Ж.Батзандан: Хувийн цэцэрлэгт хамрагдвал хувьсах зардлыг нь шилжүүлнэ | News.MN

Ж.Батзандан: Хувийн цэцэрлэгт хамрагдвал хувьсах зардлыг нь шилжүүлнэ

Ж.Батзандан: Хувийн цэцэрлэгт хамрагдвал хувьсах зардлыг нь шилжүүлнэ

Ж.Батзандан: Хувийн цэцэрлэгт хамрагдвал хувьсах зардлыг нь шилжүүлнэ

УИХ-ын гишүүн Ж.Батзандан өнөөдөр /2018.08.10/ Баянзүрх дүүргийн 11, 12, 13, 16-р хорооны нутаг дэвсгэрт үйл ажиллагаа явуулж буй сургууль, цэцэрлэгийн удирдлага, эцэг эхийн төлөөллийг Төрийн ордонд хүлээн авч уулзлаа.

Баянзүрх дүүрэгт нэн түрүүнд тулгамдсан нь  126-р сургуулийн асуудал аж. Тус сургуулийн барилга угсралтын ажил өнөөдрийг хүртэл удаашралтай байгаа гэдгийг энэ үеэр уламжлалаа.   Мөн тус дүүргийн 53-р сургуулийн тухайд энэ жил Японы буцалтгүй тусламжийн хөрөнгө оруулалтаар өргөтөл барих болжээ. Өнөөдрийн байдлаар хөрөнгө оруулагч тал гэрээгээ байгуулж барилгын ажил эхлэхэд бэлэн болсон гэнэ. Монголын талаас газрын талбайг бэлдэж өгөх мөн  тус газар дахь шугам сүлжээг шилжүүлэх зэрэг ажлууд эхлээд тендер шалгаруулалтын ажлууд нь хийгдээд дууссан гэдгийг хэлж байна.

Мөн 126-р сургуулийн барилга долоон жил царцсан байдалтай байгаа учир барилгын ажлыг явуулахад гишүүний зүгээс туслалцаа үзүүлэхийг хүслээ. 88-р сургууль спортын заалгүй гэдгийг уламжлалаа. Түүнчлэн 40-дүгээр яслийн асуудал Эрүүл мэндийн яам, БСШУСЯ хоёрын дунд хаягдчихсан байдалтай олон жил явлаа гэдгийг тойргийнхоо гишүүнд учирлав. Тус яслийн дээвэр, шаланд нь  нуралт үүсчихсэн тул тус барилгыг буулга гэдэг дүгнэлтийг  МХЕГ 2010 оноос хойш гурван удаа дүгнэлт  гаргасан байдаг өнөө хэр үйл ажиллагаа явуулж байгаа нь цаашид эрсдэл дагуулахыг үгүйсгэхгүй гэв.  

УИХ-ын гишүүн Ж.Батзандан  энэ үеэр хэлэхдээ ‘Наадмын дараа намар гэдэг. Жил бүрийн наймдугаар сарын 10-ны үеэр миний бие тойргийнхоо буй сургууль, цэцэрлэгийн удирдлага, эцэг эхийн төлөөллийг хүлээн авч уулздаг уламжлалтай. Одоо бид бэлтгэл ажлаа хангах ёстой. Хүүхдүүд удахгүй цэцэрлэг, сургуульдаа орно. Баянзүрх дүүргийн хэмжээнд цэцэрлэг, сургуулийн хүрэлцээгүйгээс гадна тулгамдсан олон асуудал байгаа. Дутуу баригдсан  цэцэрлэг, сургуулиудыг ирэх сараас өмнө гүйцээн барих шаардлагатай байна. Мөн зарим эмнэлгийн барилгын ажлыг яаралтай барьж дуусгах шаардлагатай байгаа. Хэдийгээр би хууль тогтоогч УИХ-ын гишүүн ч гэсэн хуулийн хэрэгжилтэд хяналт тавих үндсэн чиг үүрэг бий. Цэцэрлэг, сургууль, эмнэлэгтэй холбоотой хууль эрхзүйн актуудын хэрэгжилт ямар байна вэ, бодит нөхцөлд  ажиллаж байгаа багш, эмч нарынхаа зовлон, жаргалыг сонсох шаардлагатай байна. Энэ хүрээнд өнөөдрийн уулзалтыг зохион байгуулж байна. 

Баянзүрх дүүрэгт улсын цэцэрлэг ховор. Монгол Улсын хэмжээнд цэцэрлэгийн хамрагдалт 70 хувь руу дөхөж байна. Үлдэж буй 30 хувийг хувийн цэцэрлэг, хувийн хэвшилтэй хамтрах байдлаар буюу улсын төсвөөс хувьсах зардал болох 100 мянга гаруй төгрөгийг шилжүүлэх замаар шийднэ. Зарим цэцэрлэгт нэмж гэр цэцэрлэг барьж байгаа гэх мэт асуудлыг шийдэж байна. Миний хариуцаж буй хороодоос 11-р хорооны хүүхдүүдийн цэцэрлэгт хамрагдалт 96 хувьтай байна. 12-р хороонд энэ жил шинэ сургууль, эмнэлэг ашиглалтад оруулах гэж байна. Баянзүрх дүүргийн 16-р хороонд шинээр 21-р цэцэрлэгийг 2015 онд бид ашиглалтад оруулсан. Зарим цэцэрлэгийг өргөтгөх шаардлага бий. Олон улсын байгууллагуудтай хамтран санхүүгийн асуудлыг нь шийдсэн’ гэлээ. 

Түүнчлэн улсын цэцэрлэгт хамрагдаж чадаагүй хүүхдүүдийг хувийн цэцэрлэгт  улсаас хувьсах зардлыг нь шилжүүлэх замаар зохицуулахаар болж байгаа аж.

"Болор дуран"-аар шалгав.

3 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2018-08-10 66.181.187.123

Javhlan gishuun yu l hiij yavdgiin boldoo, Bayanzurh duuregt yu heregtei yu tulgamdaj bgaag medej sudlaad, toirgiinhoo songogchdiin toloo ajillaasai daa.\n

Avatar

иргэн 2018-08-10

Наадам хавтгайрахаас гадна архидалт хавтгайрч төрийн яаман дотор дарга нар архидаж нэгнийгээ хутгалаж амь насыг хохироосон гэж үнэн үү?үнэн бол хэлэх үг алга,өнөөх элдэвлэж байж төрийн эрхийг авч түмэн олны толгой дээр сандайлсан намынхан юугаа хэлэж хуйхаа маажинаа,энэ насыг наслахдаа арайч ийм улс орны нэрийг гутаасан хэрэг гарахыг сонсоогүй юмсан,энэ нам энэ засаг төр үнэхээр ялзарч бүр гүйцсэн байна,учраа хэлээд тарах,чаддаг хүмүүст нь эрх мэдэл ажил албаа шилжүүлэх эх орноо гэсэн сэтгэл байдаг бол уу?

Avatar

зочин 2018-08-10

Намайг бага залуу байхад наадамын маргааш намар гээд өвөлжилтийн бэлтгэл ажилдаа дээр дооргүй хот хөдөөгүй шамдан ордог байсан,гэтэл одоо чинь наадамын маргааш наадам даншиг бүсийн наадам морины уралдаан залгадаг болж,одоо найман сар дундаа орж байхад наадам яагаачгүй ид дундаа,бүр аймаг болгоноос хүн амьтан татаж наадам улам хавтгайрч байна,тэгээд өвлийн түрүүчээр л тэнд байдал хүндэрлээ гээд л хавтгайдаа гуйлга эхэлдэг энэ зохисгүй байдалдаа дүгнэлт хийх ухаан мэдрэлтэй дарга сайд баймаар л юм,8сарын нэгнээс наадамаа зогсоогоорой гэж ерөнхий сайдыг хэлэв үү?гэсэн шиг наадамдаж байгаа нь ямар ч учиртай юм бэ?ойлгохоо болилоо,энэ бол өнөөх сахилга хариуцлага гэдэг нь л лав биш байх,цагын хүйтэн цасны түрүүчээр л гуйлга бүү гуйгаасай билээ,бодвол энэ олон наадамын эзэд хариуцах юм байгаа биздээ.

NewsMN Гар утасны хувилбар Татах
NEWS.mn

Мэдээллийн эх сурвалж