П.Орхон хагас шигшээд Рисако Кавайтай оноолт таарлаа | News.MN

П.Орхон хагас шигшээд Рисако Кавайтай оноолт таарлаа

П.Орхон хагас шигшээд Рисако Кавайтай оноолт таарлаа

П.Орхон хагас шигшээд Рисако Кавайтай оноолт таарлаа

“Жакарта-2018” Азийн наадмын чөлөөт бөхийн тэмцээний эхний өдөр манай эрэгтэй бөхчүүд нэг алт, нэжгээд хүрэл медаль хүртсэн амжилттай өндөрлүүллээ. Тэгвэл маргааш эрэгтэйчүүдийн 125, эмэгтэйчүүдийн 20, 53, 57, 62 жингийн барилдаан болох бөгөөд манай бөхчүүд хэрхэн сугалаа татсаныг хүргэе.

125 кг: Монголын багийн тугч, ОУХМ Н.Золбоо тун хүнд сугалаа татжээ. Тэрбээр тэгшитгэлд Тажикистаны Фаркод Анакуловтой таарсан бөгөөд шөвгийн наймд “Лондон-2012” олимпийн наадмын мөнгө, ДАШТ-ий хүрэл медальт, Узбекистаны Давид Мозманашвилитэй хүч үзнэ. Түүнийг аргалчихвал Жакартад аваргаа хамгаалахаар ирсэн Ираны Парвиз Хадитай хагас шигшээд таарах магадлалтай. Хүнд жинд түрүүлэх магадлалтай гурван бөх нэг хэсэгт багтаж, нэг нь хоосон нутаг буцахаар болж байна.

50 кг: Азийн АШТ-ий мөнгө, хүрэл медальт ОУХМ Э.Нарангэрэл тэгшитгэлд Тайландын Манлика Эсатитай хүч үзэхээр болсон. Түүнийг ялбал 1/4 шигшээд Узбекистаны Даулетбик Яахшимуратова, Вьетнамын Ти Сиан Нгьен нарын ялсантай хүч үзнэ.

53 кг: “Будапешт-2013” ДАШТ-ий мөнгөн медальт ОУХМ Э.Сумъяа тун боломжийн сугалаа татлаа. Тэрбээр тэгшитгэлд Энэтхэгийн Пинкитэй учраа таарсан бөгөөд түүнийг ялбал 1/4 шигшээд эзэн орны Деви Улфа, Вьетнамын Ти Ха Фуонг нарын ялсантай барилдана. Хоёр ялбал хагас шигшээд Казахстаны Жулдиз Эшимоватай таарах магадлалтай. Харин өнгөрсөн жилийн дэлхийн аварга Харүна Окүна, 2016 оны Азийн аварга БНХАУ-ын Пан Киану, Энэ жилийн Азийн аварга БНАСАУ-ын Пак Йон Ми нарын шилдгүүд нөгөө хэсэгт “чихэлдэж” нэг нь медальгүй харих нь.

57 кг: 23 хүртэлх насны дэлхийн дэд аварга, залуучуудын дэлхйин болон Азийн аварга ОУХМ А.Батцэцэг шөвгийн наймд Вьетнамын Ти Ли Киутэй хүч үзнэ. Түүнийг ялбал хагас шигшээд энэ жилийн Азийн аварга БНХАУ-ын Пей Шинру, БНСУ-ын Ум Жи Ун нарын ялсантай барилдахаар оноолт таарав.

62 кг: 2017 оны дэлхийн аварга, энэ жилийн Азийн аварга, гавьяат тамирчин П.Орхон 1/4 шигшээд Вьетнамын Ти Хан Нгьентэй учраа таарлаа. Улмаар хагас шигшээд олимп, дэлхийн аварга Рисако Кавайтай хүч үзнэ. Монгол, япон бүсгүйчүүдийн дуэль маргаашийн хамгийн оргил барилдаан гэхэд буруудахгүй болов уу. Нөгөө хэсэгт ДАШТ-ий хүрэл медальт, Азийн хошой аварга Кыргызстаны Айсулуу Тыныбекова, “Рио-2016” олимпийн наадмын хүрэл медальт Энэтхэгийн Сакши Малик, БНХАУ-ын Су Руй, Узбекистаны Набира Эсенбаева, Казахстаны Айюлим Кассимова нарын шилдгүүд багтжээ.

Эх сурвалж: Монголын чөлөөт бөхийн холбоо

"Болор дуран"-аар шалгав.

12 сэтгэгдэл

News.mn сайтад сэтгэгдэл оруулахад анхаарах зүйлс

Зочин 2018-08-20 66.181.185.137

Золбоо зоригтой үзнэ шүү. Орхон ч гэсэн улсынхаа нэрийг гаргаарай. Амжилт.

Зочин 2018-08-20 202.9.42.9

Мэдээгээ зас л даа. 20 кг байхдаа яахав дээ

Ganaa 2018-08-20 66.181.186.28

Shuud damjuulaachaa?

Зочин 2018-08-20

Za tamirchiddaa tom amjilt husie!!! Ulsynhaa, Mongoloo gsn neriig sain bodooroi!

Зочин 2018-08-20 202.131.228.20

Тэгшитгэл гэж юуг хэлээд байнаа ойлгохгүй юм???

Зочин 2018-08-20 202.179.8.186

Үндэсний телевизийнхэн дамжуулна гэж тэнд очиж улсын мөнгөөр зугаалж явахаа болимоор байна өөр телевизийн сигналыг эндээс хүлээн авч цацдаг байж тэнд хүмүүс юу хийгээд байгаа юм бэ\n

zochin 2018-08-20 150.129.140.136

финалын барилдааныг өнөөдөр ч бас бичлэгээр гаргах уу MMB болимоор юм

Зочин 2018-08-20 64.119.17.208

Үндэсний тв гэж шууд дамжуулалт хийж чадахгүй юм байна.чаддаг тв_д эрхээ өгөөд хужааа киногоо гаргаад үзэгчээ алдаад сууж бай хохь чинь.

Зочин 2018-08-20 202.179.31.35

ТВ-р гаргах арга хэмжээ аваач ээ нөгөө хэдэн сувгаар шууд дамжуулна гээд байсан юу болсон бэ

эмэгтэйчүүдийн 20 кг ??? 2018-08-20 202.180.216.19

эмэгтэйчүүдийн 20, 53, 57, 62 жингийн барилдаан болох бөгөөд... Эмэгтэйчүүдийн 20 кг жин гэж яг ямар жин байна аа ???

Зочин 2018-08-20 202.179.31.37

Далдаганасан [Хориотой Үг] увс аса -г дуурайгаад. Чадахгүй хэвтэж цагаан станц ч гэх шиг

Зочин 2018-08-20 202.9.42.17

ТВ-р гаргах арга хэмжээ аваач МЧБХ \nДандаа л ингэхийн...

NewsMN Гар утасны хувилбар Татах
NEWS.mn

Мэдээллийн эх сурвалж