Баян-Өлгий аймгийн Алтанцөгц сумын төв буюу Цагаан түнгэ багийн нутаг дэвсгэрт өчигдөр өдрийн 16:40 цагийн орчимд орсон хүчтэй аадар борооны улмаас үер буусан байна. Үерийн улмаас сумын төвийн 10 гаруй айл усанд автсан байна.  Тус сумын Засаг дарга С.Бекет ‘Бид сумын Онцгой комиссыг шуурхай хуралдуулж, шөнийн 23 цагаас эхлэн үерийн голомтод ажиллаж байна. Айлуудаар нэг бүрчлэн орж байгаа. Урьдчилсан байдлаар 10 гаруй айлын байшин, хашаа, хүнсний дэлгүүр усанд автсан, худаг, ариун цэврийн байгууламжид ус, шороо дүүрсэн мэдээтэй байна. Одоогоор хохирлын хэмжээг хэлэх боломжгүй’ талаар хэвлэлд мэдээлжээ.  Алтанцөгц сум Баян-Өлгий аймгийн төв Өлгий хотоос 44 км зайд оршдог. Нийтдээ 230 өрхийн 900 гаруй иргэн амьдардаг байна. 

Н.ГАН