НЭМЭЛТ: 

Анхан шатны шүүхээс гаргасан шийдвэртэй холбогдуулж, хохирогч Ш-ийн ээж Г.Отгонтуяа байр сууриа илэрхийллээ. Тэрбээр “Би асар их гомдолтой байна, би өнөөдрийг хүртэлх хугацаанд Монгол Улсын шүүхэд итгэж байсан.  Энэ гэмт хэрэгт холбоотой гурван шүүгдэгч байсан, нэг шүүгдэгч хуулийн дагуу хариуцлагаа хүлээгээд ялаа авлаа. Хэрэгт холбогдсон хоёр яллагдагч гэсэн статусаар орж ирээд, өнөөдрийн мөрдөн байцаах алба, хяналтын прокурор нарын харицуцлагагүй үйлдлээс болоод цагаадаж байна. Миний охины хэрэг дээр хүнд мөрдөн байцаах албаны 15 мөрдөгч ажилласан. 15 мөрдөгч, прокуролр нар хэргийн мөрдөн байцаалт, хавтас бүрдүүлэлтийг маш хариуцлагагүй хийсэн. Та бүхэн мэдэж байгаа, нэгдүгээр сарын 19-нд цацагдсан бичлэгийг шүүхийн хэлэлцүүлэг дээр асуулаа, ээжийн хийсэн бичлэг нотлогдлоо.  Бичлэгийг гэм буруугийн шүүх хурал болохын өмнө гаргаж ирсэн нь өөрөө өрөөсгөл байна. Прокурор, н.Янжиндулам, н.Баясгалан нар маш хариуцлагагүй ажилласан. Одоо би шүүхийн бичиг гар дээр ирсний дараа холбогдох байгууллагад дараагийн гомдлоо гаргана. Хөлөө хүрэх газраа хүртэл явна.

Онц хэрцгий гэмт хэрэг үйлдсэн Ц.Дагвадоржид бүх насаар нь хорих ял оноолоо

Нийслэлийн Баянгол, Хан-Уул, Сонгинохайрхан дүүргийн Эрүүгийн хэргийн анхан шатны шүүх 16, 32 настай иргэнийг онц хэрцгийгээр хөнөөсөн хэргийг шүүн хэлэлцээд Ц.Дагвадоржийг гэмт хэрэг үйлдсэн буруутайд тооцож, хорих ялыг хаалттай ангид эдлүүлж, 468 сая төгрөг гаргуулан хохирогч Ш, Ү нарын ар гэрт олгуулахаар шийдвэрлэлээ.

Харин Э.Номин-Эрдэнэ, Э.Ган-Эрдэнэ, Х.Энхсайхан нарт холбогдох үйлдлийг гэмт хэргийн шинжгүй хэмээн үзэж, хэрэгсэхгүй болгож шийдвэрлэв.

Шүүх хурал хоёр өдөр үргэлжилж, өнөөдөр /2026.01.23/ шийдвэрээ гаргасан юм.