Талбайн теннисний Рожерс кап тэмцээн эрэгтэйчүүдийнх Торонто хотноо, эмэгтэйчүүдийнх Монерал хотноо үргэлжилж байна. Тэмцээний эрэгтэй ганцаарчилсан төрөлд эхний шатнаас л сонирхолтой тоглолтууд болж байна. Тэмцээний эхний шатанд С.Вавринка Австрали залуу Н.Киргьостой, К.Нишикори Нидерландын Р.Хаастэй таараад байв.

Их Дуулга тэмцээний 3 түрүүтэй Швейцарын С.Вавринкагийн хувьд бэртэл гэмтлээс болж чансаа буурсан. Иймд тэмцээний эхний тойрогт ирээдүйтэй Австрали залуу Н.Киргьостой таарсан бөгөөд 3 сет тоглож 1-6, 7-5, 7-5 харьцаатай хожиж дараагийн шатанд шалгарсан. Тэгвэл Азийн шилдэг теннисчин Японы К.Нишикори Нидерландын Р.Хаастай тоглож 5-7, 1-6 харьцаатай хожигдож тэмцээнээ өндөрлүүллээ.

Б.БЯМБАБАЯР