Японы судлаачид Буддын шашны сургаальд үндэслэн зөвлөгөө өгөх чадвартай хүн дүрст роботыг танилцууллаа. Киотогийн их сургуулийн Хүний нийгмийн ирээдүйн хүрээлэнгийн профессор Күмагай Сэйжи тэргүүтэй судлаачид уг роботыг бүтээжээ. Робот 1.3 метр өндөртэй бөгөөд алхах чадвартай.

Буддын шашны судрыг тус роботод хиймэл оюун ухааны тусламжтайгаар суулгажээ. Сэтгүүлч тэрхүү роботоос хэт их зүйл бодож, юм юманд санаа зовоод байвал яасан нь дээр вэ гэж асуухад "Буддын шашинд бодлоо сохроор дагахгүй байх нь чухал гэж заадаг. Тэр бодлоосоо ангижирахыг оролдох хэрэгтэй" гэж хариулсан байна. Зөвлөгөө өгснийхөө дараа робот залбирах мэт хоёр алгаа хавсардаг.

Буддын шашины сургааль айлддаг роботыг хүн дүрстэй болгосноор амьд хүнтэй харьцаж байгаа мэт мэдрэмжийг авч, илүү сэтгэл ханамжтай байх боломжтой болжээ.

Күмагай Сэйжи нь буддын шашны лам хүн. Тэрбээр уг роботыг хэрхэн ёс зүйтэй ашиглаж болохыг үргэлжлүүлэн судалж байна.