Ц.Оюунжаргал: Коүчтэй ажиллах нь амжилтын хаалгыг нээдэг | News.MN

Ц.Оюунжаргал: Коүчтэй ажиллах нь амжилтын хаалгыг нээдэг

Ц.Оюунжаргал: Коүчтэй ажиллах нь амжилтын хаалгыг нээдэг

Ц.Оюунжаргал: Коүчтэй ажиллах нь амжилтын хаалгыг нээдэг

GSMI институтийн захирал Ц.Оюунжаргалтай бизнесийн коүчинг болон компанийн удирдлагын дасгалжуулалт, стратегийн талаар ярилцлаа. Тэрбээр Хас банк, НҮБХХ, АХБ зэрэг олон улсын байгууллагад  ажиллаж байсан. Банк болон бизнесийн зөвлөх үйлчилгээний чиглэлээр олон жилийн туршлага хуримтлуулснаас гадна олон улсын нэр хүндтэй бизнесийн дасгалжуулагчдын сургалтад байнга хамрагддаг байна.

Тэрбээр сүүлийн 4-5  жилд бизнесийн  салбарынханд зөвлөгөө-сургалтын үйлчилгээ үзүүлдэг GSMI институтыг үүсгэн байгуулж ажиллаж буй. Энэ хугацаанд бизнесийн олон захирал, дунд шатны менежерүүдэд оюуны хөрөнгө оруулалт хийгээд байгаа юм. Монголын бизнесийн салбарын олон тулгамдсан асуудалтай өдөр бүр нүүр тулдаг түүний энэ удаагийн ярилцлагаас захирал, удирдах албан тушаалтнуудын сургалт, хөгжил хийгээд тэдний гаргадаг нийтлэг алдаа сургамжийн тухай  унших болно.

-Удирдлагын дасгалжуулалт гэж юуг хэлж байна. Ямар үед компаниуд коүчинг буюу дасгалжуулалтын хөтөлбөрт хамрагдах ёстой вэ?

Тамирчин бүр дасгалжуулагчтай байдаг шиг удирдах ажил хийж байгаа хүн бүрд коүч хэрэгтэй. Ялангуяа компанийн гүйцэтгэх захирлууд, байгууллагын дунд болон дээд шатны менежерүүд коүчингэд хамрагдан менежментийн болон манлайллын ур чадвараа дээшлүүлбэл байгууллагын бүтээмж сайжирч, гүйцэтгэл үр дүнд мэдэгдэхүйц ахиц гарна.

-Та энэ чиглэлээр цөөнгүй захирал, менежерүүдэд тасралтгүй  сургалт, дасгалжуулалт хийж байна. Коүчингийн хөтөлбөрт хэр туршлагатай захирлууд  хамрагддаг  вэ?

Манай үйлчлүүлэгчид дотор компанийн гүйцэтгэх захирлаар  томилогдоод удаагүй нь ч байна, мөн 10-аас дээш жилийн туршлагатай захирлууд ч байдаг.

-Харилцан адилгүй туршлагатай тэдний хамгийн гол хэрэгцээ шаардлага нь юу байдаг бол?

Шинэ захирлуудын хувьд компанийнхаа бизнес төлөвлөгөөг боловсруулахаас эхлээд менежмент, манлайллын ур чадварт богино хугацаанд суралцах, удирдагчийн хувьд ажиллагсдадаа хүлээн зөвшөөрөгдөх зэрэг асуудлууд тулгардаг байх жишээтэй. Харин  туршлагатай захирлуудын хувьд компанийнхаа өсөлтийг удирдан, хөгжлийн дараагийн үе шатанд гаргахын тулд менежментийн багийн гишүүдийнхээ мэдлэг чадварыг дээшлүүлэх шаардлага илүүтэй байдаг.

Байгууллагын удирдах ажилтнууд, компанийн гүйцэтгэх захирлуудыг илүү сайн удирдагч байж, компаниа амжилттай удирдахад нь чиглүүлж өгдөг манлайллын коүчинг хөтөлбөр маань хоёр  дахь ээлжийнхээ захирлуудыг амжилттай төгсгөлөө. Энэ удаа үндэсний үйлдвэрлэгч, импортын худалдааны , орон сууцны ашиглалтын , байгаль орчны үнэлгээний, уул уурхайн зөвлөх үйлчилгээний болон уул уурхайн олборлолтын  гээд 18 компанийн удирдлага хамрагдлаа.

-Удирдлага нь коүчингэд хамрагдсан компаниудын хувьд ямар өөрчлөлтүүд гардаг вэ?

Хөтөлбөрт хамрагдсан компаниудад стратегийн хөгжлийн чиглэлээ тодорхойлоход нь мэргэжлийн туслалцаа үзүүлж байна. Өөрөөр хэлбэл, компанийн захирал коүчийн тусламжтайгаар дунд хугацаанд компаниа хэрхэн хөгжүүлж, хаана хүргэх вэ гэдгээ тодорхой болгоно.  Өмнө нь стратегийн зорилго чиглэлээ тодорхойлоогүй урсгалаараа явж байсан компаниудын хувьд энэ нь маш том дэвшил болдог. Үүний дараа компанийн бүтцээ сайжруулах, шинэчлэх, бизнес төлөвлөгөө, бизнес моделио боловсруулахад нь мэргэжлийн туслалцаа үзүүлнэ.

Коүчингэд хамрагдаж буй компаниуд дунд бизнес төлөвлөгөөг анх удаа боловсруулж байгаа байгууллага ч байна. Компаниудад тулгардаг нийтлэг асуудлуудын нэг нь байгууллагын соёлын асуудал байдаг. Байгууллагын соёлыг сайжруулах, ажиллагсдын ажилдаа хандах хандлагыг өөрчлөх, багийн ажиллагааг дэмжих сургалт, чиглүүлэлт  авснаар компаниудад  эерэг өөрчлөлтүүд гарч, компанийн үр дүн гүйцэтгэлд сайнаар нөлөөлж байгааг дурдах нь зүйтэй. 

-Манай компанийн захирлуудын удирдах ур чадварыг дээшлүүлэхэд хамгийн гол нь юунд анхаарах нь чухал гэж та үздэг вэ?

Нэгдсэн нэг жор гэж байхгүй л дээ. Захирал бүр өөрийн гэсэн хүчтэй болон сайжруулах талуудтай. Зөвхөн удирдах ажилтан ч гэлтгүй ямар ч хүн ур чадвараа сайжруулах эхний алхам нь өөрийгөө танихаас эхэлнэ. Орчин үеийн удирдагч хүнд оюуны чадавхиас гадна эмоцийн чадавхтай байх хэрэгцээ шаардлага тулгараад байна. Сайн удирдагч байхыг захирал бүр хүсдэг. Өөрийгөө таньж мэдсэн, өөрийнхөө эмоцийг удирдаж чаддаг удирдагч бусдын эмоцийг сайн ойлгож тэдний сэтгэл зүрхийг илүү сайн татаж чаддаг. Захирал хүнд байвал зохих бас нэг үндсэн ур чадварын нэг нь бусадтай үр дүнтэй харилцах, тэдэнд нөлөөлөх чадвар юм. Захирлууд компани дээрээ өөрчлөлт хийхийг хүсч байгаа боловч ихэнхдээ тэдний хүсч буй түвшинд өөрчлөлт гарахгүй байгаа талаар ярьдаг. Удирдагч хүнд байх ёстой хамгийн гол чадварыг бусдад үр дүнтэй нөлөөлөх чадвар гэж үздэг.

-Захирлуудын гаргадаг нийтлэг алдаа  нь юу  байна  вэ?

Зөвлөх үйлчилгээний салбарт 16 жилийн турш ажиллахдаа олон ч компанид зөвлөгөө өгч, түүнээс хэд дахин олон захирал, менежерийг сургалаа. Төгс төгөлдөр хүн гэж байхгүй. Захирлууд ч бас хүн болохоор алдаа гаргана. Манай захирлуудын нийтлэг гаргадаг хэд хэдэн алдаа бий. Нэгдүгээрт, байгууллагынхаа алсын хараа, эрхэм зорилго, үнэт зүйлсийг бэлгэ тэмдгийн төдий байх ёстой зүйл гэж үзээд түүндээ ач холбогдол өгдөггүй, өөрсдөө ч ажил амьдралдаа тэрхүү үнэт зүйлсээ тэр бүр баримталдаггүй. Байгууллагын удирдлага нь ийм хандлагатай байхаар ажилчид нь алсын хараа руугаа тэмүүлж, үнэт зүйлсээ баримтлан ажиллах талаар ярих ч хэрэггүй болно. Хоёрдугаарт, байгууллагын соёлоо эрүүл, зөв авч явах, хөгжүүлэх тал дээр тусгайлан анхаардаггүй. Амжилтад хүрсэн компаниудын туршлагаас харахад захирал нь компанийнхаа санхүүгийн үзүүлэлтүүдэд, гүйцэтгэл үр дүнд анхаарахаас гадна байгууллагын соёлоо зөв эрүүл байлгах талаар байнга тархиа ажиллуулж байдгийг манай захирлууд анхаарууштай. Гуравдугаарт, урт хугацаанд үр өгөөж нь гарах ажлыг эхлүүлээд богино хугацаанд үр дүнг нь шаарддаг. Богино хугацаанд үр дүн нь гарахгүй гэдгийг мэдмэгцээ тэрхүү санаачлагыг бүрмөсөн зогсоодог. Тухайлбал, ажиллагсдын сургалт хөгжил, оролцогч талуудтай хамтын ажиллагааг хөгжүүлэх, байгууллагын хэмжээний томоохон системийн хөгжүүлэлт, нэвтрүүлэлт зэрэг санаачлагуудыг дурдаж болно. Дөрөвдүгээрт,  Шинэ ажилтныг сонгож авах тал дээр асуудалтай. Сул орон тоонд яаралтай хүн авах шаардлагатай гэж үзээд сонгон шалгаруулалтыг журмын дагуу хийхгүйгээр өргөдөл гаргасан эхний хүнийг ажилд авах тохиолдол хаа сайгүй. Нөгөөтэйгүүр шаардлага хангахгүй, чадваргүй ажилтнаа мэдсэн хэрнээ холбогдох арга хэмжээ авахгүй байх нь гүйцэтгэл сайтай бүтээмж өндөртэй ажилтанд сөргөөр нөлөөлдөг. Тавдугаарт, эрх мэдлийг хэт өөр дээрээ төвлөрүүлж компанийн бүхий л шийдвэрийг захирал л гаргах ёстой гэж үздэг. Шинэ санал санаачлага, инновацийг дэмжих нь зүйтэй гэдгийг ойлгож байгаа гэх боловч өдөр тутмын үйл ажиллагаа, урамшууллын системдээ үүнийгээ тусгадаггүйгээс ажиллагсад нь шинэ санал санаачлага гаргахдаа хойрго хандаж захирал юу гэж хэлнэ түүнийг дагадаг хүмүүс болж хувирдаг.

-Удирдлагын дасгалжуулалтын үр дүн, үр өгөөжийг хэрхэн үнэлдэг вэ?

Коүчингийн үр дүн, үр өгөөжийн талаар олон хүн асуудаг. Энэ тун ойлгомжтой. Үйлчлүүлэгч компанийн үр дүн, гүйцэтгэл, орлого ашгийн түвшинд гарч буй эерэг өөрчлөлтүүд, бизнесийн өсөлт, коүчингэд хамрагдсан хүн тус бүр дээр гарч буй ур чадварын өсөлт хөгжлөөр хэмжигддэг. Leadership Coachingбуюу Удирдлагын дасгалжуулалтыг удирдагчдыг хөгжүүлэхэд одоо хэрэглэгдэж буй аргачлалуудаас хамгийн үр дүнтэй хэрэгсэл болохыг дэлхий нийт хүлээн зөвшөөрөөд 30 гаруй жил болж байна.

-Танай коүчингийн сургалт хэрхэн явагддаг вэ?

Гэрээ байгуулсан захирал тус бүртэй ганцаарчилсан байдлаар, зарим нэг байгууллагын ижил түвшний захирал, менежерүүд эсвэл гэр бүлийн бизнес эрхэлдэг захирлууд хамт сууж хичээлээ үзэж болно. Долоо  хоног бүр тодорхой цагт уулзана. Уулзалт хоёр  цаг үргэлжилнэ. Хөтөлбөрийн дагуу шинэ сэдвээр ярилцана. Түүнчлэн захиралд тулгамдаж байгаа асуудлын хүрээнд ч ярилцана.  Менежмент, стратегийн зөвлөхийн хувьд заах зөвлөх, сургах, чиглүүлэх ажил ч бас хийгдэнэ. Өөрөөр хэлбэл, дасгалжуулалт хийхдээ менторингийн арга техникүүдийг давхар ашигладаг. (Менторинг гэдэг нь салбарын мэдлэг, туршлага ихээхэн хуримтлуулсан эксперт-зөвлөх туршлага багатай залуу ажилтныг сургаж, чиглүүлэх процесс) Коүчинг уулзалтын төгсгөлд ярилцсан сэдэвтэй уялдуулан тодорхой даалгаврууд өгөгдөх ба үйлчлүүлэгчийн зүгээс дараагийн коүчинг хүртэл даалгавраа гүйцэтгэх үүрэг хүлээдэг.

-Та коүчийн хувьд өөрийгөө хэр үр дүнтэй ажиллаж байна гэж үздэг вэ?

Коүчингэд хамрагдсан компаниудын орлого, ашгийн өсөлт, коүчинг авч байгаа захирлуудын ур чадварын өсөлтөөр амжилтаа хэмждэг дээ. 2018 он гарсаар 18 удирдах ажилтантай коүчинг хөтөлбөрийн хүрээнд ажилласан бөгөөд тэдгээрээс найм нь шинэхэн томилогдсон гүйцэтгэх захирал байлаа. Шинэ захирал бүрийг өөр өөрийн компанийн бизнес төлөвлөгөөг боловсруулахад зааж зөвлөхийн хажуугаар ажиллагсдаа удирдан манлайлахад өөртөө илүү итгэлтэй байх, ажиллагсдаа мотивацжуулах, ажлаа төлөвлөх, хувь хүний хөгжилдөө анхаарах, ажил амьдралын тэнцвэрээ зөв удирдаж явах зэрэгт зөвлөн чиглүүлснээр хагас жилийн дотор тэд маань чадварлаг, ирээдүйтэй CEO болж чадсан. Тэднийхээ өсөлт хөгжил, гаргаж буй үр дүн, гүйцэтгэлийг хараад яг л миний хүүхдүүд амжилт гаргаж байгаа мэт баярлан бахархдаг. Спортын дасгалжуулагчид тамирчдынхаа амжилтаар бахархдаг шиг энэ л миний ажлын үр дүн юм даа. Зөвлөх, коүчийн хувьд миний амжилтаа хэмждэг бас нэг үзүүлэлт бол давтан үйлчлүүлэгчдийн эзлэх хувь байдаг. Манай сургалтууд болон коүчинг хөтөлбөрт хамрагдсан үйлчлүүлэгчдийн 70-80 хувь нь давтан үйлчлүүлэгчид байгаа нь захирлууд ажилтнуудаа сургах хөгжүүлэхийн үнэ цэнэ, ач холбогдлыг ойлгодог болсных, нөгөөтэйгүүр манай сургалт, коүчингийн чанар, үр өгөөжтэй шууд холбоотой гэж үзэж байна.

-Коүчтэй ажиллах нь яагаад чухал вэ? Коүчингэд хамрагдах нь сайн хөрөнгө оруулалт байж чадах уу?

2012 онд PwC-ээс хийгдсэн судалгаа байдаг. Тус судалгаагаар компаниудын коүчингэд зарцуулсан хөрөнгө оруулалтын өгөөж дунджаар долоо дахин өссөн үр дүнтэй гарсан байдаг. Олимп, дэлхийн аварга ямар ч шилдэг тамирчин сайн дасгалжуулагчтай байж амжилтад хүрдэг бол та ямар ч мундаг захирал байсан Удирдлагын коүчтэй ажилласнаар харьцангуй богино хугацаанд илүү амжилтад хүрэх үүд хаалга нээгдэх юм. Коүчинг авч байгаа захирлуудын шийдвэр гаргах чадвар эрс сайжирч аливааг өөр өнцгөөр, бүтэн зургаар хардаг болдог.  Өөрийгөө илэрхийлж сурснаар өөрийнхөө давуу болон сул талуудыг маш сайн олж харж, богино дунд хугацааны зорилгоо оновчтой тодорхойлох чадварт суралцана. Удирдах ажилтны хувьд менежментийн суурь чадварууд болох төлөвлөх, зохион байгуулах, сэдэлжүүлэх, мониторинг хийж хяналт тавихад суралцана. Үйлчлүүлэгчид маань цагийн менежмент, бүтээмж нэмэгдүүлэх арга техникт суралцсанаар олон жил хойшлуулаад хэрэгжүүлж чадахгүй байсан зарим нэг ажлаа хийж эхэлдэг. Компанийн захирлын шийдвэрээр коүчингэд хамрагдсан дунд шатны менежерүүд хамгийн түрүүнд карьерын өсөлт хийж илүү хариуцлагатай албан тушаалд томилогдох нь элбэг гэхчлэн дурдаад байвал маш олон талын ач холбогдолтой, өндөр өгөөжтэй болохыг чанарын болон тоон судалгаа аль аль нь харуулдаг.

-Ойрын хугацаанд GSMI-ээс ямар ажлууд төлөвлөж байна вэ?

GSMI Институтээс санаачлан “Компанийн захирлуудын өмнө тулгардаг асуудлууд ба боломжит шийдлүүд” семинарыг энэ сарын 17-нд зохион байгуулах гэж байна. Семинараар гурван үндсэн сэдвийг хөндөж ярилцах юм. Өрсөлдөх чадвар ба бизнесийн өсөлт, Талант менежмент, Шинэ үеийн байгууллагын соёл гэсэн сэдвийн хүрээнд компанийн захирлуудтай санал бодлоо солилцоно.

И.Отгонжаргал

"Болор дуран"-аар шалгав.

23 сэтгэгдэл

News.mn сайтад сэтгэгдэл оруулахад анхаарах зүйлс

Х.Мягмаржав 2018-08-08 66.181.164.239

Сайхан ярилцлага болжээ. Байгуулага компаний удирдлагуудад өгөөжтэй, компаниа богино хугацаанд чадваржуулахад нь зөвлөгөө өгч чиглүүлж, үр дүнтэй бодит хэрэгцээтэй ажлыг хийж байгаа ангийн анд найз, чадварлаг мундаг бид бүхний бахархал болсон Ц.Оюунжаргал болон хамт олонд нь цаашдын ажилд нь улам их амжилт хүсэе.

Bayara 2018-08-08 202.21.103.50

Сайхан ярилцлага байна шүү хэрэгтэй хүмүүст нь өгөөжөө өгөх байх \nманай удирдах ажилтанууд дасгалжуулалт авсан .энэ хурдацтай ниигэмд цаг хугацаатай өрсөж өөрийгөө болон компаниа богино хугацаанд чадваржуулахад зааж зөвлөөд чиглүүлж үр дүнгээ бодитоор үзүүлсэнд баярлалаа GSMI хамт олондоо

GSMI 2018-08-08 202.179.16.143

Маш их баярлалаа. Та бүхний урмын үг биднийг улам их эрчилдэг шүү. Таны ажилд бас амжилт хүсье.

Сараа 2018-08-08 59.153.84.70

Өгөөжтэй ажил. Коүчингийг бид багаараа авсан. Удирдагч хүнд ч итгэл хэрэгтэй байдаг. Энэ хөтөлбөрт хамрагдахад өөртөө итгэлтэй, мэдлэгээ тэлж, ойлголтоо өөрийн болгон, шийдлүүдийг ганц бус олон хувилбараар гаргахын зэрэгцээ, хэрэгжилтийг дэмждэг, сайн гүйцэтгэлийг үзүүлэхийн багийн хүчин чармайлтыг бүрэн чиглүүлэх чадвар суусаан, цаашид мэдээж олон шинэ мэдлэг мэдээллийг хүлээж байгаа шүү. Танд улам их эрч хүч хүсье.

GSMI 2018-08-08 202.179.16.143

Манай коүчингийн хөтөлбөрт хамрагдан удирдлагын шийдвэр гаргалт, манлайлал, гүйцэтгэлийн удирдлагын талаарх мэдлэг, ур чадвараа сайжруулсны зэрэгцээ өөртөө илүү итгэлтэй болж өрсөлдөөнт орчинд амжилттай ажиллаж байгаа таньд болон танай багийнханд баяр хүргэе. Амжилтаа улам ахиулаарай. Хөтөлбөрийн 2 дахь үе шатанд хамтарч ажиллахад бэлэн байгаа.

Баярмаа 2018-08-08 59.153.84.70

Маш үр дүнтэй ярилцлага болжээ. Танай сургалтанд хамрагдаж байсан. Энэ хөтөлбөрт хамрагдсан томоохон компанийн Гүйцэтгэх захирлын үр дүнг сонсож байлаа. Ажилчид нь удирдсан төслийг нь хэрэгжүүлэхэд том чиглүүлэг болсон, багштайгаа тулж ажиллан, богино хугацаанд хэрхэн чадваржсан талаараа сэтгэгдлээ хуваалцаж байсныг санаж байна. Танай хамт олны ажилд амжилт хүсье.

GSMI 2018-08-08 202.179.16.143

Маш их баярлалаа. Тархиа цэнэглэж өөртөө хийсэн хөрөнгө оруулалт бол хамгийн том хөрөнгө оруулалт байдаг. Удахгүй эхлэх шинэ сургалтын жилд явагдах сургалтуудад таньтай дахин уулзах байхаа хэмээн найдаж байна. Таны ажилд амжилт хүсье.

Зочин 2018-08-08 27.123.214.119

Сайхан өгөөжтэй ярилцлага болсон байна. Яг л бизнесийн салбарт тулгардаг асуудлыг үнэнээр нь бодитоор нь дүгнэсэн байна. Бизнес менежментийн шинэ чиг хандлагатай хөл нийлүүлэн түүнийг нутагшуулах гэж зүтгэж яваа хүчирхэг эмэгтэй шүү. Гадаад үг хэллэгийг ойлгуулахын тулд их л ойлгомжтой тайлбарласан байна. \nУлам их амжилтыг хүсэе

GSMI 2018-08-08 202.179.16.143

Маш их баярлалаа. Бидний хийдэг, хэрэгжүүлдэг ажлыг маш сайхан дүгнэж бичжээ. Таны ажилд ч бас амжил хүсье.

Bilegee 2018-08-08 59.153.84.70

Minii huvid "Leadership Coaching" hutulburt hamragdsan. Zuvhun bi asuugaad coach hariuldag baruunii songodog huvilbaraar bish iluu chigluuleg uguh, sedeljuuleh baidlaar ywuuldag n ajild ur dungee ugsun. Tand amjilt husey.

GSMI 2018-08-08 202.179.16.143

Үйлчлүүлэгчид маань хөтөлбөрт хамрагдсан туршлагаа хуваалцаж байгаад баяртай байна. Өчүүхэн хүн өөрийгээ магтахдаа бус харилцагч компанийн удирдлага нь чадавхжиж, байгууллагын гүйцэтгэл үр дүн нь сайжирч байвал энэ улсны хөгжилд оруулж байгаа бага ч болов хувь нэмэр юм болов уу гэж боддог доо. Манай үйлчилгээ таны хүлээлтэд нийцсэн байхаа хэмээн найдаж байна. Таны ажилд улам их амжилт хүсье.

Zochin 2018-08-08 59.153.84.70

Сайхан ярилцлага болжээ, энэ чиглэлээр Монголдоо анхдагч гэж боддог шүү. Манайд яг удирдлагын түвшний нэгдсэн сургалт, асуудлыг бодитоор харж, шийдлийг мэргэжлийн түвшинд зөвлөж, чиглүүлдэг, ялангуяа тухайн байгуулллагын кейс дээр зөвлөн тусалдаг байгууллага үнэхээр ховор.\nУдахгүй болох семинарт ч оролцоно, цаашид улам ихийг хийж хэрэгжүүлээрэй. Танд амжилт хүсье

Aminaa 2018-08-08 27.123.214.107

Uneheer saihan yriltslaga bolson baina. Ergeed surgaltandaa yvmaar sanagdaj baina. Enehuu Leadership Coaching surgaltand hamragdsanaar business tuluvluguu gargah, compania tom zuraglalaar harah, ajilchidtaigaa iluu oilgoltsoh, ajilaa zuv tuluvluh, sanhuugee hyanah, tsagiin management zuv hiih zereg olon zuil surch dadahaas gadna, huvi hun uuruu olon ur chadvaruudas suraltsaj, hugjij, uurtuu itgeltei boldog. Uurinhuu buh zurh setgeleer zaaj , zuvluj, tusalj, demjij , bas urgelj oilgoj sonsoj baidag Oyunjargal bagshdaa ajiliin undur amjilt husie! You are the BEST, Because you brought out the best in us!

Туяа 2018-08-08 202.179.16.143

Холбоо барих утас: 88023658. \nИ-мэйл хаяг: info@gsmi.mn\nВебсайт: www.gsmi.mn

GSMI 2018-08-08 202.179.16.143

Манай хөтөлбөрт хамрагдсан залуу захирлууд ялангуяа эмэгтэй захирлууд бахархмаар өөрчлөлт шинэчлэлтүүд хийж чадсан. Өдөр, хоногоор өөрчлөгдөн сайжирч, өөртөө итгэлтэй болж, хувь хүний хувьд хөгжихийн зэрэгцээ компаниа илүү сайн удирдаж байгаа та нарыг хараад баярладаг шүү. Сурсан мэдлэгээ хэрэгжүүлэн шилдэг удирдагчид болоорой. Амжилт!

Bolor 2018-08-08 66.181.161.41

Saikhan yariltslaga bn. Manai businessiin bolon hun udirddag hun burt tulgardag asuudliig helsen bn. Yaj holbogdoh ve

Маркетингийн менежер 2018-08-08 202.179.16.143

Холбоо барих утас: 88023658. И-мэйл хаяг: info@gsmi.mn Вебсайт: www.gsmi.mn

Зочин 2018-08-08 66.181.184.173

коүчингэд хамрагдах биш юм гадаад үг хэрэглэвэл ухаантай боловсролтой гэж харагддаггүй юм ц.оюунжаргалаа захирал юм бол монголоороо ярьж ойлгуулж сур даа /коүчинг хөтөлбөр, коүчийн тусламжтайгаар,коүчинг авч байгаа захиралууд,коүчинг уулзалт,коүчингэд зарцуулсан,ажиллагсдаа мотивацжуулах/ монголоороо сэтгэж ярьж сурчихаад сургалтаа хийгээрэй\n/

Монгол ялнаа 2018-08-08 122.201.24.109

Өөрөө цэг таслал ч хэрэглэж мэдэхгүйн байж юун ч хобби той муулдын. Чи аймар өндөр IQ тэй нөхөр Taxi nd suuchaad shangri-la орхоор бол аз жаргалын оронд очих гэсий гэж орчуулж хэлнэ биз? Баттулгыг ерөнхийлөгч болгочиж байгаа [Хориотой Үг] дагзнуудад юу ч ярихав дээ

ee 2018-08-08 77.111.245.10

naa ergu yumnuudtaigaa yu yaridiim de. neg l ih mongol yarisan bolovsrolgui nohduud l bgashde

ц.оунжаргалд 2018-08-08 202.70.43.138

Та монголоор хэлж болдог, хэлж хэрэглэгддэг үгнүүдээ монголоороо хэрэглэ.Хийж байгаа юмаа хэт их дөвийлгөх гэж гадаад үг хэрэглэдэг явуургүй арга чинь аль хэдийн "зэс цухуйсан" шүү дээ. Тэгээд ч наад арга барилыг чинь "аальгүйтэх" гээд нэршчихсэн байгаа. Бусдыг юч мэлэхгүй гэсэн хандлагаа больж үз.

mongol yalnaa` 2018-08-08 122.201.24.109

yadaj zuv bichcheed hutsdag boloosoi. chi bol pizza zahialahdaa. hairsan amtalsan gambir jisheenii yarina biz? battulga iig garatsan humuustei yu ch yarihav de

Зочин 2018-08-08 64.119.18.253

bas neg gadaad ugiig mongol bolgokh ni , dasgaljuulagchtay geed bichiji bolokhguy yu?

NewsMN Гар утасны хувилбар Татах
NEWS.mn

Мэдээллийн эх сурвалж