Шанхайн олон улсын балетын тэмцээнд О.Анужин нар оролцож байна | News.MN

Шанхайн олон улсын балетын тэмцээнд О.Анужин нар оролцож байна

Хуучирсан мэдээ: 2018.08.08-нд нийтлэгдсэн

Шанхайн олон улсын балетын тэмцээнд О.Анужин нар оролцож байна

Шанхайн олон улсын балетын тэмцээнд О.Анужин нар оролцож байна

Шанхайн Олон Улсын Балетийн “Dance To The Rhytm Of Shanghai” тэмцээн зургаа дахь жилдээ зохион байгуулагдаж байна. Энэхүү тэмцээн нь Олон Улсын дээд зэрэглэлийн тэмцээнүүдийн нэг юм.

Тэмцээнд 16 орны 125 бүжигчин бүртгүүлсэнээс 73 бүжигчин шалгаран оролцож байна. Монгол Улсаас Монголын Олон Улсын Балетийн Анхдугаар тэмцээний гранпри шагналт, залуу гавьяат О.Анужин мөн УДБЭТ-ийн бүжигчин Ц.Хишигжаргал нар эх орноо төлөөлөн оролцож байгаа юм.

О.Анужин өмнө нь Д.Дашлхагва багшаар удирдуулан БНСУ-д зохиогдсон олон улсын балетийн тэмцээнд алтан медаль хүртэж байсан юм. Тэрбээр улсын баяр наадмаар гавьяат цол хүртсэн билээ. Д.Дашлхагва багшийн анхны төгсөлтийн шавь нь гавьяат жүжигчин Д.Алтанхуяг аж.

Тэмцээнд алдартай хоёр балетчин хүндэт зочноор уригдан оролцож байгаагийн нэг нь манай улсын гавьяат жүжигчин Д.Алтанхуяг бол нөгөө нь Гүрж улсын алдарт балетчин, Гүрж улсын балет театрын захирал Нина Ананиашвили юм.

Энэ удаагийн Шанхайн олон улсын балетын тэмцээнд гавьяат жүжигчин О.Анужин болон УДБЭТ-ын бүжигчин Ц.Хишигжаргал нарыг мөн Д.Дашлхагва бэлтгэн оролцуулж байгаа ажээ.

“Dance To The Rhytm Of Shanghai” тэмцээний шагналын сан 50000 ам.доллар гэдгээрээ онцлог бөгөөд есөн шүүгч тэмцээнийг шүүн явуулах юм. Тодруулбал, ерөнхий шүүгчээр Данийн Рояал балет театрын уран сайхны удирдаач Франк.А.Андерсен ажиллах бол бүрэлдэхүүнд нь БНХАУ-ын Үндэсний балетын уран сайхны удирдаач Фенг Инг, БНХАУ-ын Лиаонинг Балетын уран сайхны удирдаач Чу Зи Жиао, ОХУ-ын Большой театрын гоцлол бүжигчин Андрис Лиепа, Английн Хатан хааны Рояал Балет театрын балет мастер Гари Авис, АНУ-ын Сан Франциско Балет театрын гоцлооч Тан Юанюан, ОХУ-ын Мариинский Театрын прима балерина Улиана Лопаткина, Өмнөд Африкийн олон улсын балетийн тэмцээн зохион байгуулах хорооны захирал , Мзанси Балет компанийн захирал Дирк Баденхорст, БНСУ-ын олон улсын тэмцээн зохион байгуулах хорооны ерөнхийлөгч Парк Жэй Күн нар багтаж буй.

"Болор дуран"-аар шалгав.

5 сэтгэгдэл

News.mn сайтад сэтгэгдэл оруулахад анхаарах зүйлс

Avatar

зочин 2018-08-08 103.229.121.86

Хоёр залуудаа амжилт хүсэе алтан медаль аваад ирээрэй сүүгээ өргөөд сууж байя.

Avatar

ЗОЧИН 2018-08-08

ӨНДӨР КЛАССЫ ШҮҮГЧИДТЭЙ ХАРИУЦЛАГАТАЙ ТЭМЦЭЭН БАЙНА , ҮЗЭЖ ТАРЖ , ҮСЭРЧ НААДНА ШҮҮ , АНУЖИН – ХИШИГЖАРГАЛ НАРТАА АМЖИЛТ ХҮСЭН АМЬСГАА ДАРАН ЧИМЭЭ ЧАГНАЖ БАЙНА .

Avatar

зочин 2018-08-08 103.57.94.27

Амжилт хүсье.

Avatar

Анужин нүүр томджээ 2018-08-08 202.9.40.217

нүүр гонзгой бол супер

Avatar

zochin 2018-08-08 66.181.181.201

Ta buhend amjilt husie

NewsMN Гар утасны хувилбар Татах
NEWS.mn

Мэдээллийн эх сурвалж