Хятадын дарга Ши Жиньпин, Канадын ерөнхий сайд Марк Карни нар Бээжин дэх уулзалтын дараа хоёр улсын харилцааг сэргээх үүднээс харилцан тарифын хөнгөлөлт үзүүлэхээр тохирчээ. Тодруулбал, Хятад улс Канадын рапсын тосны татварыг 85 хувиас даруй 15 хувь болгон бууруулж байна. Харин Канад улс Хятадын цахилгаан тээврийн хэрэгсэлд хамгийн таатай нөхцөл буюу 6.1 хувийн татвар ногдуулах болжээ.

Ши Жиньпин хоёр улсын харилцаанд гарсан эргэлтийг сайшаасан бол Марк Карнигийн хувьд энэ үйл явдал ялалт байлаа. Канадаас аль нэг удирдагч бараг 10 жилийн дараа анх удаа Хятадад айлчилж буй нь энэ юм.

Трампын тарифын улмаас тодорхойгүй байдал үүссэн тул Канад улс АНУ-аас худалдааны хамааралтай байдлаа бууруулахаар хичээж байгаа билээ. Тэгвэл энэхүү хэлэлцээрийн дараа АНУ-ын хаяанд орших Канад улсад Хятадын хөрөнгө оруулалт нэмэгдэх бололтой.

Марк Карни хэвлэлд мэдээлэл өгөхдөө "Канадын Хятадтай харилцах харилцаа сүүлийн саруудад илүү урьдчилан таамаглахуйц болсон" гэжээ. Мөн харилцан санал нийлэхгүй зүйлс ч байгааг ил тод дурдаад, Канадын улаан шугамыг тодорхой ойлгуулж хэлсэн гэсэн байна.