Засгийн газрын хуралдаан өнөөдөр /2018.08.08/ боллоо. Хуралдаанаар 2018-2024 онд олон улсад худалдааны төлөөлөгчийн газар нээх төлөвлөгөөг баталсан байна. Энэхүү төлөөлөгчийн газрууд монгол бүтээгдэхүүнийг зах зээлд борлуулах үүрэгтэй байх юм. Тэгэхээр тус газар ажиллаж байгаа ажилчдын үр дүн жилийн эцсийн борлуулалтын дүнгээр дүгнэгдэх аж. Эхний ээлжит хоёр хөрш, Япон, Солонгос, Европын зах зээлийг сонирхож байгаагаа Гадаад харилцааны сайд Д.Цогтбаатар онцолсон юм. Ирэх онд багтаад гурван оронд худалдааны төлөөлөгчийн газар нээх юм байна.