УИХ-ын гишүүн, Монгол Улсын шадар сайд Т.Доржханд өнөөдөр /2026.3.30/ сэтгүүлчдэд цаг үеийн асуудлаар мэдээлэл өглөө.

Тэрбээр, "ХҮН нам цааш шинэ Засгийн газартай үргэлжлүүлэх ажил уу, үгүй юу гэдэг шийдвэрт гаргана. Одоогийн байдлаар Монгол Улсын Ерөнхий сайд томилогдоогүй, манай намд санал ирээгүй байна. Хэрэв санал ирвэл намынхантайгаа ярилцах шаардлагатай. Эдийн засгийн талаас харж бодсон ч нэгдэж, нягтарч дотроо учраа олохгүй маш их хэрүүл тэмцэл хийж байна. Нэг талаараа дэд сайдгүй цомхон байхаар Засгийн газар тогтворгүй байдалд шилжинэ. Одоо бид бүхэнд тогтвортой байдал чухал уу, аль эсвэл цомхон Засгийн газар хэрэгтэй юу гэх сонголтын өмнө ирсэн.

Дэлхий дахинд үүссэн нөхцөл байдалтай холбож харахад тогтвортой байдал чухал. Засгийн газрын дараагийн асуудал яригдах үед шинэ сайд нарын асуудал давхар яригдах л байх. ХҮН намын байр суурь бол өнөөдөр маш тодорхой. Манай нам албан тушаал гэхээс илүүтэй 20, 30 жилийн турш Монгол Улсын шийдвэрлэж чадахгүй байсан популизмдаа баригдсан салбарыг гардан авдаг. Мөн суурь реформ хийх гэж ХҮН засагт орсон болохоос дарга цэрэг болно гэж ороогүй. ХҮН нам Засгийн газарт ороогүй бол суурь реформыг хийж чадахгүй байсан. Юу үнэн гэвэл тэр үнэн.

Ардчилсан нам сөрөг хүчин хийж байгаа үед томоохон хэмжээний реформ хийхэд МАН дангаараа хэцүү. Бидний хувьд суурь реформ хийж чадна.Нөгөөтэйгүүр, сөрөг хүчин хийж асуудал тавьж, шүүмжилж явах амархан. Харин Засгийн газрын ачаа үүрч явна гэдэг бусдын хэлдгээр яс янгинасан ажил.

ХҮН намыг санал хуваагч, ХҮН нам байхгүй бол сайхан болно гэдэг нь сошиал явуулга. Тухайлбал, ХҮН намын бизнес эрхлэгчид Засгийн газарт орсон нь хөрөнгө оруулалт татах, яриа хэлэлцээр ман сайн нөлөөлдөг. Үеийн үед хойш нь татаж байсан асуудлын гацааг нь гаргасан.

Хамтарсан Засгийн газрын үед Л.Оюун-Эрдэнэ, Л.Гантөмөртэй ярьж Үндсэн хуулийн нэмэлт өөрчлөлт хийсэн. Мөн баруун европын загварыг авсан. Бид бүхэн АНУ-ын хоёр намтай улсын загварыг авч ажиллаж чадаагүй. Яагаад гэвэл АНУ чинь 200 үндэстэнтэй холбооны улс байсан. Олон үзэл бодолтой сегментийг нийлүүлэхэд Монгол Улс шиг нэг үндэстэн 3.5 сая хүнтэй байхад хоёр намын тогтолцоо ажиллахгүй. Сүүлийн үеийн дампуурсан улс бүр энэхүү системээр явж ирсэн. Үндсэндээ баруун европын тогтолцоо хамтарч явдаг систем. Мөн Казакстан Ерөнхийлөгчийн засаглалтай улс бөгөөд эдийн засаг нь манайхтай харьцуулахад 10 дахин өндөр. Гэтэл Монгол Улс ардчилсан улс хэр нь хөгжих ёстой. Үндсэндээ Монгол Улсын Үндсэн хуулийн үзэл санааг бид бүхэн тэгж тогтоосон. МАН муу, МАН-ыг шүүмжлэх ёстой гэдэг ойлголтоос салах ёстой" гэлээ.