Д.Батжаргал Япон улсад суух Элчин сайдаар томилогдлоо | News.MN - Мэдээллийн эх сурвалж

Д.Батжаргал Япон улсад суух Элчин сайдаар томилогдлоо

Д.Батжаргал Япон улсад суух Элчин сайдаар томилогдлоо

Жил гаруй хугацаанд томилогдож чадахгүй байсан Монгол Улсаас Япон улсад суух бүрэн эрхт Элчин сайдад Монгол Улсын Ерөнхийлөгч Х.Баттулга өнөөдөр /2018.08.17/ итгэмжлэхийг нь гардуулжээ. Япон улсад суух Элчин сайдаар Гадаад харилцааны дэд сайд асан Г.Тэнгэрийг томилох саналыг Засгийн газраас хүргүүлсэн боловч Ерөнхийлөгч татгалзаад байсан юм. Мөн түүний дараа Засгийн газраас Н.Чимгүүндарийг санал болгосон ч мөн л Ерөнхийлөгч татгалзсан юм.

Ийнхүү жил гаруй хугацаанд гацаанд байсан нэг Элчин сайд томилогдож, Д.Батжаргал Япон улсад Монголын улсыг төлөөлөх бүрэн эрхт Элчин сайдаар томилогдлоо.

Монгол Улсаас Япон улсад суух Онц бөгөөд Бүрэн эрхт Элчин сайд Дамбадаржаагийн Батжаргал 1966 онд Улаанбаатар хотод төрсөн.

  • -1989 онд МУИС-ийн Олон улсын харилцааны сургууль
  • -1995 онд Япон Улсын Токиогийн их сургууль
  • – 2002 онд Япон Улсын Васедагийн их сургуулийг тус тус төгссөн
  • – “Тэргүүн шадар” дипломат цолтой. 1989-2002 онд Улсын банкны ерөнхий хороонд програм зохиогч, төслийн удирдагч, эдийн засагч, Зээлийн мэдээллийн сангийн ахлах ажилтан, 2002-2006 онд Япон Улсад суугаа ЭСЯ-нд худалдаа, эдийн засаг хариуцсан зөвлөх, 2006-2007 онд Монгол Улсын Ерөнхийлөгчийн Тамгын газарт Гадаад бодлогын референт, 2007-2009 онд ҮХЯ-ны Худалдаа, эдийн засгийн хамтын ажиллагааны газрын орлогч дарга, 2009-2011 онд Япон Улсад суугаа ЭСЯ-нд худалдаа эдийн засаг хариуцсан зөвлөх, 2011-2012 онд Монгол Улсаас Япон Улсын Осака хотод суугаа Ерөнхий консул, 2013-2014 онд ГХЯ-ны Бодлого төлөвлөлт, стратегийн газарт зөвлөх, 2014-2016 онд тус яамны Эдийн засгийн хамтын ажиллагааны газарт зөвлөх, 2016 оны наймдугаар сараас Монгол Улсаас Япон Улсад суугаа ЭСЯ-нд Элчин зөвлөхөөр ажиллаж байжээ.
"Болор дуран"-аар шалгав.
Энэ мэдээнд өгөх таны сэтгэгдэл?
0
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!