ОХУ-ын нийслэл Москва хотноо үргэлжилж буй бөхийн чөлөөт барилдааны насанд хүрэгчдийн дэлхийн аварга шалгаруулах тэмцээний тав дахь өдөр буюу өнөөдөр чөлөөт бөхийн эрэгтэйчүүдийн 55 кг, эмэгтэйчүүдийн 67, 72 кг-ын жингийн барилдаан болно. Харин манай улсаас эрэгтэйчүүдийн 55 кг-д Монгол Улсын гавьяат тамирчин Б.Наранбаатар, эмэгтэйчүүдийн 67 кг-д Б.Одончимэг, 72 кг-д О.Бурмаа нар дэлхийн аваргын дэвжээнд гарч барилдана.

Б.Наранбаатарын тухайд эхний тойргийн барилдаанд хийлсэн бөгөөд дараагийн тойргийн барилдаанд Киргизстаны бөх Михаиль Захаровтой барилдана. Б.Одончимэг мөн эхний тойрогт хийлж, дараагийн тойрогт Азербайжаны Надья Семенцоватай хүч үзэхээр сугалаа таарчээ. Харин О.Бурмаагийн тухайд мөн л эхний тойргийн барилдаанд хийлж, хоёрдугаар тойрогт Казахстаны тамирчин Ольга Жанибековатай барилдахаар болсон байна.

Барилдааны Монголын цагаар 17.00 цагаас эхэлнэ.

С.Цэлмэг