"Улстөрчдөд МҮЭ-ийн холбоог ашиглах сонирхол байдаг" | News.MN

"Улстөрчдөд МҮЭ-ийн холбоог ашиглах сонирхол байдаг"

Хуучирсан мэдээ: 2018.08.21-нд нийтлэгдсэн

"Улстөрчдөд МҮЭ-ийн холбоог ашиглах сонирхол байдаг"

"Улстөрчдөд МҮЭ-ийн холбоог ашиглах сонирхол байдаг"

МҮЭ-ийн холбооны Ерөнхийлөгч Х.Амгаланбаатартай багш нарын цалингийн асуудлаар цөөн хором ярилцлаа


-Хөдөлмөр нийгмийн зөвшлийн гурван талт хэлэлцээр үр дүнгээ өгөхгүй бол багш нарын Үйлдвэрчний эвлэлийн байгууллагууд есдүгээр сарын 3-нд хичээл эхлүүлэхгүй ажил хаяна гэдгээ мэдэгдсэн. Уг асуудалд МҮЭ-ийн холбооны Ерөнхийлөгчийн хувьд ямар тайлбар өгөх вэ?

-Хөдөлмөр нийгмийн зөвшлийн гурван талт Үндэсний хорооны хэлэлцээрээр зөвхөн багш нарын цалингийн асуудлыг ярьдаггүй. Эрүүл мэнд, боловсрол, соёл урлаг зэрэг төрийн үйлчилгээ үзүүлж буй бүх төрийн албан хаагчийн цалин хөлсний асуудлыг нийтлэг хэлбэрээр авч шийдвэр гаргадаг. Үүний дотор багш нарын цалингийн асуудалд онцгой анхаарах шаардлагатай байгаа нь үнэн. Төрийн албанд ажиллагсдын цалин хөлсийг тодорхой хувь хэмжээгээр нэмэгдүүлэхгүй байгаа учраас МҮЭ-ийн холбооноос хөдөлмөрийн хамтын маргааныг эхлүүлчихсэн байгаа. Есдүгээр сарын 1-нд эсвэл 3-нд ажил хаях үгүй эсэхийг боловсролын салбарынхан өөрсдөө сонгоно. Өөрөөр хэлбэл, хөдөлмөрийн хамтын маргааны дагуу цалин хөлс нь нэмэгдэхгүй, маргаантай, хүлээлттэй байгаа салбарууд ажил хаялтын хэлбэрт шилжих эсэх нь тухайн салбарын өөрийнх нь эрх байдаг.  Хэрэв гурван талт улсын хэлэлцээр үр дүнтэй болбол багш нарын тэмцлийн үйл ажиллагаа зогсох байх. Уг хэлэлцээрт МҮЭХ-ны гишүүн байгууллага болох БСШУСЯ-ны Үйлдвэрчний эвлэлийн холбооны удирдлага орж байгаа. Хэлэлцээрийн дараа  салбарынхаа ҮЭ-ээр дамжуулан боловсролын салбарын ажиллагсад өөрсдийнхөө байр суурийг илэрхийлэх байх гэж бодож байна.  

Багшийн цалин нэмүүлэх түр хорооноос багш нарын ажил хаях эсэх МҮЭХ-оос хамаарна гэдэг тайлбарыг хийж байсан нь ямар учиртай юм бэ?

Багш нарын цалин хөлс дэндүү бага байгаа учраас тэд ҮЭ-ийн байгууллагаараа дамжуулж улсын гурван талт хэлэлцээрт цалин нэмэгдүүлэх асуудлаа тусгуулсан. Уг нь 2014 оноос хойш дээрх саналаа хэлэлцээрт тусгасан ч харамсалтай нь Засгийн газар эдийн засаг хүнд байна гэдэг шалтгаанаар хүлээсэн үүргээ биелүүлэлгүй өнөөдрийг хүрсэн. Ийм учраас ҮЭ-үүд нийтлэг эрх ашгийнхаа үүднээс тэмцлийн үйл ажиллагааг тасралтгүй зохион байгуулж байгаа. Хөдөлмөрийн хамтын маргааны дагуу зуучлагчийн үйл ажиллагаа дуусаад МҮЭ-ийн холбоо тэргүүлэгчдийнхээ хурлаар уг асуудлыг авч хэлэлцээд дараагийн үе шат буюу Арбитрын үе шатыг дамжих шаардлагагүй гэж үзсэн. Хэрвээ Засгийн газар цалин нэмэгдүүлэх чиглэлээр тодорхой хүлээсэн үүргээ биелүүлээгүй тохиолдолд ирэх есдүгээр сараас хуулийн хүрээнд ажил хаялт зохион байгуулна гэдэгт ҮЭ-үүд нэгдсэн. Гэхдээ өнөөдөр шууд ажил хаяхаар боллоо гэдэг шийдвэрийг албан ёсоор гаргаагүй байна. Уг асуудлыг доороосоо МҮЭ-ийн холбоонд санал тавьсны дагуу энэхүү шийдвэрээ гаргасан байгаа.

Хэрвээ хэлэлцээрээр хүлээсэн үүргээ аль нэг тал нь үл биелүүлэх тохиолдолд хуулиар олгогдсон ажил хаях эрх нь тэдэнд бий. Ажил хаялтыг хэзээнээс хэрхэн зохион байгуулах уу гэдгийг тухайн салбар, сургуулийн нийт ажиллагчдын гуравны хоёрын саналаар шийдэгдэх асуудал. Үүнд манай холбооны зүгээс нэгдсэн удирдлага, зохион байгуулалтаар хуулийн дагуу явуулахад нь бид дэмжлэг үзүүлж зохион байгуулалтын хувьд оролцох ёстой. Шууд МҮЭХ-ноос өнөөдөр ажил хаяна гээд зарлах эрх байхгүй.

-Хөдөлмөр нийгмийн зөвшлийн гурван талт хэлэлцээрээр талууд багшийн цалинг нэмэгдүүлэх боломжгүй гэж үзвэл яах вэ?

-МҮЭХ-ны хувьд аливаа үйл ажиллагаа нь хамтын шийдвэрээр явагддаг. Засгийн газар ямар нэгэн дорвитой шийдвэр гаргахгүй, тэдний байр суурьтай  МҮЭ-ийн холбоо  санал нийцэхгүй тохиолдолд цаашид хэрхэн тэмцлийн үйл ажиллагаа явуулах уу гэдэг нь дотоод хамтын шийдвэрийн дагуу гарна. Гэхдээ асуудлыг сөрөг талаас нь харахгүй байна. Цалин нэмэгдүүлэх асуудалд тодорхой үр дүнд хүрэхийн тулд гурван талаасаа ямар гарц гаргалгаа байна уу гэдгийг ярилцана. Бид ОУВС-тай өнгөрсөн долдугаар сарын 30-нд уулзсан. Энэ үеэр ОУВС-гаас цалин нэмэгдүүлэх чиглэлд Засгийн газарт зөвлөмж хүргүүлэхэд бэлэн гэсэн албан ёсны байр сууриа илэрхийлсэн. Өнөөдөр асуудал ийм байдалд хүрч байгаа нь дөрвөн жил хүлээсэн үүргээ биелүүлээгүй үе үеийн Засгийн газрын буруутай үйл ажиллагаатай холбоотой.

-Зарим улстөрчийн зүгээс МҮЭ-ийн холбоо багш нартай нийлээд улс төр хийгээд байна гэдэг тайлбарыг хэлж байсан?

-Аливаа улс төрийн намууд байнга л ийм санаархалтай байдаг. Эрх баригч нь байна уу, сөрөг хүчин нь байна уу улс төрд тоглож байгаа улстөрийн хүчнүүд мөн иргэний хөдөлгөөнийхөнд ҮЭ-ийн байгууллагыг эдийн засгийн эрх ашгаар нь далимдуулж  улс төрийн үйл ажиллагаандаа ашиглах сонирхол байнга байдаг. Гэхдээ өнөөдрийн байдлаар МҮЭ-ийн холбоо хамтын шийдвэрийнхээ дагуу аливаа үйл ажиллагаанд оролцоогүй байна. ҮЭ-ийн гишүүн нь зөвхөн тухайн ҮЭ-ийн гишүүн дангаараа байна гэсэн хууль эрхзүй Монгол Улсад байхгүй. Манайд үзэл бодлоороо өөр өөр олон намын гишүүд байгаа. Мөн эрх ашгаараа ҮЭ-д нэгдсэн олон намын гишүүд бий.  Жишээ нь би аль нэг намын гишүүнчлэлтэй байлаа гэхэд тэр намын хатгаасаар цалин хөлс нэмэгдүүлэх гэж байна, ингэж тэмцэл зохион байгуулах гэж байна гэж л харддаг.

Өнөөдөр Монгол хүний хөдөлмөрийн үнэлэмж маш доогуур байна. Иргэдийн авч буй цалин хөлс туйлын хангалтгүй байгааг хаа хаанаа мэдэж байгаа. Сонгууль бүрээр улстөрчдөөс ард иргэдийн зүгээс хүсдэг ганц зүйл нь цалин нэмэгдүүлэх асуудал байдаг. Ард иргэдийнхээ хүлээлт болсон гол асуудлыг МҮЭ-ийн холбоо илэрхийлснээрээ аль нэг улс төрийн хүчинтэй холбогдож байгаа зүйл огт биш. Харин МҮЭ-ийн холбоо гүүр нь  болоод  явж байна. Ард түмнийхээ дуу хоолой  МҮЭ-ийн холбоогоор дамжиж орж ирж байгаад  эрх баригчид ихэд хариуцлагатай анхаарч богино хугацаанд иргэдийнхээ төлөө зөв шийдвэр гаргаасай гэж би хариуцлагатайгаар хэлмээр байна. Үе үеийн Засгийн газар иргэдийнхээ орлого, цалин хөлсийг нэмэгдүүлэх  үүргээ биелүүлж ирээгүй. Өнгөрсөн дөрвөн жилийн хугацаанд дөрвөн удаа Засгийн газар солигдсон. Улс төрийн энэ тогтворгүй байдал иргэдийн амьдралд шууд нөлөөлж байна.

31 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Хүннү 2018-08-21 202.179.25.147

ҮСХорооноос дундаж цалин 1,1сая төгрөг болсон гээд зарлаад байна. 1,1 сая төгргөөр амьдарч чадахгүй бол одоо яалтай билээ дээ, МҮЭ гэдэг чинь шантаажны байгуулга болсон байна. Багш эмч нарыг турхирч байгаад цалинг нь нэмүүлвэл эдний авдаг татварын орлого нэмэгдэнэ. Гол санаа нь МҮЭ орлоглоо нэмэх гэж ингэж байгаа юм. Тийм л сүрхий юм бол олон ажилтантай аж ахуйн нэгж дээр очоод ажилчидын цалинг нэмүүлэх гээд үздээ. Ганбаатар та хоёрийн духыг чинь цоолоод явуулах биз. Тэд 400 000-800 000-г л өгдөг.

Avatar

Зочин 2018-08-21 202.126.88.52

Тонил ҮЭ

Avatar

Зочин 2018-08-21 202.21.108.238

Улс төрийн НАМуудын гарт атгагдсан "Бороохой" болсон .

Avatar

Иргэн 2018-08-21 64.119.25.57

Зөвхөн багш нарын цалин бага өиш, өүгдийнх нь цалин амьжиргаанд хаана ч хүрэхгүй бага байгаад үе үеийн Засгийн газрууд, тэдгээрийг байгуулдаг нам нэртэй луйварчтд, Улсбн их хурлууд, цаашилбал улс төрчид гэжөөрсдийгөө өргөмжилдаг луйварчид л буруутай?! Битгий худлаа өөрсдийгөө хаацайлахын тулд ҮЭ рүү боорлоод бай?!?!?!

Avatar

ХУДАЛЧ 2018-08-21 202.179.25.161

АРДЧИЛСАН ЗАСГИЙН ҮЕД МӨНГӨНИЙ ХАНШ 2 ДАХИН УНАЖ БАЙХАД ҮЙЛДВЭРЧНИЙ ЭВЛЭЛ УС БАЛГАСАН БАЙСАН ДАА.ХАРИН Ч ЖИНХЭНЭ УЛС ТӨР ХИЙДЭГ ХҮМҮҮС ҮЭ НЭРНИЙ АРД УДААН НУУГДАЖ ТЭРТЭЙ ТЭРГҮЙ ЧАДАХГҮЙ.МОНГОЛЛЧУУД ТЭНЭГ БИШ.

Avatar

Зочин 2018-08-21 202.72.245.202

ЕР НЬ АШИГЛАГДАЖ Л БАЙГАА Ш ДЭЭ

Avatar

He he 2018-08-21 203.91.115.45

Ene horvoogiin hamgiin amarhan ajil uildverchnii evlel p daa gj nuguu taldaa huviin hevshiliin jinhene bayalag buteegch aguu ajilchidiin buteesen heden tsaasiig huvaaj zusalj bgaaga bas boddog mongolchuudaa bugdiig ni oilgoj mederdeg bolovsrol medlegtei huneer udirduulmaar yumaa! Emch bagsh surguuli tsetserlegiin hurteemjiig nemeed turd bgaa hereggui davhardsan barag hiih ajilgui turiin albiig tsomhon chadvarlag bolgood bugdiih ni tsaling 2saya bolgood huviin hevshiliig joohon hairldag hundeldeg bolmoor bnaa manaihaan

Avatar

Сурагчдын эцэг эхийн төлөөлөл 2018-08-21 64.119.20.101

Багш нарын цалинг нэмэх хэрэгтэй. Яаж 450-500 мянгаар амьдралаа залгуулахав дээ. Дор хаяж 1 сая төгрөг гар дээр авдаг болвол ардаа санаа зовох юмгүйгээр ажлаа хийнэ шүү дээ. Хэтэрхий тэвчээртэй хүмүүс юм.

Avatar

Зочин 2018-08-21 202.179.25.161

Битгий улс төр хий! Монголчуудын дундаж цалин хэд юм ?Хүүхдүүдээр шантаж хийдэг багш нар бусдаас юугаараа илүү юм? Бага ангийн багш,сувилагч нарын цалинг бол харин нэмэх хэрэгтэй.Ажил хаягчдыг цалинг нь нэмэх биш хөөх хэрэгтэй.

Avatar

Зочин 2018-08-21 66.181.168.220

5 dugaar surguuliin bagsh naraas busad bash nariin tsaling nemj bolno.

Avatar

Турхирагч 2018-08-21 103.9.90.53

Амгаланбаатар өнгөрсөн 4 жилд цалин нэмэх энэ үгээ хэлж байхгүй яав. Төрийн бус байгууллага Төрийн байгууллагуудын хэвийн ажиллагааг тасалдуулах эрх байхгүй шүү. Цаана чинь хувийн хэвшилд бүтэн жил цалингүй зүтгэж байгаа олон залуус байна. тэдэнд ҮЭ юм бол тусал.

Avatar

АРДЧИЛСАН ҮЭ 2018-08-21 202.179.25.180

АРДЧИЛСАН НАМ ЗАСАГ БАРЬЖ МӨНГӨНИЙ ХАНШ 2 ДАХИН УНАЖ БАЙХАД ТЭД БАЙГААГҮЙ. ХҮҮХДҮҮДЭЭР ТҮРИЙ БАРЬЖ УЛС ТӨР ХИЙЖ БАЙГАА БАЙГУУЛЛАГА ҮЙЛДВЭРЧНИЙ ЭВЛЭЛ БИШ УЛС ТӨРИЙН ХҮЧИН.БУСДААС ИЛҮҮ АВАХ ГЭЖ ХҮҮДҮҮДЭЭР БАМБАЙ ХИЙГЧ БАГШ НАРЫГ ХАЛАХ ХЭРЭГТЭЙ.АЖИЛГҮЙ, ХҮНИЙ ХҮҮХДҮҮДЭЭР ТОГЛОХГҮЙ ӨЧНӨӨН БАГШ НАР ГУДАМЖИНД БАЙНА! ХАРИН АЧААЛАЛ ИХТЭЙ БАГА АНГИЙН БАГШ НАР,СУВИЛАГЧДЫН ЦАЛИНГ НЭМЭХ ШААРДЛАГАТАЙ.

Avatar

ЗОЧИН 2018-08-21 122.201.21.109

Энэ нөхөр сайхан 2 нүүртэй амьтан даа.

Avatar

Зочин 2018-08-21 103.10.21.77

үйлдвэрчний эвлэл гэж нам дагасан хэрэгцээгүй байгууллага байнаа татан буулгаж байвал таарна

Avatar

Чаддаг юм бол 2018-08-21 64.119.21.22

Чаддаг юм бол хаяарай. Та нарын нусыг сугартал алгадаад өгөхөөр дороо ажилдаа оръё гээд уйлалдана биз.

Avatar

Чаддаг юм бол 2018-08-21 64.119.21.22

Чаддаг юм бол хаяарай. Та нарын нусыг сугартал алгадаад өгөхөөр дороо ажилдаа оръё гээд уйлалдана биз.

Avatar

зочин 2018-08-21 202.179.27.183

эдийн засаг сэргэх аядаж байхад, мөн үер ус , ган гачиг нэрмээс болж байхад ажил хаяна гэж сүрдүүлдэг ээ болих сон багш эмч нар, эд нар ядарсан биш харин адарсан хүмүүс, сул зогёолт ажил хаялтын үед ажиллах эмч багш нарын нөөцийг бий болгох, ингэж байж суралцгчид, өвчнүүдийн эрх ашиг хамгаалагдана

Avatar

Зочин 2018-08-21 182.160.34.36

Үйлдвэрчинии бөөрөнхий Х.Амгаланбаатар гэгч бол яг МАН -ын Лүндээ мөн

Avatar

Зочин 2018-08-21 64.119.27.228

Хувийн хэвшлийн аж ахуйн нэгжүүд хөдөлмөрчин иргэдийг ажлаас халж гудманд гаргаж үр хүүхдийг чинь өлбөрүүлж, банкны зээлийн барьцаанд байгаа орон гэрийг чинь шүүхийн шийдвэрээр хураалгаж гудманд гаргана гэсэн дарамт дор шулан мөлжиж байна. Иргэд нь хонь царайлаад өрлүүлж байна.

Avatar

Зочин 2018-08-21 202.131.247.2

Haysan deeree, tsalingaa nemuulee!!!! ter n deer. ene heden uls turchdiin haraad nemergui. yuch shiidej uguhgui.

Avatar

Зочин 2018-08-21 112.72.11.115

Төрд бас нэг эрх байгаа. Ажил хаялтанд оролцогчлыг ажлаас нь халах. Яагаад тэд ажлын хөлс, цалингаа бүрэн авсан мөртөө ингэж хясан боогдуулах замаар тэмцэж байгаа юм бэ? Энэ бол гэмт хэрэг. Хувийн компанид лав ийм юм байж болохгүй. Төр хэтэрхий маалинга болохоор тэд бүр даварч байна. Хясан боогдуулах замаар зорилгодоо хүрэх нь гэмт хэрэг. Энэ тохиолдолд төрийн эрхэд хууль бусаар нөлөөлөх оролдлого ч болж магадгүй. Оролцогчдыг хал. Тэртэй тэргүй багш нарын чанар авах юмгүй болсон. Гудманд бас нэг таарсан дугуйнууд нь лааз өшиглөөд хэдэн мянгаараа явж байгаа. Хөдөлмөрийн харилцааны хууль яах гэж оршиж байдаг юм бэ?

Avatar

Зочин 2018-08-21 64.119.27.228

Чи 500 к аар гэр бүлээ тэжээх үү

Avatar

Зочин 2018-08-21 66.181.160.44

saihan bie ee uneleh umaa. iim uildberchnii dargaar ch yahab dee

Avatar

Зочин 2018-08-21 66.181.167.198

Газар зардаг луйварчин л байна

Avatar

Үнэний дуу хоолой 2018-08-21 202.126.89.220

МҮЭ бол цалин нэмэх нэрээр ханш унагааж ард түмний тархийг угааж,жинхэнэ ядуурлыг бий болгож, түүгээр дамжин удирдагчид нь их хурлын гишүүн болдог байгууллага. Тэд ард түмний амьдралыг сайжруурах, Монгол мөнгөний ханшийг нэмэгдүүлэх, бүтээгдэхүүний үнийг бууруулах,бензины үнийг өсгөхгүй байх талаар юу ч хийдэггүй, дуугардаггүй, зөвхөн цалин нэмнэ гэж яс хаядаг аргаараа иргэдийн тархийг угааж мөнгөний ханшийг унагаж ядуурал өсөх эх сурвалжийг бий болгоод өөрсдөө дундаас нь ашиг хонжоо олдог ийм байгууллагыг татан бүүлгаж эрхийг нь хязгаарлаж хориглох хэрэгтэй

Avatar

Зочин 2018-08-21 103.229.121.55

Сурагчдын урам зоригийг мохоож шантааж хийдэг. Хахууль өгөхгүй бол сурагчдын үнэлгээг дардаг ёс зүйгүй багш нарын судалгааг гаргаж багшлах эрхийг хасч цэвэрлэх цаг болсон.

Avatar

Зочин 2018-08-21 64.119.24.217

Багш нар ажил хаяад хэрэггүй. Нэр хүнд мөнгөнөөс чухал зүйл.

Avatar

Зочин 2018-08-21 150.129.143.53

МҮЭ бол Засгийн газрын могойд барьдаг мод болсон ш дээ

Avatar

Зочин 2018-08-21 202.9.41.228

MVE xydalaa argalaad l Manan giin tald vilchleed bna

Avatar

Зочин 2018-08-21 202.72.245.202

ЯАЖ Ч ХАРСАН ГАНБАА АЛД ИЛҮҮ БАЙЖЭЭ

Avatar

Зочин 2018-08-21 122.201.22.221

Та нар наад заваан шантаажны улс төр муу муухай зүйлдээ ирээдүй болсон үр хүүхдүүдийг минь битгий хутгаад бай. Тэгж ярьвал үндсэн хуулинд заасан хүний сурч боловсрох эрхийг хааж боож байгаа шүү та нар.

NewsMN Гар утасны хувилбар Татах
NEWS.mn

Мэдээллийн эх сурвалж