний 98 хувийг ОХУ-аас импортолж байна. Үлдсэн хувийг БНХАУ-аас авч байна. Чанарын хувьд 2000 ppm хүхрийн агууламжтай буюу Евро-2 стандарттай түлш ашиглаж байна. Газрын тосны импортын 60 хувь нь дизелийн түлш, 40 хувь нь АИ 92-оос дээш төрлийн бензин эзэлж байна.

-Евро-5 стандартыг хэрхэн хэрэгжүүлэх вэ?

-Шилжилт хийхэд төрийн зүгээс оновчтой бодлого явуулах шаардлагатай.  Засгийн газар өнгөрсөн онд Агаарын бохирдол бууруулах үндэсний хөтөлбөр баталсан. Мөн “Ногоон хөгжлийн бодлого-2030” бодлогын баримт бичиг гаргасан. Тиймээс  уг бодлогын баримт бичигтэй уялдуулан 2017 онд Евро-5 стандартыг баталсан. Баталсан стандартаа мөрдөх хэрэгтэй байна. Хоёрт, сайн чанарын бензин импортоор оруулж ирэхийн тулд татварын бодлого явуулснаар хамгийн богино хугацаанд, үр дүнтэйгээр шилжих боломжтой гэж судлаачийн хувьд харж байна.

-Импортоор орж ирж байгаа түлшний чанарыг яаж сайжруулах вэ?

-Газрын тосны импорт хийж буй аж ахуйн нэгжүүд ашигтай ажиллах зорилгоор нефтийн анхан шатны бүтээгдэхүүнийг татваргүйгээр хилээр оруулж ирээд, мөн хольц буюу чанар сайжруулагч хэмээх актон өсгөгч бодисыг нэмэлтээр ашиглаж байгаа нь ажиглагдсан. Яагаад гэхээр, гаалиар орж ирж буй газрын тосны бүтээгдэхүүн, түүнийг орлох, чанарыг сайжруулах нэмэлт бүтээгдэхүүний импортын мэдээллийг нэгтгэж харахад, газрын тосны импортын хэмжээнээс  борлуулалтын хэмжээ их байгаа юм. Үүний зөрүүнд хольц бүтээгдэхүүн ашиглаж байна гэж дүгнэж байгаа юм. Бидний хийсэн судалгаа 2005-2016 оныг хамарсан. Судалгаанд холимгийн импорт их байсан бол 2018 оноос эхлэн А80, А92 актонтай бензин татваргүй болсноор ийм төрлийн бүтээгдэхүүний импорт багассан.

-Шатахууны үнийг бодлогоор тогтмол байлгах нь зөв үү, дэлхийн зах зээлийн ханшийг дагах ёстой юу?

-Шатахууны үнийн өсөлт, бууралт дэлхийн зах зээлийг дагадаг. Шатахууныг үнийг дагаад өргөн хэрэглээний барааны үнэ байнга өсч байдаг. Энэ нь ард иргэдэд хүндрэлтэй байдаг. Тиймээс төрөөс шатахууны үнийг бодлогоор барьдаг. Хэрэв үнийг бодлогоор барихгүй бол бид дэлхийн зах зээлээс шалтгаалан одоо байгаа үнээс хямд, заримдаа өндөр үнээр шатахуун авах шаардлага тулгарна. Харин хэчнээн хугацаанд бага үнэтэй байх нь тодорхойгүй тул энэ нь нэлээд төвөгтэй асуудал.  

Р.Ренчиндулам

"Болор дуран"-аар шалгав.

14 сэтгэгдэл

News.mn сайтад сэтгэгдэл оруулахад анхаарах зүйлс

2018-08-22 103.26.194.248

нэг нэг ШТС дэлбэлээд үзвэл үнэн нь ил болно.

С 2018-08-22 203.91.119.194

актон ч гэх шиг, дураараа шинэ үг үүсгэх юмаа.

Зочин 2018-08-22 66.181.160.118

Энэ ХӨРС гэж хачин колонк хаанаас гэнэт гараад ирвээ?! Гэнэт хаа сайгүй колонк бариад унасан, хамаагүй хямдхан бензин зардаг. Сэжигтэй шүү!

Зочин 2018-08-22 108.59.0.40

medkuee yuch bolood bdagin mongold

Зочин 2018-08-22 108.59.0.40

gereltei gegeetei yum alguu ssdaa

Үнэн 2018-08-22 103.229.123.219

Загатнасан газар маажлаа. Хилээр кросин оруулж ирээд хольдог. Та нар хараарай Багахангайн өртөөн дээр хичнээн зуун вагон цистерн зогсож бгааг. Бүгд ориг түлшийг орлуулна гээд холихоор зогсож бгаа. Ай Си Ай Си гэж хэдэн том улстөрчийн компани бна. Багахангайд нэрсэн түлшийг М-Ойл, Жаст Ойл, Хөрс, Монсуль эдгээр компаниуд колонкуудаараа зарж бна. Улстөрчидөө бүх л юмнаас хол байлгамаар бна

Иргэд 2018-08-22 202.126.89.2

Дутуу шахаж ард иргэдийг хохироож бна, хий тоолуур гүйж бна

Гөлгөө 2018-08-22 66.181.160.74

Татваргүй болсноор импорт багассан гэнэ ...

Зочин 2018-08-22 202.21.106.155

Алдаг гарууд зөрүүг бид үйлдвэрлэж байгаа юм байна бүр хорь..

Зочин 2018-08-22 202.72.245.205

БАС ҮЙЛДВЭРЛЭГДСЭНЭЭСЭЭ ОЛОН АРХИ БУСАД БАРАА ЗАРАГДДАГ ЮМ Ш ДЭЭ

Зочин 2018-08-22 202.179.25.235

ҮНЭЭНЭЭС ӨДӨРТӨӨ 5 Л СҮҮ ГАРНАА ХҮҮХЭЭ 10Л СҮҮ ЗАРДАГАА 1ҮНЭЭНЭЭСЭЭ ӨДӨРТӨӨ

Зочин 2018-08-22 202.126.89.38

Хуурамч шатахуун борлуулж байгаа

Зочин 2018-08-22 64.119.17.176

Импортлогч гэх хэдэн даварсан шуналын тулам болсон улс төрийн бас хэдэн бирд шиг юмнуудтай сүлбэлдэж хууль батлуулдаг компаниудын тусгай зөвшөөрлийг цуцлах нэн шаардлагатай болж.арай даварч байна үнэтэй ч бай хямд ч бай хүний чадлаараа авсан машиныг ийм хуурамч бензинээр эвдэлж байгаа нь гэмт хэрэг муу шатахуун хийсэнээр наад зах нь бензин насос эвдэрч байна цаашлаад нарийн мэргэжилийн инженерүүд хэлэх л байх...Монгоын ард түмэн эдгээр компаниудаас нөхөн төлбөр авах шүүхэд өгөх хэрэгтэй...

Авлигачдын балаг 2018-08-22 122.201.22.210

Хямд бүтээгдэхүүн орууож ирж шатахуунд хольж ашиг олох бол хууль зөрчсөн эдийн засгийн хүнд гэмт хэрэг шдээ. Улс төрийн намуудын ивээлд орсон авлигач эзэдтэй компаниудын хийж буй бусармаг үйлдлийг хууль хяналтынхан зүгээр хараад сууж байгаа явдал бас л авлигын мөнгөнөөс хувааж хүртдгийг нь гэрчилж байна.

NewsMN Гар утасны хувилбар Татах
NEWS.mn

Мэдээллийн эх сурвалж