Баяр наадмын дараа улсын цол хүртсэн начин, заан, харцага, арслан аваргуудын цолны мялаалга  үргэлжилдэг. Энэ жилийн мялаалгын салхийг Сүхбаатар аймгийн Онгон сумын харьяат Ш.Мөнгөнбаатар хагалж байна. Тэрбээр улсын баяр наадамд амжилттай барилдаж, харцага цол хүртсэн юм.  Түүний цолны мялаалга наадам наймдугаар сарын 12-ны өдөр Сүхбаатар аймгийн Онгон сумын төвд болох гэж байна. Тус цолны мялаалгын үеэр насны морьдын уралдаан, бөхийн барилдаан, шагайн харвааны тэмцээн зохион байгуулахаар төлөвлөсөн бөгөөд яг наадам шиг болох аж. Наадмын ерөнхий зохион байгуулагч Онгон сумын Засаг даргын тамгын газар ажиллах гэнэ.

Б.БАТ