ХҮҮХЭД НАСНЫ ТУХАЙ

-Ер нь спортод их дуртай хүүхэд байлаа. Спорт авиралт, сагсан бөмбөгөөр хичээллэж байсан.

АНХ СПОРТТОЙ ХОЛБОГДСОН ТҮҮХ

-Манай гэрийнхэн тамирчин байсан. Гэр бүлийн байдал нөлөөлөөд л спорттой холбогдсон доо. Төрөөд л тамирчин болсон гэж ойлгохоор.

АНХНЫ АМЖИЛТ

-Амжилт гэвэл 2016 онд өсвөр үе, хүүхдийн уулын цанын улсын аварга юм байна. Тэр тэмцээн л маш тодхон санагдаж байна.

ЧУХАЛ ТЭМЦЭЭНИЙ ӨМНӨ ХЭРХЭН ӨӨРИЙГӨӨ БЭЛДДЭГ ВЭ?

-Аль болох бие, сэтгэл зүйн тал дээрээ байж болох хамгийн өндөр түвшиндээ байлгахыг хичээдэг. Бэлтгэл сайн байхад үүнийгээ дагаад сэтгэл зүй ч өндөр байдаг.

ҮЛГЭР ЖИШЭЭ АВДАГ ТАМИРЧИН

-Бразилын Лукас Браатен. Саяхан олимпын аварга болсон тамирчин бий.

АНХНЫ ОЛОН УЛСЫН ТЭМЦЭЭН

-2020 оны өвөл Турк улсад хүүхдийн тэмцээнд орж байсан. Тэр үед олон найзтай болсон. Тэдэнтэйгээ ч өвлийн олимпоор таарсан даа.

ОЛИМПЫН НЭЭЛТЭД ОРОЛЦСОН СЭТГЭГДЭЛ

-Бүх тамирчид цуглаад, дасгалжуулагчтайгаа бид хоёр ёслолын хувцсаа өмсөөд буудлаасаа гараад ирэхэд хүн бүр зургаа даруулъя гэж байсан. Би улсынхаа тугийг барьсан. Монгол Улсынхаа тугийг гардаж авахдаа "Үүнийг гоё намируулна даа" гэж бодсон.

СПОРТТОЙ ХОЛБОГДООГҮЙ БАЙСАН БОЛ ӨӨР ЯМАР ЧИГЛЭЛЭЭР ЯВАХ БАЙСАН БЭ?

-Тэгж бодож байгаагүй юм байна. Сайн мэдэхгүй юм. Магадгүй сонирхлоороо видео эвлүүлэх эсвэл зураг дарах байсан байх. Би энэ тал дээрээ илүү сонирхолтой байдаг.

ЧӨЛӨӨТ ЦАГАА ХЭРХЭН ӨНГӨРҮҮЛДЭГ ВЭ?

-Бичлэг эвлүүлэх дуртай. Өөрөө бичлэгээ хийгээд дуу оруулдаг. Мөн кроссфитээр хичээллэдэг.

ГЭР БҮЛЭЭ ТАНИЛЦУУЛААЧ?

-Би айлын тав дахь хүүхэд. Доороо нэг дүүтэй, дээрээ гурван ах, нэг эгчтэй. Аав, ээжтэйгээ байдаг даа.

АМЬДРАЛЫН ХАМГИЙН ТОМ ЗОРИЛГО, МӨРӨӨДӨЛ?

-Сайн бодож үзээгүй юм байна. Гэхдээ гэр бүлтэйгээ аз жаргалтай амьдрахыг хүсдэг.

ҮЕИЙН ЗАЛУУСТАА ӨГӨХ ЗӨВЛӨГӨӨ

-20 настай үеийнхэндээ хэлэхэд бүгдэд нь амжилт, та нар чадна.

А.АРИУНБАТЫГ ДЭМЖДЭГ ХҮМҮҮСТ ХАНДАЖ ХЭЛЭХ ҮГ

-Та бүгдэд баярлалаа. Анх удаа уулын цанаар олимпод орсон гэдэг утгаараа хүмүүс эерэгээр хүлээн авсан. Үүнд маш их баярлаж байгаа.