Өмнөд Солонгосын ерөнхийлөгч асан Юн Сук Ёлын “төрийн эсрэг бослого” хэрэгт шүүх маргааш (2026.02.19) 15:00 цагт шийдвэрээ танилцуулна. Прокурорууд түүнд цаазаар авах ял оноохыг хүсэж байна. Юн 2024 оны арванхоёрдугаар сарын 3-нд цэргийн дэглэм зарласан ч энэ нь ердөө зургаан цаг орчим үргэлжлээд Үндэсний ассамблейн шийдвэрээр цуцлагдсан. Дараа нь түүнийг бослого удирдсан хэргээр буруутгаж, 2025 оны дөрөвдүгээр сард албан тушаалаас нь огцруулсан.

Прокуроруудын хэлснээр, цэргийн дэглэм тогтоох нь урьдчилан төлөвлөсөн үйлдэл байсан бөгөөд цэрэг, цагдааг ашиглан эрх мэдлийг авах, улс төрийн өрсөлдөгчдийг баривчлахыг оролдсон гэж үзэж байна. Харин Юны өмгөөлөгчид үүнийг улс төрийн хямралд анхаарал хандуулах гэсэн бэлгэдлийн алхам байсан гэж тайлбарлаж байна.

Юны хоёр хуучин туслах холбогдох хэргээр аль хэдийн хорих ял авсан бөгөөд шүүх цэргийн дэглэмийг бослого гэж үзэж буруутгасан байжээ. Энэ нь Юны хэрэгт нөлөөлж магадгүй юм.

Мөн цэргийн дэглэмийн төлөвлөгөөнд оролцсон гэж буруутгагдсан долоон цэрэг, цагдаагийн албан тушаалтанд ч шүүхээс шийдвэр гаргана. Тухайлбал прокурорууд Батлан хамгаалахын сайд асанд бүх насаар нь хорих ял оноохыг хүсэж байна.