Цахим спортын "CS2" төрлийн "Cluj-Napoca 2026" тэмцээн үргэлжилж байна. Монголын "The MongolZ" баг өнөөдөр/2026.02.16/ ээлжит тоглолтоо Украины "B8" багийн эсрэг хийв. Өчигдөр "Vitality"-д хожигдсон тэд өнөөдөр 2-1 гэсэн харьцаатай хожлоо.

Эхний мап "Ancient" дээр болоход "The MongolZ" илт илүүрхэв. Харин удаах "Mirage" дээр Монголын баг өөрсдийн сонгосон мап дээрээ хожигдож, мапын харьцаа тэнцэв. Шийдвэрлэх "Nuke" дээр үндсэн цагт хожих боломж байсан ч "The MongolZ" ашиглаж чадсангүй. Гэхдээ л нэмэлт цагт буулган авч, 2-1 гэсэн амжилттай боллоо.

Дээрх тоглолтод "910" тун сайн тоглож, хувь үзүүлэлтээрээ бүх тоглогчдыг тэргүүлжээ.