ИЗНН-ын гишүүн, УИХ-ын гишүүн Р.Батболд өнөөдөр /2026.03.17/ мэдээлэл хийлээ. Тэрбээр “Б Батбаатар нь Улс төрийн намын тухай хуулийн 20 дугаар зүйлийн 20.4 дэх хэсэгт заасны дагуу намын үнэт зүйл зарчмыг ноцтой зөрчсөн тул  намын гишүүнчлэлээс хасаж,  цаашид ИЗНН-ыг төлөөлөх эрхгүй шийдвэрийг Онц их хурлын  төлөөлөгчдийн 100 хувийн саналаар гаргасан. Тиймээс ИЗНН-ын гишүүнчлэлгүй болсон УИХ-ын гишүүн Б.Батбаатарыг Засгийн газрын гишүүнээс нэн даруй чөлөөлж, хамтарсан Засгийн газрын гэрээг хууль ёсны шинэ удирдлагатай шинэчлэн баталгаажуулахыг шаардаж байна.

Бидний хамтрал ардчилсан эрх зүйт төрийн өндөр чадамжийг чухалчлах хууль хүн бүр тэгш тэр дундаа төрийн өндөр албан тушаалтанд тэгш үйлчлэх бодлогын алдаа завхралыг засаж хариуцлага тооцон ажиллах зарчимд суурилах ёстой. Шаардлагыг Ерөнхий сайд Г.Занданшатарт хүргүүлнэ" гэлээ.