"NEWS" агентлаг долоо хоногийн онцлох үйл явдлыг тоймлон хүргэж байна.

Г.ЗАНДАНШАТАРЫГ ҮҮРЭГТ АЖЛААС ЧӨЛӨӨЛӨХ УИХ-ЫН ТОГТООЛЫГ БАТАЛЛАА

Өнгөрсөн Баасан гаргийн УИХ-ын чуулганы хуралдаанаар Ерөнхий сайд Г.Занданшатарыг үүрэгт ажлаас чөлөөлөх УИХ-ын тогтоолыг баталлаа. Тэрбээр, МАН-ын Удирдах зөвлөл хуралдах үеэр  өөрийн хүсэлтээр ажлаас чөлөөлөгдөх хүсэлтээ гаргасан. Энэ дагуу УЗ болон УИХ дахь МАН-ын бүлэг, ТББХ, УИХ-ын чуулганаар хэлэлцэж дэмжсэнээр Г.Занданшатар Ерөнхий сайдаас чөлөөлөгдсөн юм.

Ерөнхий сайд Г.Занданшатар чөлөөлөгдөх хүсэлт гаргасан үндэслэлээ танилцуулахдаа, дэлхий нийтийн өмнө тулгарсан нефтийн бүтээгдэхүүний хомсдол, үнийн өсөлтөөс шалтгаалсан эдийн засгийн хямралт байдалтай давхцуулсан улс төрийн гацаанаас өдөр цаг алдалгүй шуурхай хариу арга хэмжээ яаралтай авах нь чухал болсон. Иймээс улс төрийн гацаанаас гарах нь чухал гэж үзэн, Ерөнхий сайдын албан тушаалаас чөлөөлөгдөх хүсэлт гаргасан гэдгийг онцолсон.

Түүний чөлөөлөгдөх хүсэлтийг 74 хувь буюу 56 гишүүн нь дэмжиж, Ерөнхий сайдаас чөлөөлөх УИХ-ын тогтоолыг баталсан юм.

ШАТАХУУНЫ ҮНИЙГ 300–350 ТӨГРӨГӨӨР НЭМНЭ

Аж үйлдвэр, эрдэс баялгийн дэд сайд Б.Энхтүвшин өнөөдөр /2026.03.27/ шатахууны үнийн нөхцөл байдлын талаар мэдээлэл хийв. Тэрбээр “Дэлхий нийтэд үүсээд байгаа дайны нөхцөл байдлаас шалтгаалан нефть бүтээгдэхүүний үнэд өөрчлөлт орсон. Энэ нөхцөл байдлын улмаас 100 гаруй улсад газрын тосны бүтээгдэхүүний онцгой нөхцөл байдал үүсээд байна. Үүнийг сөрөн тэсвэрлэх чиглэлээр тодорхой арга хэмжээнүүдийг авч хэрэгжүүлж байна. Дэлхийн 90 гаруй улс нефтийн хомсдолд орж, хязгаарлалт хийсэн байна. Төсвөөс санхүүжилт олгох зэрэг олон арга хэмжээг авч хэрэгжүүлж байгаа. Үүний хүрээнд нефть бүтээгдэхүүний үнэд өөрчлөлт оруулах зайлшгүй нөхцөл байдал үүссэн.

2026 оны эхний хоёр сард 518 мянган тонн газрын тосны бүтээгдэхүүн захиалж авсан. Гуравдугаар сард 181 мянган тонн нефть бүтээгдэхүүн захиалсан.

Өнөөдрийн байдлаар АИ-92 шатахуун 90.1 мянган тонн буюу 42 хоногийн нөөцтэй байна. АИ-95 шатахуун 6.4 мянган тонн буюу 72 хоногийн нөөцтэй байна. Дизель түлш 116 мянган тонн буюу 29 хоногийн нөөцтэй байна. Үнэ, хангамжийн зөвлөлийг өчигдөр хуралдуулж, тодорхой зөвлөмжийг гаргасан. Үүнтэй холбогдуулан зарим мэдээллийг хүргэе. ОХУ-аас дөрөвдүгээр сард нийлүүлэх хил үнийг ирүүлсэн.

Өмнө нь хийсэн тогтворжуулалтын гэрээгээр АИ-92 энгийн шатахууныг 705 ам.доллар хэвээр байгаа. Харин Евро-5 дизелийг тонн тутамд 1206 ам.доллар, АИ-95-ыг 1176 ам.доллар, АИ-98-ыг 1226 ам.доллар, энгийн дизель түлшийг 1385 ам.доллар, Евро дизелийг 1410 ам.доллараар тус тус тогтоосон.

Үүнтэй холбогдуулан газрын тосны бүтээгдэхүүний хангамж, үнийг тогтворжуулах ажлыг зохион байгуулах үүрэг бүхий төр, хувийн хэвшлийн зөвлөл хуралдаж дараах зөвлөмжийг гаргасан.

Энгийн АИ-92 шатахуунаас бусад төрлийн шатахууны үнийг 300–350 төгрөгөөр нэмэгдүүлэх зөвлөмж өгсөн. Шатахууны үнийг огцом өөрчлөлт хийхгүйгээр шат дараатай нэмнэ. Хил үнийг тооцоолбол 900–2000 төгрөгөөр нэмэгдэхээр тооцоо гарсан. Гуравдугаар сард дизелийн түлш 54 ам.доллароор, автобензин 30 ам.доллароор тус тус нэмэгдсэн.

Бид өмнө нь нөөц бүрдүүлсэн тул үнэ нэмэгдүүлэхгүй байх арга хэмжээг авч байсан. Харин одоо дэлхийн нөхцөл байдлаас шалтгаалан шатахууны үнийг тодорхой хэмжээгээр нэмэгдүүлэхээс өөр аргагүй нөхцөл байдалд хүрээд байна” гэлээ.

НААДАМД УРАЛДАХ ХУРДАН МОРИНЫ СЭРВЭЭНИЙ ӨНДӨРТ ӨӨРЧЛӨЛТ ОРУУЛЛАА