Өнөөдөр бүх нийтээрээ шарилж, луулийг цэвэрлэнэ | News.MN

Өнөөдөр бүх нийтээрээ шарилж, луулийг цэвэрлэнэ

Өнөөдөр бүх нийтээрээ шарилж, луулийг цэвэрлэнэ

Өнөөдөр бүх нийтээрээ шарилж, луулийг цэвэрлэнэ

Улаанбаатар хотын Захирагчийн ажлын албанаас “Шарилжгүй Улаанбаатар-3” аяныг зургаадугаар сараас эхлэн наймдугаар сарын дунд үеийг хүртэлх хугацаанд 2 үе шаттай зарлаж, аж ахуйн нэгж байгууллагыг ойр орчны шарилж, луулийг цэвэрлэхийг уриалан ажиллаж байна. Аяны нэгдүгээр үе шатанд бүх нийтээр шарилж лууль цэвэрлэх өдрийг зургадугаар сарын 29, 30-ны өдөр зохион байгуулсан бол хоёрдугаар үе шатны бүх нийтийн цэвэрлэгээг өнөөдөр зохион байгуулж байна.

Өнөөдөр аж ахуйн нэгж, байгууллага, Ерөнхий боловсролын сургууль, цэцэрлэгүүд өөрсдийн хашаан доторх болон хашааны гадна орчны нийтийн эзэмшлийн зам талбайд ургасан шарилж, луулийг цэвэрлэх бол нийслэлийн Хот тохижилтын газар, дүүргүүдийн Тохижилт, үйлчилгээний компанийн зам талбайн үйлчлэгч, иргэдийн бүлгийн ажилчид Чингэлтэй дүүрэгт Тасганы овоо болон хоёр талын үерийн хамгаалалтын далан, Сонгинохайрхан дүүрэгт 1-р хорооллын арын үерийн хамгаалалтын далан, Хан-Уул дүүрэгт Наадамчдын зам буюу Яармагийн зам дагуу, Баянгол дүүрэгт 3-р нэгдсэн эмнэлгийн хойд талаас зүүн тийш Баруун 4 зам хүртэл үерийн хамгаалалтын далан, Баянзүрх дүүрэгт Арслантай гүүрнээс урагш Сэлбэ гол дагуу, Сүхбаатар дүүрэгт 7 буудал, Ногоон нуурын үерийн хамгаалалтын далан, 100 айлын гүүрнээс урагш Арслантай гүүр хүртэл Сэлбэ голын эрэг дагуу цэвэрлэгээний ажлыг хийх юм.

Аяны хугацаанд дүүрэг бүрт ажил иргэдийг зохион байгуулалтад оруулж, иргэдийн бүлгүүдийг байгуулан гэр хорооллын гуу жалга, эзэнгүй хашаа, нийтийн эзэмшлийн зам талбайд ургасан шарилж, луулийг тогтмол хуваарийн дагуу өдөр бүр цэвэрлүүлэн ажиллаж байна. Нийслэлийн нутаг дэвсгэрт үйл ажиллагаа явуулдаг нийт аж ахуйн нэгж, байгууллагуудыг цэвэрлэгээний ажилд идэвхтэй оролцохыг уриалж байна. 

УЛААНБААТАР ХОТЫН ЗАХИРАГЧИЙН АЖЛЫН АЛБА

"Болор дуран"-аар шалгав.

6 сэтгэгдэл

News.mn сайтад сэтгэгдэл оруулахад анхаарах зүйлс

Зочин 2018-08-11 66.181.160.3

СӨХ болгон айл болгон байгуллага болгон үүнийг хийх хэрэгтэй. Зуслангууд хог өвсөндөө дарагдаж гүйцэж байгаад анхаарлаа хандуулна уу. Зусланд гарах биш шарилж лууль халгай дунд харшиж хэвтэхэд хүрээд байна.

Зочин 2018-08-11 202.9.42.250

Шарилж лууль гэдэг чинь хөрсийг хамгийн сайн сийрэгжүүлдэг маш ашигтай ургамал ш дээ... Нэг жил ургаад л дараагийн жил нь ургадаггүй. Байгалийн хуулийн эсрэг юм хийхээ зогсоо. Тэрнйихээ оронд хог түүцгээ.

Зочин 2018-08-11 66.181.160.3

тийм бол яагаад багсайж сагсайтал дийлдэхгүй ургаад байгаа юм. худлаа юм мэдэхгүй байж цэцэрхэх гээд ядчих юм. Хог ургамалтай дайтахгүй бол балрах нь байна. Зуслангуудад анхаарал хандуулахгүй бол болохгүй. айлуудыг өвсөө хад гэж үүрэгдэх хэрэгтэй. Айл болгон хашаа бариад тэнд нь хог ургамал дүүрэх боллоо. мөн ойр орчмын газраас мал гаргасан тул ногоон зүлэг байдаг газар хог ургамалаар дүүрлээ

Зочин 2018-08-11 103.26.193.201

Жил бүр манжид дагаар орсны баяр, элдвийн уул хаданд суварга нэртэй цемент босгож, хэдэн мянган модыг хөсрий даавуугаар боомилж, наадам хийж, адгуус уралдуулж байхаар иймэрхүү ажилд ажилгүй иргэд, оюутан залуусыг өгдөгийг нь овоо өгөөд зулгаалгаж байл даа. Багаж хөгжөөд одоо цагт хүчээр зулгаадаггүй болсон уг нь. Энэ [Хориотой Үг] нөхөр хотын Мээр биш Мэрэгч ноёнтон болсноос хойш өчнөөн ард нийтийн өмч эвдэрч сүйдсэн. Төрийн хулгайчууд Ганданд очоод ном уншуулаад болчихлоо гэж хуцацгаана. Бүр ард түмнийг номхон хүлцэнгүй байлгах талаас сайн ажил гэж Шанзавын нууц сайдтан гэгдэх балиар хувалзандаа үүрэг өгсөн байна гэнэ. Тэнгэр газрыг холбосон босоо бичигтэй, тэнгэрээр зөвхөн тамаглагдаж, байгаль эхийнхээ өвөрт өлгийдүүлж өсдөг хөх толботон монголчууд улаан хувалзнууд, шүгдэнтэй орооцолдож элдэв хөрөнгө мөнгө эд зүйлийг зүгээр олчих юм шиг бодож сэтгэж байдгаа зориулж байгааг Тэнгэр таалахгүйгүйгээр үл барам ёстой орвонгоор нь [Хориотой Үг]лж эхлээд байна шүү дээ.

Зочин 2018-08-11 107.77.161.9

Сувааднагдаж байхаар хувийн компаниудад мөнгийг нь төлөөд хийлгэчихээч дээ.Бусад улсуудад бол иймэрхүү ажлуудыг тусгайлсан мэргэжлийн компаниуд хийдэг юм байна,манайд л хуучнаараа

зочин 2018-08-11 202.9.42.13

өнгөрсөн борооны хойноос цув нөмөрч байна. аль 6-р сард түүх ёстой байсан юм. бүгд харшаад дуусаж байна

NewsMN Гар утасны хувилбар Татах
NEWS.mn

Мэдээллийн эх сурвалж