Монгол зон олны баяр цагаан сар хаяанд ирлээ. Сүүлийн жилүүдэд цагаан сарынхаа тавгийн идээг ааруулаар засах иргэд олон болсон.

“Алтжин бөмбөгөр” худалдааны төвд нэг кг ааруул 30,000-65,000 төгрөгийн хооронд байна. Тодруулбал, чихэртэй ааруул нэг кг нь 30 мянга, хорхой ааруул нэг кг нь 32 мянга, сүүн ааруул нэг кг 45 мянга, ямааны ааруул нэг кг нь 65 мянган төгрөгийн үнэтэй байна. Тавгийн идээний таван үетэй 25 ширхэг ааруул хэмжээнээсээ хамаараад 250,000-300,000 төгрөгөөр худалдаалагдах ажээ. Цагаан идээний үнэ өнгөрсөн жилийнхээс үнэ нэг их өсөөгүй, зарим ааруулын үнэ нэг кг тутамдаа 1000-2000 төгрөгөөр л өссөн гэж худалдагч хэлсэн юм.

Тогооны өрөм хэмжээнээсээ хамаарч 30,000-40,000 мянган төгрөг бол ээзгий 35,000 мянган төгрөгөөр зарагдаж байна.

Харин Цагаан идээ фэйсбүүк группт ааруул нэг кг нь 29,000-40,000 төгрөгийн үнэтэй. Таван үеэр засах боломжтой 25 ширхэг сүүн ааруул, гурван ширхэг орой, нэг кг хорхой ааруул 250,000 төгрөгийн үнээр борлуулагдаж байна.

30 ширхэг сүүн ааруул, гурван ширхэг орой, нэг кг хорхой ааруул иж бүрдлээрээ 281 мянган төгрөг бол 40 ширхэгтэй сүүн ааруул, гурван ширхэг орой, нэг кг хорхой ааруул иж бүрдлээрээ 343,000 төгрөгөөр борлуулагдаж байна.

Т.ӨНӨ-ЭРДЭНЭ