Г.Занданшатар дэлхийн шилдэг их мастеруудын тоглолтод амжилт хүслээ | News.MN

Г.Занданшатар дэлхийн шилдэг их мастеруудын тоглолтод амжилт хүслээ

Г.Занданшатар дэлхийн шилдэг их мастеруудын тоглолтод амжилт хүслээ

Г.Занданшатар дэлхийн шилдэг их мастеруудын тоглолтод амжилт хүслээ

2015-2017 онд АНУ-ын Сан Франциско хотод амжилттай болсон “Чингис” шатрын клубийн нэрэмжит “Chinggis Invitational” дөрөвдэх удаагийн тэмцээн Монгол Улсад эхэллээ. Энэхүү тэмцээн нь манай улсад анх удаа зохион байгуулагдаж буй А зэрэглэлийн тэмцээн юм. Тэмцээнд 2500-гаас дээш чансаатай шатарчдыг урьж оролцуулдаг байна.

А зэрэглэлийн дэлхийн шилдэг их мастеруудын тэмцээний нээлт энэ сарын 8-нд болж, Монгол Улсын сайд, Засгийн газрын Хэрэг эрхлэх газрын дарга, Монголын Шатрын холбооны хүндэт ерөнхийлөгч Г.Занданшатар оролцож үг хэллээ. Шатрын спортыг Монгол Улсад хөгжүүлэхэд энэхүү тэмцээн өндөр ач холбогдолтойг тэрбээр тэмдэглээд их мастеруудад амжилт хүслээ. Мөн тэмцээнийг тодорхой хуваарийн дагуу олон нийтэд нээлттэй, үнэ төлбөргүй үзүүлж байгаа нь олон улсын шилдэг их мастеруудын тоглолтыг дэргэдээс нь үзэж, туршлага судлах сайхан боломж болж буйг тэмдэглэлээ.

Энэхүү тэмцээд Монгол, Энэтхэг, Азербайжан, ОХУ, АНУ-ын 10 шатарчин өрсөлдөж байна.

Монгол Улсыг төлөөлж гавьяат тамирчин, улсын дөрвөн удаагийн аварга, их мастер Цэгмидийн Батчулуун, 2018 оны улсын аварга Сумъяагийн Билгүүн, Сурагчдын дэлхийн аварга шалгаруулах тэмцээний алт, мөнгөн медальт Цэдэвээгийн Лхагвасүрэн гэсэн шилдэг гурван шатарчин оролцож байна.

Дэлхийн А зэрэглэлийн энэхүү тэмцээний хамгийн өндөр чансаатай тамирчин нь АНУ-ын хамгийн залуу их мастер Рэй Робсон байна. “Chinggis Invitational” тэмцээний аваргууд энэ сарын 16-нд тодорно гэж Засгийн газрын Хэвлэл мэдээлэл, олон нийттэй харилцах хэлтсээс мэдээллээ.

"Болор дуран"-аар шалгав.
Энэ мэдээнд өгөх таны сэтгэгдэл?
0
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

4 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2018-08-09 66.181.184.40

Манайханд муулах гүтгэх донтонгүүд бий болоод байгаа юм Дан хадны цаанаас л хашгарана

Avatar

Сжтгэгдэл бичсэн 2т 2018-08-09 112.72.11.104

Хүмүүс минь дээ. Яах гэж ингэж үгүйсгэхийн дон тусаж байдаг юм бэ? Энэ тэмцээнийг Баяраа гэж залуу зардал,зохион байгуулалтыг нь өөрөө хариуцаж байгаа юм. Үүнийг мэдэхгүй байж худлаа гоё үг хэлж үгүйсгэх хэрэггүй. Ийм хандлага газар аваад байна шүү. Сайн эд огт биш.Баяраад талархал илэрхийлж, тамирчиддаа амжилт хүсьe

Avatar

Зочин 2018-08-09 64.119.16.230

Зүгээр байж болдоггүй... мөнгө л үрэхгүй бол санаа амардаггүй...

Avatar

Зочин 2018-08-09

Шал дэмий юманд улсын мөнгө зарлагадах юм. Их мастерыг ингэж биш хүчээр авах ёстой

NewsMN Гар утасны хувилбар Татах
NEWS.mn

Мэдээллийн эх сурвалж