Италийн зураач Бруно Валентинетти 2000 онд зурсан нэгэн уран зургаа сэргээсэн нь асуудал дагуулав. Тодруулбал, түүний зураг дээрх сахиусан тэнгэр Италийн ерөнхий сайд Жоржиа Мелонитой адилхан байсан тул сүм болон засгийн газрын албан тушаалтнууд мөрдөн байцаалт эхлүүлээд байна. Соёлын яамны зүгээс Лучина дахь Гэгээн Лоуренсын сүм рүү уг урлагийн бүтээлийг шалгуулахаар ажилтнуудаа илгээжээ. Харин сүмийн эрх баригчдын зүгээс сэтгэл дундуур байгаагаа илэрхийлээд, хариуцлага хүлээх ёстой хүнийг нь олж тогтооно гэв.

83 настай Валентинетти уг буруутгалыг үгүйсгэж байна. Тэрбээр "Энэ бол 25 жилийн өмнө зурсан зурагны сэргээн засварласан хувилбар. Мелонитой адилхан гэж хэн хэлээд байгаа юм бэ" гэжээ.

Мелони өөрөө инстаграмдаа "Би ёстой сахиусан тэнгэртэй адилгүй шүү дээ" гэж бичээд инээсэн эможи хавсаргажээ.

Италийн "La Repubblica" хэвлэл анх тус уран зургийг Мелонитой адилхан болсныг мэдээлсэн байна. Ингэхдээ зургийн өмнөх ба одоогийн хувилбарыг зэрэгцүүлээд, өмнөх зураг нь ердийн л анхаарал татахааргүй төрх байсан гэж онцолжээ.