Оюуны спортын тамирчид дэлхийн цомын тэмцээнд ялалт байгууллаа | News.MN

Оюуны спортын тамирчид дэлхийн цомын тэмцээнд ялалт байгууллаа

Хуучирсан мэдээ: 2018.08.13-нд нийтлэгдсэн

Оюуны спортын тамирчид дэлхийн цомын тэмцээнд ялалт байгууллаа

Оюуны спортын тамирчид дэлхийн цомын тэмцээнд ялалт байгууллаа

БНХАУ-ын Бээжин хотноо 200 сая төгрөгийн шагналын сантай “Memory of Jiuduan’ дэлхийн цомын тэмцээн энэ сарын 10-12-нд болж дүнгээ танилцууллаа. Тус тэмцээнд Монгол Улсыг төлөөлж Монголын оюун ухааны академийн 10 тамирчин, дасгалжуулагч багшийн хамт оролцсоноос Монгол Улсын баг 36 медалийн 19-ийг, 3 цомын 2-ыг нь тус тус хүртэн тэргүүн байр эзэллээ. Тэмцээнд Монгол, Хятад, Герман, Австрали, Итали зэрэг орны шилдэг 200 тамирчин стандарт бус /бусад тэмцээнтэй адил биш/  зургаан төрлөөр өрсөлдсөн юм. Тэмцээний үеэр ‘Хурдны хөзөр’ төрөлд  нэг багц буюу 52 ширхэг хөзрийг ердөө 14 секундэд тогтоож алдаагүй цээжилснээр Б.Шижир-Эрдэнэ дэлхийн дээд амжилт тогтоожээ. Нас насны ангилал болон нийлбэр оноогоор эхний гурван байрт орсон тамирчдын оноог танилцуулъя.

Өсвөр насны ангилал:

1- р байр: ОУИМ Э.Лхагвадулам – 7233 оноо

2-р байр: Их Мастер М.Уянга – 6115 оноо

3-р байр: Б.Лхагвадорж – 5165 оноо

Насанд хүрэгчид:

1-р байр: ОУИМ Н.Мөнхшүр – 8191 оноо

2-р байр: ОУИМ Simon Reinhard – 7416 оноо

3-р байр: ОУИМ LiYang – 7069 оноо

Нийлбэр дүнгээр:

1-р байр: ОУИМ Н.Мөнхшүр – 8191 оноо

2-р байр: ОУИМ Simon Reinhard – 7416 оноо

3-р байр: ОУИМ Э.Лхагвадулам – 7233 оноо

Дашрамд, Рубик шооны Ази тивийн аварга шалгаруулах тэмцээнд оролцохоор Монголын Оюун ухааны академийн багш Э.Эрдэнэмандах Тайванийг, Оросын ‘Россия 1’ телевизийн ‘Гайхамшигт хүмүүс’ нэвтрүүлэгт оролцохоор Монголын Оюун ухааны академийн захирал Х.Хатанбаатар ихэр шавь Н.Мөнхшүр, Н.Энхшүр нарын хамт  өнөөдөр  /2018.08.13/ ОХУ-ыг зорьж байгаа аж.

 

э.ариун 

8 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2018-08-13 66.181.160.9

Дэлхийн №1 хүүхдүүдийн эцэг эхчүүд Тэрэлжид агаарт дээд зэргийн сургууль барих тал дээр хамтран ажиллавал дэмжинэ шүү. Та нар л санаачлага гаргахгүй болохоор хажуу талаас нь бид оролцох эрхгүй байх шиг байна. Академи саналаа ил тод ард түмэндээ дуулгаач дэмжие, туслая, хамтаръя. Хувьцааг чинь худалдан авмаар байна.

Avatar

Зочин 2018-08-13 66.181.160.9

Сэтгэл сэргээсэн , баярлуулсан , гуниг зовлонгоос түр хугацаанд ч гэсэн холдуулж өгч монгол түмнээ баярлуулж байгаа хүүхдүүдэд үнэхээр их баярлаж, бахархаж , огшиж байна. Дэлхийн хэмжээний оюуны сургууль байгуулбал маш их баячуудын хүүхдүүд ирж суралцан орлого оруулах том бизнес байгааг Хатанбаатар захирал эхлүүлэх хэрэгтэй байна. Гадаадын танилууддаа та нарыг л яриж гайхуулж байна. Далимдуулан өөрөө монгол хүн болж төрснөөрөө бахархаж, гоц ухаантнуудын цус надад хүртэл байгаа гэж гайхуулж бахархаж байна. Дэлхийн хэмжээний сургууль байгуулахад төр засаг нэг удаал туслахад хангалттай . Цааш нь ухаантай хүүхдүүд авч явж чадна. Өдөрт 20 хүрэхгүй машин явдаг зам тавьж байхаар тэр мөнгөөр нь олон улсын оюуны дээдийн дээд нэртэй академийг байгуулахад л элсэх хүүхдүүдийн тоо нь илүү гарна. Би ч гэсэн ач зээ нараа мөнгө хайрлахгүй нэг л удаа сургаад авчихад хүмүүжилд нь амьдралд нь тус болно гэж үздэг. Тэрэлж кембериж гэж 6-12 ангийн 300 хүүхдүүдийг сургах сургуулийг хувийн хэвшил барьж чадаж байхад хөрөнгийн биржээр дамжуулан хувьцаа гаргаад сургууль байгуулбал 50 тэрбум төгрөг ядах зүйлгүй босно шүү. Хатанбаатар захирал та энэ талаар ард түмэндээ саналаа дуулгаач. Би гэхэд л 100 сая төгрөгөнд танай хувьцааг шууд худалдаж авна.

Avatar

зочин 2018-08-13 66.181.161.6

Монгол оюун ухаан дэлхийд гайхагдаж байна даа.

Avatar

Зочин 2018-08-13 66.181.176.166

энэн их сан өгөгдөл дээрээ түшиглэж их үйлдвэржилт бий болго. Хөнгөн Аж Үйлдвэрийг ихээр байгуул.

Avatar

mongol 2018-08-13 27.123.212.133

ug ni surhii ard tumen shuu

Avatar

Зочин 2018-08-13 122.201.22.67

Mongol baharhal ene shyy

Avatar

Зочин 2018-08-13 122.201.22.67

Mongol baharhal ene shyy

Avatar

Зочин 2018-08-13 174.222.140.35

Heleed yu gehev

NewsMN Гар утасны хувилбар Татах
NEWS.mn

Мэдээллийн эх сурвалж