Сирийн ерөнхийлөгч Башар Аль Ассадын эхнэр тэргүүн хатагтай Асма Аль Ассад хөхний хорт хавдрын эхэн үеийн эмчилгээ хийлгэж байгаа тухай Ерөнхийлөгчийн тамгын газраас нь мэдэгджээ.

Сирийн тэргүүн хатагтай англи гаралтай тэрбээр Лондон хотод төрж өссөн аж. Ахлах сургууль, их сургуулиа Лондонд дүүргэсэн. Хөрөнгө оруулалтын мэргэжилтэй аж. Хэвлэлд 2016 оноос хойш нэг ч удаа ярилцлага өгөөгүй чимээгүй байсан. Хамгийн сүүлд Оросын хэвлэлд өгсөн ярилцлагадаа ‘Гэрийнхэн нь  Лондонд буцаад ирэхийг асуудаг. Гэвч тэр татгалзан Сирид үлдэх замыг сонгосо’ гэдгээ хэлсэн юм. Тэрбээр нөхрийнхөө үйл хэрэгт туслан Сирийн нөхцөл байдалд анхаарал хандуулах ёстой гэжээ. Мөн Сирийг орхиж явах талаар хэзээ ч бодож байгаагүй гэж хэлж байжээ.

بقوة وثقة وإيمان.. السيدة #أسماء_الأسد تبدأ المرحلة الأولية لعلاج ورم خبيث بالثدي اكتشف مبكرا..

من القلب .. رئاسة الجمهورية والفريق العامل فيها يتمنون للسيدة أسماء الشفاء العاجل.. pic.twitter.com/W3vi9h1GUt

— Syrian Presidency (@Presidency_Sy) August 8, 2018

Асма Сирид 2000 онд нүүж ирэн Башар Аль Ассадтай гэрлэсэн юм. Сирийн долоон жил үргэлжилсэн дайнд Башар Аль Ассад тэргүүтэй засгийн газрыг  олон нийт буруутгасаар ирсэн. Түүнийг ард иргэдийнхээ эсрэг химийн дайралт хийсэн гэж буруутгадаг. Сирийн нөхцөл байдал өнөөдөр тун хүнд байгаа нь Башар Аль Ассадтай холбоотой гэж шүүмжилдэг.

Эх сурвалж: BBC