Нөхөн сонгуульд оролцох хүсэлтээ ирүүлэв | News.MN

Нөхөн сонгуульд оролцох хүсэлтээ ирүүлэв

Хуучирсан мэдээ: 2018.08.08-нд нийтлэгдсэн

Нөхөн сонгуульд оролцох хүсэлтээ ирүүлэв

Нөхөн сонгуульд оролцох хүсэлтээ ирүүлэв

Монгол Улсын Их Хурлын сонгуулийн 42 дугаар тойргийн нөхөн сонгууль ирэх 10 дугаар сарын 07-ны өдөр явагдах бөгөөд улс төрийн намууд нөхөн сонгуульд оролцох тухай хүсэлтээ Сонгуулийн Ерөнхий Хороонд ирүүлэв.

Хүсэлт хүлээн авах хугацаа 2018 оны 8 дугаар сарын 07-ны өдрөөр дуусгавар болох юм. Өнөөдөр Монгол Ардын Нам, Монголын Ногоон Нам, Эрх Чөлөөг Хэрэгжүүлэгч Нам, Монгол Үндэсний Ардчилсан Нам, Зон Олны Нам, Монгол Консерватив Нам, Иргэний Зориг-Ногоон Нам, Ард Түмнээ Хайрлая Нам, Бүгд Найрамдах Нам баримт бичгээ ирүүлснээр нийт 14 нам Сонгуулийн тухай хуулийн 121 дүгээр зүйлд заасны дагуу сонгуульд оролцох тухай шийдвэрээ бусад баримт бичгийн хамт Сонгуулийн ерөнхий хороонд ирүүлсэн байна.

Сонгуулийн ерөнхий хороо 2018 оны 8 дугаар сарын 12-ны дотор энэ удаагийн нөхөн сонгуульд оролцох нам, эвслийг бүртгэх эсэх тухай асуудлыг хуралдаанаараа хэлэлцэн шийдвэр гаргаж, бүртгэгдсэн намуудад батламж олгоно.   

Эх сурвалж: СЕХ

0 сэтгэгдэл

News.mn сайтад сэтгэгдэл оруулахад анхаарах зүйлс

NewsMN Гар утасны хувилбар Татах
NEWS.mn

Мэдээллийн эх сурвалж