Уул уурхайн хөрөнгө оруулагчид 16 дахь жилдээ Улаанбаатарт чуулна | News.MN

Уул уурхайн хөрөнгө оруулагчид 16 дахь жилдээ Улаанбаатарт чуулна

Уул уурхайн хөрөнгө оруулагчид 16 дахь жилдээ Улаанбаатарт чуулна

Уул уурхайн хөрөнгө оруулагчид 16 дахь жилдээ Улаанбаатарт чуулна

Улаанбаатар хотноо ирэх есдүгээр сарын 7-нд “Дисковер Монголиа” хөрөнгө оруулагчдын олон улсын чуулга уулзалтыг 16 дахь жилдээ зохион байгуулахаар товложээ.  Монгол Улсын эдийн засгийн тэргүүлэх салбар бол уул уурхай.  Тиймээс жил болгон уул уурхайн салбарынхан хуралдаж,  салбарынхаа зовлон жаргалыг ярилцдаг. Энэ удаагийн чуулга уулзалтад Засгийн газрыг төлөөлж Уул уурхай, хүнд үйлдвэрийн сайд Д.Сумъяабазар илтгэл тавина. Тэрбээр Монгол Улсын эдийн засгийн тэргүүлэх салбарыг хөгжүүлэх нь сэдвийн дор Ардын Засгийн газраас барьж байгаа бодлого, шийдвэрүүдээ танилцуулах аж. Мэдээж,  Баялгийн сан болоод Тавантолгойн талаарх мэдээллээ ч хүргэх биз.  Уул уурхайн салбарын хувьд хамгийн их тулгамдсан асуудал нь хууль эрх зүйн орчин. Монгол Улс хуультай ч юм шиг хуульгүй ч юм шиг улс болж хувирсан. Учир нь хөрөнгө оруулагчдыг дарамтлах, шантаажлах, үйл ажиллагаанд нь саад бэрхшээл учруулах эх оронч  Төрийн ордонд ч, гудамжинд ч, орон нутаг ч цөөнгүй бий. Мэдээж, Оюутолгойн үйл ажиллагааны танилцуулга олон улсын хөрөнгө оруулагчдын сонирхлыг татах байх.

Хөрөнгө оруулагчдын зүгээс 16 жилийн турш Монголын төрд тавьдаг ганц хүсэлт нь тоглоомын дүрмээ тодорхой болгох, төрийн бодлогоо залгамжлах. Нэг засаг гарч ирээд нэг асуудал ярьдаг, нөгөө засаг нь үгүйсгэдэг явдал хөрөнгө оруулагчдыг үргээх шалтгаануудын нэг болсон.  Тиймээс олон улсын чуулга уулзалтаар ярьснаа хэрэгжүүлэх нь чухал. Уулзалт зохион байгуулахын ач холбогдол нь үр дүн. Энэхүү чуулга уулзалтын  Монголын Засгийн газар, Уул уурхайн ассоциаци, Бизнесийн зөвлөл хамтран зохион байгуулж байгаа юм байна.

Б.БАТ

"Болор дуран"-аар шалгав.
Энэ мэдээнд өгөх таны сэтгэгдэл?
1
ХарамсалтайХарамсалтай
0
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ТэнэглэлТэнэглэл
0
БурууБуруу
Баярлалаа!

4 сэтгэгдэл

News.mn сайтад сэтгэгдэл оруулахад анхаарах зүйлс

Геолог 2018-08-15 66.181.182.28

Энэ хуралд манай салбарынхан их ач холбогдол өгч оролцож ирсэн. Манайд засаглал нь тогтворгүй тул энд оролцох сайд дарга нар нь маргааш байх үгүйгээ мэдэхгүй учир юу ч яриад нэмэргүй. Түрүү жилийн Дисковер дээр эхний өдөр нь байсан засаг шөнө нь байхгүй л болчихсон байсан шүү. Тиймд Дисковерийг мэргэжлийн тал уруу илүү хандуулж мэргэжлийн хүмүүс нь тодорхой төслөө танилцуулдаг, туршилгаа солилцдог талбар болгох тал дээр нь ажиллавал зүгээр байна.

Зочин 2018-08-15 66.181.188.237

TZ-AA UURHAITAAGAA UYLDAJ AJILAVAL UURHAI AMILNA

zochin 2018-08-15 193.57.67.241

Уул уурхай хөгжих үү? Хэдий болтол гадныханд худлаа ярих вэ ? Бодлогоо хатуу бариад, монгол улсын хууль дүрмийн дагуу компани нь үйл ажиллагаагаа явуулаад, хянадаг байгууллага нь хянаад шаардлагааа тавиад ажилладаг бол? Олон хүн энэ салбараас цалин авч гэр бүлийнхнийгээ тэжээж, улсын татварт ихээхэнг өгч байгаа. Харамсалтай нь эрх мэдэлтэнгүүд маань өөрсдөд нь ашиггүй юманд их л хойрго хандах юм даа.

Зочин 2018-08-15 107.77.241.5

Манайхан ч эвгүй хүмүүс дээ....

NewsMN Гар утасны хувилбар Татах
NEWS.mn

Мэдээллийн эх сурвалж