Засгийн газрын хоёр сайд чөлөөлөгдөх хүсэлтээ өгсөн. Тодруулбал, Боловсролын сайд П.Наранбаярыг үүрэгт ажлаас нь чөлөөлж, түүний оронд УИХ-ын гишүүн Л.Энх-Амгаланг томилох бол Эрчим хүчний сайд Б.Чойжилсүрэнгийн оронд ХҮН намын гишүүн Б.Найдалааг томилох шийдвэрийг Ерөнхий сайд Г.Занданшатар гаргасан. Энэ шийдвэрийг Ерөнхийлөгч болоод УИХ-д танилцуулан, хэлэлцүүлнэ. Ингээд Засгийн газрын ээлжит сайд нарын Авлигатай тэмцэх газарт мэдүүлсэн сүүлийн таван жилийн хөрөнгө, орлогын мэдүүлгийг танилцуулж байна.

УИХ-ын гишүүн Б.Найдалаагийн өөрийн орлого нь 44 сая төгрөг, гэр бүлийн орлого 81 сая төгрөг гэж мэдүүлжээ. Мөн нэг нийтийн орон сууц, нэг зуслангийн хашаа байшингаа 710 сая төгрөгөөр үнэлсэн байна.

Үүнээс гадна "Nissan" маркийн нэг суудлын автомашинаа 150 сая төгрөгөөр үнэлсэн бол хоёр адуугаа 3.5 сая төгрөгөөр үнэлжээ.

Түүнчлэн эзэмших эрхтэй хоёр газраа 10 сая төгрөгөөр үнэлсэн бол 180 сая төгрөгийн үнэт эдлэлтэй, дотоодын банк, санхүүгийн байгууллага дахь 51 сая төгрөгийн хадгаламжтай, 239 сая төгрөгийн зээлтэй. "Эрдэнэс Тавантолгой" ХК болон " ЭсДиБи" ХХК-д хувьцаа эзэмшдэг гэжээ.

Боловсрол:

• 1993 онд Нийслэлийн 23-р дунд сургууль,
• 1997 онд Санхүү Эдийн Засгийн дээд сургууль,
• 2004 онд Япон улсын Кобэ их сургуулийг тус тус төгссөн.

Ажилласан байдал:

• 1997-2002 онд Санхүү эдийн засгийн дээд сургуулийн багш
• 2004-2008 онд Анод болон Хаан банкны Эрсдэлийн удирдлагын газрын захирал, эдийн засагч
• 2008-2011 онд Эм Си Эс Холдинг ХХК, Юнител ХХК-ийн газрын захирал
• 2011-2012 онд Монголын эдийн засгийн форумын гүйцэтгэх захирал
• 2012-2015 онд Монголын банкны холбооны Гүйцэтгэх захирал бөгөөд Ерөнхий нарийн бичгийн дарга
• 2016-2024 онд ХҮН намын дарга, Удирдах зөвлөлийн гишүүн
• 2024 оноос Монгол Улсын Их Хурлын гишүүн, УИХ дахь ХҮН намын зөвлөлийн дарга
• 2025 оноос Монгол Улсын Их Хурлын Хүний хөгжил, нийгмийн бодлогын байнгын хорооны дарга

Л.ЭНХ-АМГАЛАН 1,6 ТЭРБУМ ТӨГРӨГИЙН ҮНЭТ ЭДЛЭЛ, 1,3 ТЭРБУМЫН АВЛАГАТАЙ

Түүний АТГ-т өгсөн мэдүүлэгт дурдсанаар, өөрийн орлого нь 552 сая төгрөг, гэр бүлийн орлого 50 сая төгрөг, гэж мэдүүлжээ. Мөн тэрбээр нэг амины орон сууц, нэг нийтийн орон сууц, нэг үйлчилгээний зориулалттай барилга байгууламжаа нийтэд нь 4.3 тэрбум төгрөгөөр үнэлсэн байна.

Мөн 300 сая төгрөгийн үнэтэй туулах чадвар өндөр "Lexus-570" автомашинтай, 1,6 тэрбум төгрөгийн үнэт эдлэлтэй бөгөөд 22 сая төгрөгийн хадгаламжтай бол 7 сая төгрөгийн зээлтэй, 1,3 тэрбумын авлагатай гэжээ.

Түүнчлэн "Эрдэнэс Тавантолгой" ХК болон "Интер групп интернэйшнл" ХХК-д хувьцаа эзэмшдэг гэжээ.

Боловсрол: