Канадад талбайн теннисний шилдэг тамирчид цуглараад байгаа. Торонто хотноо эрэгтэйчүүд, Монерал хотноо эмэгтэйчүүд Канадын нээлттэй тэмцээн болох Рожерс кап тэмцээнд өрсөлдөж байна. Торонто хотноо явагдаж буй Рожерс кап тэмцээний 2-р шатанд Аргентины шилдэг теннисчин Хуан Мартин дель Потро зүүн гарын бугуйны бэртлийн улмаас тэмцээнийг цааш үргэлжлүүлэх боломжгүй болсон байна. Тэрээр тэмцээнийг 2-р шатнаас эхлүүлэх байсан ч зүүн бугуйндаа бэртэл авч тэмцээнийг орхисон бол түүний оронд Оросын ахмад тамирчин М.Южний Канадад тоглох эрхтэй болсон. Гэвч Орос залуу эхний тоглолтондоо Нидерландын Р.Хааст 5-7, 2-6 харьцаатай хожигдож тэмцээнээ өндөрлүүлжээ.

Одоогоор тэмцээний 2-р шатны тоглолтууд өндөрлөөд байна. 3-р шатанд Испаний Р.Надал Швейцарын С.Вавринкатай тоглох болсон нь талбайн теннисний сонирхогчдын анхаарлыг татаж байна. Мөн Н.Жокович Грекийн С.Циципастай, Өмнөд Африкийн “өндөр” залуу К.Андерсон Беларус теннисчин И.Ивашкатай, Болгарын Г.Димитров АНУ-ын Ф.Тиафоетой тоглоно.

Б.БЯМБАБАЯР