Хонио хариулахаар гараад сураггүй болсон 13 настай охиныг Онцгой байдлын албаныхан эрэн хайж байна. Тодруулбал, Хөвсгөл аймгийн Рэнчинлхүмбэ сумын Далайн зах багийн Товог-Уул гэдэг газар энэ сарын 7-нд 13 настай охин малаа хариулж яваад сураггүй болжээ. Тухайн өдрийн өглөө охин малаа туугаад гарсан ч орой гэртээ ирээгүй гэнэ. Тиймээс гэрийнхэн нь өөрсдийн хүрээлэлд хайсан ч олоогүй аж. Ингээд маргааш нь /2018.8.8/ 11.00 цагийн үед аймгийнхаа онцгой байдлын албанаас тусламж хүссэн байна. Одоогоор Онцгой байдлын алба хаагчид болон нутгийн иргэд нийлсэн 60 орчим хүн охиныг хайсаар байна.  

Р.Ренчиндулам