АНУ болон Иран улс өчигдөр (2026.02.17) цөмийн хөтөлбөрийн талаар хоёр дахь удаагийн өндөр түвшний хэлэлцээгээ эхлүүлrtt. Хэлэлцээ Швейцарт болж байгаа бөгөөд шууд бус хэлбэрээр явагдаж байна. АНУ-ын талаас тусгай элч Стив Уиткофф болон Дональд Трампын хүргэн Жаред Кушнер оролцож байна. Ираны талыг гадаад хэргийн сайд Аббас Арагчи тэргүүлж байна. Талууд энэ сард цөмийн хэлэлцээг дахин эхлүүлсэн.

Трамп Даваа гаригт Иран энэ удаа “илүү ухаалаг, боломжийн” байр суурь баримтална гэж найдаж байгаагаа хэлсэн. Тэрбээр Иран хэлэлцээ хийхийг хүсэж байгаа бөгөөд хэлэлцээ хийхгүй байх үр дагавраас зайлсхийхийг хүсэж магадгүй гэж мэдэгджээ. Мөн өнгөрсөн зургадугаар сард АНУ Ираны цөмийн байгууламжид халдсан талаар дурдсан байна.

Үүний зэрэгцээ Трампын засаг захиргаа цэргийн дарамтаа нэмэгдүүлж, Ойрхи Дорнод руу хоёр дахь нисэх онгоц тээгч хөлөг илгээхээр төлөвлөжээ. Мөн Ираны Хувьсгалт гварди Хормузын хоолойд цэргийн сургуулилалт эхлүүлсэн байна. Энэ хоолой нь дэлхийн тэнгисийн тээврийн чухал зам юм.