Нийтийн тээвэр 23.00 цаг хүртэл үйлчилнэ | News.MN

Нийтийн тээвэр 23.00 цаг хүртэл үйлчилнэ

Хуучирсан мэдээ: 2018.08.22-нд нийтлэгдсэн

Нийтийн тээвэр 23.00 цаг хүртэл үйлчилнэ

Нийтийн тээвэр 23.00 цаг хүртэл үйлчилнэ

Хичээлийн шинэ жил эхэлж байгаатай холбогдуулан Нийслэлийн тээврийн газраас өнөөдөр /2018.08.22/ сэтгүүлчдэд мэдээлэл хийлээ. Хичээлийн шинэ жил эхлэх үер замын хөдөлгөөний ачаалал нэмэгддэг. Мөн автобусны карт цэнэглэлтийн цэг  ажиллахгүй, нэмэгдүүлэх шаардлагатай байгаа. Бас орой 21.30 цаг гээд  автобус зогсдог гэсэн иргэдийн гомдол их ирдэг байна. Тиймээс нийтийн тээврийн үйлчилгээний автобусны тоог нэмж шугаманд явах цагийг нь 23.00 цаг хүртлээ сунгасан талаараа хэллээ.

Мөн хичээлийн шинэ жил эхэлж байгаатай холбогдуулан автобусны өнгө үзэмж, цэвэрлэгээ, техникийн бүрэн бүтэн байдлын шалгалтыг энэ сарыг дуустал хийхээр болжээ. Шалгалтыг хоёр үе шаттай авто тээврийн улсын байцаагчид хийж байгаа бөгөөд ирэх долоо хоногт гэхэд хариу гарах юм байна. Хэрвээ автобусны дотор тал заваан бохир, суудлын бүрээс урагдсан заваан байх зэрэг зөрчил дутагдал илрэх юм бол хууль тогтоомжийн дагуу арга хэмжээ авч хариуцлага тооцох ажээ.

Өнөөдрийн байдлаар нийслэлд 538 карт борлуулах, цэнэглэх цэг ажиллаж байна

Улаанбаатар смарт карт компанийн хэлтсийн дарга Ц.Түвшинжаргал “Манай компани  нийтийн тээврийн үйлчилгээний төлбөрийн систем, карт цэнэглэх цэгүүдийг хариуцаж ажилладаг. Улаанбаатар хотод өнөөдрийн байдлаар 538 карт борлуулах гэрээт цэг ажилладаг. Эдгээр цэгүүд автобусны буудлын ойролцоо байрлалтай дэлгүүр, түцэнд байрладаг. Мөн сүүлийн үед 24 цагийн үйл ажиллагаатай Circle дэлгүүртэй хамтран ажиллаж иргэдэд карт цэнэглэх боломжийг олгож байна.

Автобусны энгийн картаас гадна нэмэлт дөрвөн төрлийн картаар төлбөрөө төлөх боломжтой. Тун удахгүй банкны картаар автобусны төлбөрөө төлдөг болно. Одоогоор Хаан банк энэ үйлчилгээг нэвтрүүлсэн. Ингэхдээ өөрийнхөө дансанд мөнгө байршуулаад банкны салбараар картаа цэнэглүүлэх боломж бүрдсэн. Нийтийн тээврийн ачааллын үе эхэлж байгаа тул картаа урьдчилан цэнэглэхийг зөвлөж байна. Мөн бэлэн мөнгөөр зорчсон бол хуулийн дагуу 10 хүртэлх мянган төгрөгөөр торгох эрх зүйн үндэс бий” гэж мэдээллээ.

 Э.Ариун 

 

8 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2018-08-22 103.57.92.133

Түр ирсэн гадаадын иргэд автобусанд яаж суух вэ?

Avatar

зочин 2018-08-22 202.170.80.25

Автобус муухай муухай цэвэрлэ л гэх юм тэр муухай автобуснаас биш автобусаар үйлчлүүлэгч нараас л гардаг ш дээ. Нил архи, хир утаа тортог, хулмас энэ тэр гээд өөрсдийнхөө ариун цэвэрт анхаараад дараа нь автобусны гадна талын шороо яриач ээ манайхаан.

Avatar

Зочин 2018-08-22 103.57.92.214

Нэг мөр 00 цаг хүрэтл явуулаач дээ

Avatar

Saraa 2018-08-22 202.131.225.150

zub shiidber gargasand bayrlalaa. abtobus damjij suudag humuusd mash sain yum bolloo.

Avatar

Зочин 2018-08-22 202.126.89.18

Автобусныхаа өнгө үзэмж, ариун цэвэр, жолооч нарын соёлын талаар их анхаарч өгөөч дарга аа. утаа саагсан, муухай бохир автобус үнэхээр жирийн ард түмнийг доройтуулж байна

Avatar

BOLD 2018-08-22 66.181.186.236

UNEN BAIH BOLTUGAI

Avatar

Зочин 2018-08-22 103.229.120.134

БААХАН ХАР ТОРТОГ СААГУУЛСАН САРАМПАЙ АВТОБУСНУУД ХОТООР ДҮҮРЭН. НЭГ БҮР НЬ 33 САЯЫН ҮНЭТЭЙ УТААНЫ ШҮҮР ГЭЖ ЮМ НЬ НЭГ АВТОБУСАНД 3 ОРДОГ ГЭЖ БАЙГАА. 99 САЯАР НЭГ АВТОБУС ШҮҮР ТАВЬНА. ХА ХА. АЙМААР УЛАЙМ ЦАЙМ ЛУЙ ВАР ШҮҮ. ТЭГЖ БАЙХААР ЦОО ШИНЭ МОТОР ТАВЬБАЛ ҮСРЭЭД Л 10 САЯ. ИЙМ БАЙХАД БИД ХӨГЖИЛ ЭНЭЭ ТЭРЭЭ ГЭЖ МӨРӨӨДСӨНИЙ Ч ГАРЗ.

Avatar

Зочин 2018-08-22 103.57.92.133

Мотор солиход шүүлтүүр тавьсан шиг дарга нарт унац гарахгүй болоод л тэр:::

NewsMN Гар утасны хувилбар Татах
NEWS.mn

Мэдээллийн эх сурвалж