Багш нар өөрийнхөө хүүхдүүдийг сургуульдаа авахыг хориглолоо | News.MN

Багш нар өөрийнхөө хүүхдүүдийг сургуульдаа авахыг хориглолоо

Хуучирсан мэдээ: 2018.08.20-нд нийтлэгдсэн

Багш нар өөрийнхөө хүүхдүүдийг сургуульдаа авахыг хориглолоо

Багш нар өөрийнхөө хүүхдүүдийг сургуульдаа авахыг хориглолоо

Өмнөд Солонгосын Боловсролын яамнаас тус улсын бүх ахлах сургуулийн багш нарыг ажилладаг сургуульдаа өөрийнхөө хүүхдийг явуулахыг хориглох шийдвэрийг гаргажээ. Учир нь багш нар өөрийнхөө хүүхдүүдийн дүнг нэмэх, шалгалтад улаан шугамаар тэнцүүлдэг гэх гомдол сургуулийн сурагчдын зүгээс их ирдэг аж. Сөүлийн нэгэн ахлах сургуулийн багш өөрийнхөө ихэр хоёр хүүхэддээ сургуулийн чухал элсэлтийн шалгалтын сэдвийг задраасан хэрэг ч гарч байжээ.

Энэ шийдвэрийг ирэх оны нэгдүгээр сараас эхлэн мөрдөхөөр болсон гэв. Гэхдээ цөөхөн сургуультай хөдөө орон нутгийн сургуулиудын багш нарыг өөр сургууль руу шилжүүлэх боломжгүй тул өөрийн хүүхдийн оноонд дүн, үнэлэмж тавихгүй байх замаар шийднэ гэсэн байна. Хувийн сургуулиуд ч мөн үүнийг дагаж мөрдөх ёстой гэжээ. Багш нараа өөр сургуульд шилжүүлэх үү эсвэл хүүхдийг нь өөр сургуульд шилжүүлэх үү гэсэн сонголтыг хийхээс өөр аргагүйд хүрч байгаа юм. Өмнөд Солонгост нийт 2360 ахлах сургууль байдаг. Үүнээс 560 сургуульд  /23.7 хувь/ багш нар өөрийнхөө хүүхдийг ангидаа авсан гэсэн судалгаа гарчээ.

Боловсролын яамны шийдвэрийг эсэргүүцэж байгаа  багш нар, сургуулиудын захиргаа олон байгаа аж. Сургуулийн захиргаанаас өөрийнхөө хүүхдийн дүнг нэмдэг, шалгалтын сэдэв задраадаг тохиолдол тун бага гардаг. Хэрвээ ийм тохиолдол гарвал багш нартаа хатуу арга хэмжээ авдаг гэж албаны хүмүүс хэлжээ.  

Эх сурвалж: Koreatimes 

Т. Мядаг 

 

7 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2018-08-20 66.181.161.71

Манайд бол бичиг vсэгт тайлагдсан л бол , телберийн менгетэй бvх хvн их, дээд сургуульд ороход асуудал байхгvй юм чинь оноо дvн нэмлээч яалаа, хаслаа ч яалаа ! Ач холбогдолгvй юм чинь тэр.

Avatar

Зочин 2018-08-20 202.179.31.121

энийг манайд хэрэгжүүлэх нь зөв шүү.Багш нарын хүүхдүүд муу бсан ч 100 аваад ардын хүүхэд илүү бсан ч 98 аас дээш гардаггүй нэг юм ажиглагдаад бгаа юм

Avatar

Зочин 2018-08-20 202.9.41.201

МАНАЙД ИЙМ ЗҮЙЛ ҮНЭНДЭЭ БАЙДАГ ЮМ ШҮҮ.

Avatar

Зочин 2018-08-20 122.201.25.46

Манай сум ганцхан сургуультай, манайд л лав үгүй шүү.

Avatar

Зочин 2018-08-20 202.9.40.210

манайд яг ийм байгаа жинхэнэ бузар хожихоосоо илүү хүүхэд нь өөрсдөө хохирчдог юм байналээ, өрсөлдөх чадваргүй болоод

Avatar

Асаа 2018-08-20 202.126.89.4

Ёстой загатнасан газар маажив гэдэг шиг. Манайд яаралтай хэрэгжүүлэх юмсан. Багш нарын хүүхдүүд дүнгээ өргөж тавиулдаг ба энэ нь бусад хүүхдүүдийн итгэл, урам зоригийг аймшигтайгаар мохоодог.

Avatar

Зочин 2018-08-20 64.119.24.252

hotod bol bolonoo.hodoo sumiin surguulid bol bolomjgui ch dee…

NewsMN Гар утасны хувилбар Татах
NEWS.mn

Мэдээллийн эх сурвалж